Jeremiah 8:7 - Tedim Bible

⁷ Gun vapite nangawn in a lal hun ding thei uh a, sumkuangte, phialphiahte, le gun vapite zong a hun ciangin hong tung zel uh hi. Ahih hangin ka mite in Topa’ ngeina kipte a thei kei uh hi.

Tedim Bible Revision 2017

⁷ Gunvapite nangawn in a lal hun ding thei uh a, sumkuangte, phialphiahte, le gunvapite zong a hun ciangin hong tung zel uh hi. Ahih hangin ka mite in Topaʼ ngeina kipte a thei kei uh hi.

Jeremiah 8:7 Referans Kwoze

Isaiah 1:3

Bawng in amah a nei pa thei a, la in zong a topa’ an piakna mun thei buang hi. Ahih hangin Israel in bangmah thei lo a, keima mite in thei thei lo uh hi,” a ci hi.

Isaiah 5:12

Amaute in a pawi sung uhah laiza lasakna le harp lasakna, khuang, tamngai, le leenggahzu, tampi a nei uh hi. Ahih hangin amaute in Topa’ sepnate don lo uh a, a khut tawh a bawlte zong mu lo uh hi.

Solomon la 2:12

Gam sung tengah paakte palh a, lasak hun tung ta hi. Gam sung tengah vakhu hamte kiza ta hi.

Isaiah 27:11

A hiangte a keu ciangin kitan hi. Nupite hong pai-in mei-in cih uh hi. Hih mite in khentel theihna nei lo ahih ciangin amaute a bawlpa in amaute hehpih lo ding a, amaute a piangsak pa in amaute tungah maipha lak lo ding hi.

Zekhariah 5:9

Tua ciangin ka khuadak leh numei nih ka mu a, gun vapi bangin kha nei-in, keima lamah hong leeng uh hi. Van lamah tua ciangpi a leenpihto uh hi.

Jeremiah 4:22

Topa in, “Ka mite hai uh a, kei hong thei lo uh hi. Naupang haite bang uh a, bangmah thei lo uh hi. A sia bawl ding lamsang siam bek uh hi. A hoih bangmah bawl thei lo uh hi,” a ci hi.

Jeremiah 5:6

Tua ahih manin tulak panin humpinelkai in amaute that ding a, sehnel gam panin keivom in amaute a petgawp ding hi. Kamkei in a khuapite uh limtakin vil gige a, a pusuakkhia peuhpeuh balzan gawp ding hi. Bang hang hiam cih leh amaute’ mawhna tamlua a, hong taisan mun lua uh hi.

Habakkuk 1:4

Thukham in thu neizo loin a mawkna suak a, thu a manin kisem ngei lo hi. Thutang thute kilehhei-in, migilote in thuman mite zo zawsop hi.