Jeremiah 8:17 - Tedim Bible

¹⁷ “Bang hang hiam cih leh en un, note lakah gul kong khah ding hi. A kikhim zo lo gul guneite kong khah ding a, note hong tu ding hi,” Topa in a ci hi.

Tedim Bible Revision 2017

¹⁷ “Bang hang hiam cih leh en un, note lakah gul kong khah ding hi. A kikhim zo lo gul guneite kong khah dinga, note hong tu ding hi,” Topa in a ci hi.

Jeremiah 8:17 Referans Kwoze

Thuhilh-sia 10:11

Gul khimthei napi i khim kei leh a kimanna om tuan lo hi; gul in hong tu veve ding hi.

Thu-hilhkikna 32:24

Gilkialin amaute si ding uh a, a sa mahmah meikuang le gunei natna in amaute netum ding hi. Keimah in amaute a pet dingin ha hiam a nei gamsate amaute a tu dingin gu a nei gulte ka sawl ding hi.

Gamlak-vakna 21:6

Tua ciangin Topa in mite’ lakah gul guphate khah a, tuate in mite tu-in Israel mi tampi a si hi.

Mangmuhna 9:19

Hih sakolte in a kam le a mei uhah gu nei uh a, a meite un gul tawh kibangin lutang nei ahih manin a meite uh tawh mi a liamsak uh hi.

Amos 9:3

Karmel mual dawnah a buk uh hangin, amaute zongin ka mankhia ding a, keima kiang panin tuipi tawng sungah bu ta le-uh zong, tuipi gulpite in a tukna ding thu ka pia ding hi.

Amos 5:19

Humpinelkai kihta-in vompi a tuakpa tawh kibang ding hi. Tua ahih kei leh mi khat a inn-ah hong tai a, a kawmah a khut a ngak ciangin gul in a tuk tawh kibang ding hi.

Isaiah 14:29

“Filistia mi khempeuh aw, note hong kisatna ciangkhut a kitan manin lungdam kei un. Bang hang hiam cih leh singbul panin a sel a om bangin, gulpi a sih khit ciangin a siahuaizaw gul gunei hong om ding a, tuate pen a leng thei gulpi hong hi ding uh hi.

Late 58:6

Pasian aw, amau’ kam sunga a om a hate uh sutan inla, humpinelkai khanglai hatu-te botkhia in, Topa aw.