Jeremiah 8:16 - Tedim Bible

¹⁶ Leilu lam Dan khua pek panin galte’ sakol nakging kiza hi. A sakol hatte’ hamna awging in gamlelei lingsak hi. Amaute in i gam le a sunga omteng, hong susia khin ding uh hi,’ a ci ding uh hi.

Tedim Bible Revision 2017

¹⁶ Leilu lam Dan khua pek panin galteʼ sakol nak ging kiza hi. A sakol hatteʼ hamna awging in gam le lei liingsak hi. Amaute in i gam le a sunga om teng, hong susia khin ding uh hi,’ a ci ding uh hi.

Jeremiah 8:16 Referans Kwoze

Thukhente 18:29

Amaute in tua khuapi min pen Israel’ suan amau’ pianna Dan tamin Dan a phuak uh hi. Ahih hangin a masa-in tua khuapi min pen Laish ahi hi.

Thukhente 5:22

Tua ciangin sakol khe, a kop taina, a sakol hangte’ koptaina a ging hi.

1 KORIN MASA 10:28

Ahi zongin mi khatpeuh in, “Milim biakna sa hi,” hong cih leh, tua a hong gen mipa na khualna le nangma lungsim nopmawhna a om loh nadingin ne kei pah in.

1 KORIN MASA 10:26

Bang hang hiam cih leh Lai Siangtho in, “Leitung le a sungah a om khempeuh pen Topa a’ ahi hi,” na ci hi.

Habakkuk 3:10

Mual liante in nang hong muh ciangin ling uh a, van panin guah tampi hong zu hi. Leinuai-a om tuite ging zuazua a, tuihualte in a sangpipi banto hi.

Nahum 3:2

Ngai un! Sakol kisatna a ging, leengpei kigawi, sakol koplenna kheging, sakol leeng a tuan lauhlauh gingte!

Jeremiah 47:3

Sakol khegingte za-in, sakol leeng gingte le a pei kigawite a zak uh ciangin, a khut uh zaw luata ahih manin pate in a tate uh a donzo nawn kei ding uh hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Jeremiah 6:23

Thal le teipi tawi uh a, gilo mahmah uh a, hehpihna lungsim nei loin a husa uh tuipi ging tawh kibang hi. Jerusalem aw, sakol tungah amaute tuangin, nangmah a hong sim dingin a kithawi uh hi,” a ci hi.

Jeremiah 4:24

Mualte ka et leh kiling damdam uh a, mual neute kileh kawikawi uh hi.

Late 24:1

Leitung le a tunga omte, leitung le a tunga tengte Topa-a’ ahi hi.

Thukhente 20:1

Tua ciangin Israel mite khempeuh, Gilead gam zong a kihel, Dan panin Beersheba dong hong kuankhia uh a, Topa’ kiang Mizpah-ah mihing khat bangin mihon hong kikhawm lian uh hi.

JOB (Job) 39:20

Sakolte kauphe bangin diangsak thei-in, mite’ kihtak dingin phitsak thei na hi hiam?

Jeremiah 3:24

“Ahih hangin i neu lai a kipan a zumhuai Baal pasian i biakna hangin i pu i pate’ biakna ahi tuulebawngte, a tapate le a tanute khempeuh uh i sum khinzo hi.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuuhon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 30:5

“Topa in kong cihin-ah: Launa le patauhna aw ka za a, lungnopna aw ka za kei hi.

Jeremiah 30:16

Tua ahih manin no hong thatte kithat ding a, na galte khempeuh uh salin kiman kik ding hi. No hong buluhte kibuluh ding a, no a hong mante, matin omzaw ding uh hi.

Jeremiah 50:42

A thal uh le a teipi uh tawi uh a, gilo mahmahin hehpihna lungsim nei lo uh hi. A husa uh tuipi ging bang a, sakol tungah tuang uh hi. Babylon mite aw, note a hong simgawp dingin hong kithawi uh hi.

Jeremiah 51:29

Babylon gam in na sa-in, kitomin a ling hi; bang hang hiam cih leh ama tungah Topa’ ngimna tangtung a, Babylon gam gamsimtham suaksak a, kuamah a tengsak kei hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.