Biblia Todo Logo
Bib sou entènèt

- Piblisite -




Jeremiah 8:11 - Tedim Bible

11 Amaute in ka mite’ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Gade chapit la Kopi

Tedim Bible Revision 2017

11 Amaute in ka miteʼ thuaknate thupi simsak lo uh a, hoihna a om keei lopi, ‘Hoih hi, hoih hi,’ ci mawkmawk uh hi.

Gade chapit la Kopi




Jeremiah 8:11
14 Referans Kwoze  

Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.


Na kamsangte un zuauthu longal thudang gen ding nei lo uh a, a thuhilhna uh khemna thu bek ahih manin, a khial na hihlam uh a hong hilhtel kei uh hi. Amaute in lam hong lakkhial uh a, kisikkik theih nading hun a hong pia kei uh hi.


Zuau genin khemna tawh thu gen kawikawi a, “Note a dingin leenggahzu le khamtheihzu tampi tak hong om ding hi,” a hong ci kamsangte pawl, note’ deih kamsangte ahi hi.


Keima gen hi lo napi-in na thuzuau genteng uh tawh mihoihte na lunggimsak uh a, migilote a sihtheih nadingun hong kihei loh nading lamah na lehhanthot zawsop uh hi.


Tua ciangin Mikaiah a sam dingin a pai kamtai pa in ama kiangah, “Thu kikhatin kamsangte’ thugen pen kumpipa a dingin a hoihlam ahi hi. Amaute bangin nang zong gen inla, a hoihlamin gen in,” a ci hi.


Tua ciangin Israel kumpipa in kamsangte mihing zali bang khawmin amaute tungah, “Ramothgilead a sim dingin ka kuan ding hiam, ahih kei le ka thuak ding hiam,” a ci hi. Amaute in, “Kuanto in; bang hang hiam cih leh Topa in kumpipa’ khut sungah hong pia ding hi,” a ci uh hi.


Mite in, “Thu khempeuh a hoih laitak hi a, bangmah patauh nading om lo hi,” a cih laitakin thakhatthu-in amaute tungah siatna hong tungvat ding hi. Nausuah natna bangin gimna thuak ding uh a, kuamah suakta lo ding uh hi.


Nopna i zong a, nopna i ngah kei hi. Cidamna i lamen a, siatna bek i ngah hi.


Tua ciangin keimah in, “Ah, Topa Pasian aw, en dih in. Kamsangte in amaute kiangah, ‘Note in namsau ahi zongin, kial ahi zongin na mukha ngei kei ding uh a, hih munah Pasian in lungnopna kip hong pia ding hi,’ a ci uh hi,” ka ci hi.


Keimah Topa’ thugennna a hong ngai lo mite kiangah, hong hoih na ve, ci-in a gen tawntung uh hi. Amau’ lungsim’ deihna bang ciat bek a zui tentan mi khempeuhte kiangah zong, gimna hong tung zenzen lo ding hi, ci-in a gen uh hi,” a ci hi.


Swiv nou:

Piblisite


Piblisite