Jeremiah 8:1 - Tedim Bible

¹ “Tua hun ciangin, Topa in kong cihin-ah, Judah gam kumpite’ guhte, uliante’ guhte, siampite’ guhte, kamsangte’ guhte le Jerusalem khuamite’ guhte a han sung uh panin kilakhia ding hi.

Tedim Bible Revision 2017

¹ “Tua hun ciangin, Topa in kong cih in ah, Judah gam kumpiteʼ guhte, ulianteʼ guhte, siampiteʼ guhte, kamsangteʼ guhte le Jerusalem khua miteʼ guhte a han sung uh panin kila khia ding hi.

Jeremiah 8:1 Referans Kwoze

Ezekiel 6:5

Israel misi luanghawmte ka thehthang gawp ding a, a guhte uh biakna tau kiimah ka lawnthang gawp ding hi.

Amos 2:1

Topa in hih bangin ci hi: Moab mite thumvei a khialh khit, a liveina hangin pel loin amaute gim ka pia ding hi. Bang hang hiam cih leh leiseek cianna-ah a kizang leikang a zat dingin Edom kumpipa’ guhte a hal uh hi.

Ezekiel 37:1

Ka sungah Topa’ vangliatna hong om lamtak ka kiphawk a, ama kha in kei hong paipihin, misi guh tawh a kidimin a om kuampi khatah hong koih hi.

2 KUMPI NIHNATE 23:20

Tua ciangin amah in tua lai-a a om, mualtung a biakna siampite khempeuh, biakna taute tungah that a, tuate tungah mihing guh a hal hi. Tua ciangin Jerusalem-ah amah a ciahkik hi.

2 KUMPI NIHNATE 23:16

Tua ciangin Josiah kihei-in khuadak a, mualtung a om hante a mu hi. Amah in mi sawlin hante sung panin a guhte lasak a, hih thute a genkhol Pasian’ mipa in a gen Topa’ thugen tawh kizui-in biakna tau tungah tuate halin a susia hi.

1 KUMPI MASATE 13:2

Tua ciangin Topa’ sawlna bangin biakna tau langpangin mipa kiko a, “Biakna tau, biakna tau aw, Topa in hih bangin ci hi: ‘En in, Josiah min nei tapa khat David’ suan sung pan hong piang ding hi. Amah in nangma tungah paknamtui a hal mualtung a biakna a pia siampite nangma tungah biakna-in pia ding a, nangma tungah mihingte’ guhte kihal ding hi,’ ci hi,” a ci hi.

2 KUMPI NIHNATE 9:37

Tua ciangin Jezebel’ luanghawm pen Jezreel khuasung lei maitang tungah eklei tawh kibang ding hi. Tua ahih manin kuamah in, “Hih pen Jezebel hi,” cih thei lo ding hi,’ ci hi,” a ci hi.

Late 53:5

Cikmahin tua bang launa a om ngei lo, launa lianpi sungah amaute om uh hi. Bang hang hiam cih leh Pasian in migilote’ guhte thehthang ding hi. Pasian in amaute nial ahih manin, amaute maizumin kikoih ding hi.

Jeremiah 14:16

A hilh uh mite in zong kial le namsau thuakin amaute a kipan a zite uh, a tapate uh, le a tanute uh Jerusalem khua kongzing lakah kipaithang ding a, kuamah in a vui kei ding hi. Bang hang hiam cih leh amau’ gitlohna amau’ tung mahah ka buaksuk ding hi,” hong ci hi.

Ezekiel 6:4

Biakna taute kiphelkek ding a, paknamtui taute kisatkham ding hi. Tua lai-ah a om mi khempeuh kithatin, a milimte uh’ mai-ah kipaithang gawp ding hi.