Jeremiah 7:5 - Tedim Bible

⁵ “Bang hang hiam na cih uhleh na nuntak zia uh le na gamtatnate uh na kipuah uh a, khatlekhat kikalah thuman le thutakin na vaihawm uh a,

Tedim Bible Revision 2017

⁵ “Bang hang hiam na cih uh leh na nuntak zia uh le na gamtatnate uh na kipuah uh a, khatlekhat kikalah thuman le thutakin na vaihawm uh a,

Jeremiah 7:5 Referans Kwoze

Jeremiah 22:3

Topa in a cihin-ah, thumanin diktat unla, a bawlsiate’ khutsung panin bawlsiatna a thuak mite honkhia un. Minam dangte, pa nei lote le meigongte simmawhbawl kha loin amau’ tungah ngongtat kei unla, hih munah zong mawhna nei lo mite that kei un.

Jeremiah 7:3

Vanglian Topa, Israel mite’ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.

Isaiah 1:19

Note in utna lungsim nei-in thu na man’ nak-uhleh lei pana piang a gah hoihte na ne ding uh hi.

Ezekiel 18:17

Gamtatsiat ding ut lo a, a meet bekbek lunggulhna-in sum leitawi pia lo hi. Ka thukhamte zui-in ka thupiakte mang hi. Tua ahih manin hih mipa pen nungta ding a, a pa’ mawhna hangin si het lo ding hi.

Ezekiel 18:8

A meet bekbek lunggulhna-in sum leitawi pia lo hi. Gamtatsiat ding ut lo a, mite’ thu a manin khensak hi.

Isaiah 16:3

Amaute in Judah mite kiangah, “Kote tungah thuhoih hong lak unla, thutangin hong gamta un. Sunkim laitak a singliim bangin kote hong liah un. A kihawlkhia kote hong seel unla, galtai kote hong heek kei un.

Thukhente 21:12

Amaute in Jabeshgilead-a teng mite lakah pasal tawh a lumkhawm nai lo nungakno zali mu uh a, Kanaan gam a om Shiloh giahphual ah tuate hong paipih uh hi.

Thukhente 5:1

Tua ciangin Deborah le Abinoam’ tapa Barak in tua ni-in la sa uh a,

Siampi Laibu 25:17

Note khatlekhat kikhem loin na Pasian uh na zahtak ding uh hi; bang hang hiam cih leh kei pen Topa ka hi hi.

Jeremiah 22:15

Taamtak sing tawh inn na lam manin kumpi kisa na hi hiam? Na pa in an ne tui dawn a, thumanna le diktatna tawh na a sep manin a maa pai hi lo ahi hiam?

Jeremiah 26:13

Tua ahih manin tu-in na nuntak dante uh le na gamtatziate uh kheel unla, Topa na Pasian uh thu ngai un. Tua hileh Topa in note’ kisiatna ding a gensa thu a kheelkik ding hi.

Zekhariah 7:7

Jerusalem cithei-in a khua sungah mi tampi om a, leitaw lam gam, nitumna lam gam, a kiim a pam khuapite-ah mi tampi tengin a om hun laitakin, tu-a bangmahin Topa in a kamsang masate’ tungtawnin a gensa thu ahi hi.

Ezekiel 18:5

“Gentehna-in mi a hoih mahmah, a thuman, a diktat mi khat om hi.