Jeremiah 7:33 - Tedim Bible

³³ Misi luangte huih lak a leeng vasate le leitungah a om ganhingte’ an a suak ding uh a, tuate a delhmang ding kuamah om lo ding hi.

Tedim Bible Revision 2017

³³ Misi luangte huihlak a leeng vasate le leitungah a om ganhingteʼ an a suak ding uh a, tuate a delh mang ding kuamah om lo ding hi.

Jeremiah 7:33 Referans Kwoze

Jeremiah 12:9

Ka mite pen, sasialne vasa gial khat, sasialne vasa dangte in a kimkot panin a tuk huan nainai uh tawh a kibang uh hi. Gamsate aw, hong kikhawm unla, pawi hong siim un.

Thu-hilhkikna 28:26

Note’ luanghawmte pen huih lak a leeng vasate khempeuh le leitung a ganhingte khempeuh’ an hi ding a, tuate a bengkhia ding mihing om lo ding hi.

Ezekiel 39:4

Nang le na galkap honte le nang hong panpih minam khempeuhte pen Israel mualtung gamah na simang ding uh a, vasa nam khempeuh le gamsate in na sa uh ne ding uh hi.

Jeremiah 34:20

A galte’ khut sungah amaute ka pia ding a, a thatnuam mite’ khut sungah ka pia ding hi. A luanghawmte uh vana vasate le leitung a gamsate’ an a suak ding uh hi.

Jeremiah 25:33

“Tua ni-a Topa’ thahlup mite’ luanghawmte leimong khat panin mong khat dongah a kithehthang ding uh hi. Amaute kuamah in a kah kei ding uh a, kikaikhawm loin, kiphum lo ding uh ahih manin leilakah ek nusiatin a kinusia ding uh hi.

Jeremiah 22:19

La si a kiphum bang lelin amah kivui ding a, Jerusalem kongpi pualamah kikai talin kipaai ding hi,” a ci hi.

Jeremiah 19:7

Hih munah Judah mite le Jerusalem mite’ ngimna ka tangtungsak kei ding a, a galte uh’ namsau le a thatnuamte’ khutlumin amaute ka sisak ding hi. Amau’ luanghawmte huihlaka leeng vasate le leilak ganhingte’ an dingin ka pia ding hi.

Jeremiah 16:4

Natna lian tawh si ding uh a, kuamah in kah loin kuamah in zong a vui kei ding uh hi. Leilak a ek ki-tha a bang lel ding uh hi. Namsau le kial tawh a si ding uh a, a luanghawmte uh huihlaka a leeng vasate le leilaka ganhingte in a ne ding uh hi.

Jeremiah 9:22

Gamlak a ki-tha ek bangin misi luang kipaithang ding a, buhlom atsa kinusia bangin kuamah in a khawm kei ding hi, ci-in a gen dingin Topa in kei hong sawl hi,” ka ci hi.

Isaiah 18:6

Tuate khempeuh mualtung a om vasate’ nek ding le leitung a ganhingte’ nek dingin kinusia ding hi. Khuakhal ciangin vasate in ne ding a, phalbi ciangin leitung a ganhingte in ne ding uh hi.

Jeremiah 14:16

A hilh uh mite in zong kial le namsau thuakin amaute a kipan a zite uh, a tapate uh, le a tanute uh Jerusalem khua kongzing lakah kipaithang ding a, kuamah in a vui kei ding hi. Bang hang hiam cih leh amau’ gitlohna amau’ tung mahah ka buaksuk ding hi,” hong ci hi.

Jeremiah 15:3

“Amaute’ sih nadingin gimna nam li ka tungsak ding hi. A kithahna ding uh namsau, a keizan gawp dingin ui, a valhtum ding le a susiagawp dingin huih lak a vasate le leilak a ganhingte ka koih ding hi.

Ezekiel 29:5

Nang le na ngasa khempeuh gamlakah kong paai ding hi. Leilakah na pumpi kiphah ding a, phum lohin hong kikoih ding hi. Ganhingte le vasate’ an dingin nang ka hong pia ding hi.

Thu-hilhkikna 8:20

Topa note’ Pasian’ aw ngai lo ahih manun, Topa in note’ mai-ah a siatsak minamte bangin note na sia ding uh hi.

Jeremiah 9:21

Bang hang hiam cih leh tawlet vang panin sihna hong lut a, kumpipa’ inn sungah zong sihna hong lut hi. Kongzing a naupangte vatmang a, sumbuk a tangvalte vatlum hi.