Jeremiah 7:31 - Tedim Bible

³¹ Hinnom Kuam-ah a tapate a tanute uh mei sungah a hallupna ding uh Tofeth a kici biakna tau khat a bawl uh hi. Tua pen kei’ sawl lah hi loin, zong ka ngaihsunkha ngei beek kei hi.

Tedim Bible Revision 2017

³¹ Hinnom Kuam ah a tapate a tanute uh mei sungah a hal lupna ding uh Tofeth a kici biakna tau khat a bawl uh hi. Tua pen keiʼ sawl lah hi loin, zong ka ngaihsun kha ngei beek kei hi.

Jeremiah 7:31 Referans Kwoze

2 KUMPI NIHNATE 23:10

Tua ciangin kuamah in Molek pasian tungah a tanu ahi a, a tapa ahi zongin biakna-in a hal theih nawn loh nadingin Hinnom Kuam sunga om Tofeth kici milim biakna mun a susia hi.

Jeremiah 32:35

Hinnom Kuam-ah a tapate le a tanute uh tawh Molek pasian a biak nadingun Baal a’ ding biakna tau sangte a bawl uh hi. Hih a kihhuai na semin, Judah mite mawhna a bawlsak nadingun amaute ka sawl kei a, zong ka ngaihsunkha ngei beek kei hi.

2 KUMPI NIHNATE 17:17

Amaute in biakna-in a tanute uh le a tapate uh halin vankahna le aisanna zang uh a, Topa’ muhna-ah a sia a gamta dingin kipia tawmin amah hehsak uh hi.

Siampi Laibu 18:21

Nangmah in Molek tungah meihal biakna-a piak dingin na tate khat peuhpeuh na pia kei ding a, tua bangin na Pasian’ min na daisak kei ding hi; keimah pen Topa ka hi hi.

Ezekiel 16:20

“Tua ciangin kei tawh na neih na tanute le tapate la-in milim biakna-in haltum dingin na pia hi. Kei tungah na cihtak lohna thuneu lua sa a,

2 KHANG TANGTHU NIHNATE 33:6

Tua ciangin amah in Hinnom’ tapa’ kuamah biakna-in a tapate hal a, aisanna le mailam thugenkholhna le khongkhaina zang a, vankah theite le aisante tawh na semkhawm hi. Amah in Topa’ muhna-ah siatna tampi bawl a, amah hehsak hi.

2 KHANG TANGTHU NIHNATE 28:3

Tua ciangin Hinnom’ tapa’ kuamah paknamtui hal a, Topa in Israel-te’ mai-ah a hawlkhiat minamte in a zat uh a kihhuai gamtatnate mah bangin biakna-in a tapate a hal hi.

Thu-hilhkikna 12:31

Topa na Pasian uh tungah tua bangin na hih kei ding uh hi. Bang hang hiam cih leh Topa in a muhdah a kihhuai nam khempeuh amaute in a pasian-te uh a dingin hih uh hi. A pasian-te uh a dingin a tapate uh le a tanute nangawn uh mei sungah a hal uh hi.

Thu-hilhkikna 17:3

pasian dangte’ na semin tuate bia ahi zongin, keimah in ka kham ahi ni ahi a, kha ahi a, vantung na khat peuhpeuhte’ na semin bia ahi zongin,

2 KUMPI NIHNATE 23:20

Tua ciangin amah in tua lai-a a om, mualtung a biakna siampite khempeuh, biakna taute tungah that a, tuate tungah mihing guh a hal hi. Tua ciangin Jerusalem-ah amah a ciahkik hi.

Jeremiah 19:2

nisuahna lam kongpi gei, Hinnom kuam-ah pai-in, kong gen thute tua lai-ah va taangko in.

Joshua 15:8

Tua ciangin Jebus (Jerusalem a cihna) liangko leitaw lam Hinnom’ tapa’ kuamah gamgi paito-in, Refaim kuam leilu lam mong, nitumna lam Hinnom Kuam galkhatah a kikhung mual dawnah gamgi paito hi.

Isaiah 30:33

Assiria kumpipa a kihalna ding mei phualpi mun, sawtpekin kibawl khinzo hi. Kumpipa a dingin a baihsa-in kikoih a, a mi halna pen lianin kisangsak a, sing a sangpi-in vum venvan hi. Topa in kaat kuang hu sangkhia ding a, tua mei phualpi tawhkuang ding hi.

Jeremiah 2:23

Bangci bangin nangmah in, ‘Kei ka nin kei hi. Baal pasian-te’ nung ka zui kei hi,’ bang hangin ci thei ding na hi hiam? Mualkuam zangah a om na lampi totte ento inla, na hihsate mu dih in. A suktai a totai kawikawi kalaoh huk na bang tazen hi.

Ezekiel 20:26

Amaute’ biakpiaknate mah tawh amau mah kininsakin, a tapa upa pente uh zong biakna-in ka piasak hi. Hih bangin ka hihna pen amaute gimpiakna le kei pen Topa ka hihna thu a hong theih nading uh ahi hi.

Ezekiel 20:31

Tuni ciang dongin note in a kipia ngei letsongte mah puakin, tua milimte mah biakna-in na tate uh na hal uh ciangin noleno a kininsaktawm na hi uh hi. Tua bangin na gamtat khit uh ciangin no Israel mite, kei kiangah thu a dong dingin nong pai lai uh hi. Kei pen a nungta Topa Pasian ka hih mah bangin, note’ thudotin ka om het kei taktak ding hi.

Micah 6:7

Topa kiangah tuu a tul tulin va puakin, guntui bangin sathau va luangsak leng, tuate tawh amah lungdam ding ahi hiam? Ka mawhnate maisak nadingin ka ta upa pen tawh va bia ding ka hi hiam?

Thu-hilhkikna 18:10

Note lakah a tanu ahi a, a tapa ahi zongin biakna-in a zang, ai a saan, khong a khai, mailam thu a gen, ai a tawi,

Jeremiah 32:34

Amaute in ka min tawh a kilo biakinnsung nangawnah a kihhuai milimte a koih uh a, a ninsak uh hi.