Jeremiah 7:29 - Tedim Bible

²⁹ “Jerusalem mite aw, na lu uh mettol un. Na sam uh paimang unla, mualtungah va kap un. Bang hang hiam cih leh Topa in hih a gilo khang mite ka nialzo a, ka taisan khinzo hi.

Tedim Bible Revision 2017

²⁹ “Jerusalem mite aw, na lu uh mettol un. Na sam uh paai mang unla, mual tungah va kap un. Bang hang hiam cih leh Topa in hih a gilo khang mite ka nial zo a, ka taisan khinzo hi.

Jeremiah 7:29 Referans Kwoze

JOB (Job) 1:20

Hih thu a zak ciangin Job dahlua-in a puan balkek a, a sam met khia-in leilakah bok sukin Pasian a bia hi.

Micah 1:16

Judah mite aw, na it mahmah na tate uh, sal a suak dingin hong kilaksak ding ahih manin, amaute’ hangin na dahna limun na sam uh met unla, musane bangin na lu uh tolsak un.

Jeremiah 6:30

Amaute, a kideih lo ngun-ek kici ding hi. Bang hang hiam cih leh Topa in, ‘Amaute ka deih kei hi,’” hong ci hi.

Jeremiah 16:6

Hih gamah miliante le mineute si ding uh a, kivui loin, amau’ hangin kuamah kap loin, kuamah in a pumpi uh kuiliam loin a sam uh zong a met kei ding uh hi.

Sawltak 2:40

Tua ciangin Peter in amaute tungah thu tampi genthuahin hanthawn a, “Hih migilote’ gimthuak ding na tuahkhak loh nadingun nomau mah in na suahtak nading uh lampi zong ciat un,” a ci hi.

Mattiu 23:36

Note kiangah kong genin-ah: Tuhuna mite tungah hih gimna hong tung takpi ding hi.

Mattiu 16:4

Tulai hun mite giloin, Pasian tawh kipawl lo uh hi. Lim a nget uh hangin Jonah lim simloh a dang kilaklo ding hi,” ci-in a dawng hi. Tua ahih manin amaute nusia-in a paisan hi.

Mattiu 12:39

Ahi zongin Jesuh in, “Tuhuna mite bangzahin giloin, Pasian’ thu thei lo ahi uh hiam? Na lamdang ka bawl ding na hong ngen tazen uh hi. Jonah thu tawh kisai nalamdang longal adang hong kilaklo ding hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Ezekiel 28:12

“Mihing ahi Ezekiel aw, Taia kumpipa in a thuak ding tawh kisai-in tamlawh inla, Topa Pasian ahi keima thugen, hih bangin gen in: “Nidang lai-in mi kicing etteh pha khat na hi a, pilna le hoihna tawh a kidim na hi hi.

Ezekiel 19:1

Israel uliante hih bangin tamlawh in hong ci hi:

Jeremiah 48:37

“Mi khempeuh in a lu uh mettol uh a, a khamul uh kiatsiang uh hi. A khutte uh kuikek uh a, a kawng uhah puanhampi a teng uh hi.

Jeremiah 47:5

Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

2 KUMPI NIHNATE 17:20

Tua ciangin Topa in Israel suanlekhakte khempeuh nialin amaute gimsak a, ama muhna panin amaute a paihkhiat dongin amaute a siasak migilote’ khut sungah amaute a pia hi.

Thu-hilhkikna 32:5

Ama tungah amaute gamtat sia uh a, amaute’ sitbaanna hangin ama tate hi nawn lo uh hi. Amaute pen a lampial, a lungsim kawi khang mite ahi uh hi.

Isaiah 22:12

Tua ni ciangin Vanglian Topa Pasian in kahna le thumna, sam mettolna le puanhampi silhna a zang dingin thu hong pia hi.

Jeremiah 3:2

Khuadak inla mualsang dawnte en dih in. Hong kilup khoppih lohna mun koi laitakah om ahi hiam? Arab mite in a suam dingun gamlakah mi a ngak uh bangin lam gei-ah tu-in na luppih ding mi na ngak hi. Na paktatna le na gitlohna tawh hih gam na ninsakzo hi.

Jeremiah 3:21

Mualtung panin awging khat hong kiza a, Israel mite’ kahna le tauna awging ahi hi. Lam a pialna hang uh le Topa a Pasian uh a mangngilhna hang uh ahi hi.

Jeremiah 9:10

“Mualte a dingin kapin tau unla, gamlak lonona munte a dingin thumin tau un. Bang hang hiam cih leh tuate keu gawp a, kuamah pai nawn lo hi. Bawng ham zong kiza nawn lo a, vana leeng vasate le gamsate a taimangta uh hi.

Jeremiah 12:7

Tua ciangin Topa in, “Ka inn ka nusia khin a, ka luahsa mite ka paimangta hi. Ka it mahmah ka mite, a galte uh’ khut sungah ka piata hi.

Jeremiah 14:19

Topa aw, nangmah in Judah gam nialsiang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Damna ding hun ka lamen uh a, lauhuaina bekbek ka mu uh hi.

Kah la 5:22

Kote hong nial tawntung takpi ding na hi hiam? Na hehna in ciangtan hun nei thei lo ding ahi hiam?

Amos 5:1

Israel mite aw, kap kawmin kong thugenna, limtakin ngai un:

Jeremiah 9:16

Amaute le a pute a pate’ theih ngei lohna gam dangah ka kithehthangsak ding a, a sih khit dong uh namsau ka nungdelhsak ding hi,” hong ci hi.