Jeremiah 7:28 - Tedim Bible

²⁸ Tua ciangin nangmah in amaute kiangah, ‘Hih gam pen, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Tedim Bible Revision 2017

²⁸ Tua ciangin nangmah in amaute kiangah, ‘Hih gam pen, Topa amauteʼ Pasianʼ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Jeremiah 7:28 Referans Kwoze

Zefaniah 3:2

Topa’ thu ngai nuam lo a, a thuhilhna sang nuam lo hi. Topa muang nuam lo a, a Pasian naih nuam lo hi.

Jeremiah 32:33

Amaute in kei hong nungngatin hong maingat lo uh a, ka hilh tawntung hangin ka hilhna a hong mang kei uh hi.

Paunak 1:7

Topa zahtakna in pilna kipatna hi a, mihaite in pilna le thuhilhna don lo uh hi.

Zefaniah 3:7

Tua ahih manin ka mite in kei hong zahtakin ka thuhilhna ngai ding uh a, mangngilh lo ding uh hi, ci-in ka ngaihsun hi. Ahi zongin a gamtatsiat ngei bangun gamtalai veve uh hi,” a ci hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Jeremiah 6:8

Jerusalem khuapi aw, kidawm in. Na kidop kei leh nang kong taisan ding a, kuama ten lohna gam simtham na suakkha ding hi,” a ci hi.

Jeremiah 5:3

Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.

Jeremiah 5:1

Jerusalem khua sungah kileh kawikawi un. Khuadak unla en dih un! A thuman gamtat leh thuman a zong mi khat beek na mu uh hiam, zong dih un. Na muh uhleh tua khua’ mawhna ka maisak ding hi.

Jeremiah 2:30

Na tate uh thuhilhin ka sat hangin a mawkna suakzo ta hi. Amaute kibawlpha tuan lo uh hi. Humpinelkai hawk bangin na namsaute un na kamsangte uh a that khinzo uh hi.

Late 50:17

Bang hang hiam cih leh hilh ding na ut kei uh a, ka thute na nunglam uhah na paai uh hi.

Jeremiah 6:17

Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Jeremiah 11:10

Ka thu a ngai nuam lo a pu a pate uh’ mawhna lamah kilehhei khinzo uh a, pasian dangte’ na a sem dingin a zui khinzo uh hi. Israel mite le Judah mite in a pu a pate uh tawh ka bawlsa uh thuciamna a palsat khinzo uh hi.

Jeremiah 17:23

Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.

Late 12:2

Mi kim in a vengte kiangah zuauthu gen ciat a, phat khemna kam zol le lungsim nam nih tawh thu a gen uh hi.

Isaiah 30:9

Bang hang hiam cih leh amaute pen a lehdo mite, a zuauthei tapate, Topa’ thuhilhna a ngai nuam lo mite ahi uh hi.

Jeremiah 6:28

A vekpi-un kei hong langpan’ tentan uh a, zuauthu a gen kawikawi uh hi. Sumngo le sik bangin khauh mahmah uh a, a vekpi-un a siat gamtat khin uh hi.