Biblia Todo Logo
Bib sou entènèt

- Piblisite -




Jeremiah 7:26 - Tedim Bible

26 ahih hangin amau in ka kamsangte’ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a siazaw uh hi.

Gade chapit la Kopi

Tedim Bible Revision 2017

26 ahih hangin amau in ka kamsangteʼ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a sia zaw uh hi.

Gade chapit la Kopi




Jeremiah 7:26
44 Referans Kwoze  

Note, na pu na pate sangun na siahuaizaw uh hi. Bang hang hiam cih leh en un, note’ utna bang ciat na zui tentan uh a, ka thu nong ngai nuam kei uh hi.


Tu-in na pute na pate uh bangin lungkhauh kei unla, note kiang panin a lauhuai ama hehna a kiheikhiat theih nadingin Topa’ lamah kipia unla, amah in a tawntung dingin a sianthosaksa a biakinn-ah Topa na Pasian uh bia un.


Tua ahih manin i pu i pate’ maban zomto vet un.


“Vanglian Topa, Israel mite’ Pasian in a cihin-ah: En un, hih khuapi le a kiima khuaneute tungah ka gensa siatna khempeuh ka tungsak ding hi. Bang hang hiam cih leh amaute in a lungsim uh khauhsak uh a, ka thute a ngai nuam kei uh hi, ci hi,” ka ci hi.


Ahih hangin na pu na pate un ka thu hong ngai lo uh a, a bil uh hong ngat lo uh hi. Ka thu hong mang lo uh a, ka hilhna a theih loh nadingun a lungsim uh a khauhsak uh hi.


Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.


Lungsim khauhin na kisik nop lohna hangun Pasian’ hehna le a manin a thukhenna a hong kilat Ni ding ciangin na gimthuak ding uh a nasia semsem dingin a bawl na hi uh hi.


“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.


Ahi zongin lo khawhlawhte in a tapa a muh uh ciangin, ‘Hih pa pen a gamhluah ding pa ahi hi. Hong pai un; amah thatin a luah dingteng eite inla ni,’ a kici uh hi.


Ka kumpite uh, ko hong ukte, ka pu ka pate uh, le minam khempeuh tungah na min tawh thu a hong gen na nasem kamsangte’ thu ka ngai kei uh hi.


“Topa’ mina nong gen thute kong mang kei ding uh hi.


note kiangah nasem dinga hong kizuak na Hebru mipihte uh in note a dingin kum guk, na hong sepsak khit a kum sagihna sungin na khahkhia ding uh a, na na uh na semsak nawn kei ding uh hi, ka ci hi. Ahih hangin na pu na pate un ka thu hong ngai lo uh a, hong mang lo uh hi.


Bang hang hiam cih leh, Topa in kong cihin-ah, ka nasem ka kamsangte’ tungtawnin kong puak ngitnget thute amaute in thupisim loin a hong mang kei uh hi.


note in a thu na man’ ngei loh uh ahi, kong sawl zelzel ka nasem kamsangte’ thu na thupi sim kei uhleh


Ahih hangin Topa in kong cihin-ah, note in ka thu nong ngai kei uh a, note’ gim ngahna ding mahin na khut uh tawh milim bawlin nong hehsak uh hi.


“Amon’ tapa Josiah, Judah gamah kumpi a suahzawh a kum sawm le thum pan tu ciang dong kum sawmnih le kum thum sung Topa in kei hong hopih a, ke’n zong note kiangah kong gensawn tawntung hangin note in na ngai kei uh hi.


Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.


Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.


Note pen paupeengin na ngawng uh sik thagui bang hi a, na thatang uh sumngo bangin a sakna thei khin ka hih manin,


Kihilh napi-in a mang nuam lote bawlphat zawh nawn loh dongin kisia ding uh hi.


Tua hi a, na thukham lamah amaute hong kihei kikna ding limtakin na hilh a, ahi zongin amaute kihisakin na thupiaknate don lo uh hi. A zuite tungah nuntakna a pia thei ahi na ngeina kip tungah amaute khial uh hi. Lungkhauhin phengphi-in amaute kiheikhia uh a, thu mang nuam lo uh hi.


Topa in Manasseh tung le ama mite tungah thu gen a, ahih hangin amaute in don lo uh hi.


Ahih hangin amaute in a thu ngai lo uh a, Topa a Pasian uh a um lo a pu a pate uh mah bangin lungsim khauh uh hi.


Ka leenggui lo a dingin ka hih nai loh ka hih ding a kilawm bang omlai ahi hiam? Leenggah hoih gah ding ka lamet laitakin bang hangin gam leenggah hong gah mawk ahi hiam?


Topa aw, nangmah in thuman en gige hi lo na hi hiam? Nangmah in amaute na sat hangin a awlmawh tuan kei uh hi. Na sukgawp hangin na thuhilhna a ngai tuan kei uh hi. Amaute’ maitang suangtum sangin sakzaw a, a kisik nuam kei uh hi.


Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.


Ka nasem ahi kamsangte khempeuh note kiangah hong sawl tawntungin, ‘Tu-in note khempeuh na hoih lohna uh panin kihei unla, na gamtat hoih lote uh kipuahpha un. Pasian dangte nung delh loin a na na sep kei nak-uhleh note le na pu na pate uh kiangah ka piak gam sungah na teng ding uh hi,’ ci-in note tungah hong gen uh hi. Ahih hangin note in na bil uh nong ngat kei uh a, ka thu nong ngai kei uh hi.


Tua ahih manin keimah Topa Vanglian Pasian in kong genin-ah: En un, Judah mite le Jerusalem khua-ah a teng mi khempeuh tungah a tung dingin ka gen khiatsa khempeuh ka tungsak ding hi. Bang hang hiam cih leh amau tungah ka gen hangin amaute in ka thu hong ngai lo uh a, amaute ka sap hangin hong dawngkik lo uh hi, ci hi, ci-in va gen in,” a hong ci hi.


Tua ahih ciangin Israel mite tungah Topa Pasian ahi keima thugen hih bangin gen in: Na pu na pate un a bawl mawhnate mah note in zong bawlin a milimte mah uh sulzuih ding na hi uh hiam?


Ahi zongin amaute in mang nuam het lo uh a, hih thute ngaihsutin zong nei nuam lo uh hi.


Na pu na pate uh mah bangin ka thukhamte panin note na pialkhia uh a, ka thukhamte na zui kei uh hi. Ahi zongin keima lamah hong kihei kik un; kei zong note lamah kong kihei ding hi. Ahi zongin note in, ‘Nang lamah hong bangci kihei ding ka hi uh hiam?’ na ci uh hi.


Topa note’ Pasian’ aw ngai lo ahih manun, Topa in note’ mai-ah a siatsak minamte bangin note na sia ding uh hi.


nangmah in na mai-a om mite khempeuh sangin siatna bawlzaw-in, pai-in pasian dangte le a kisung milimte nang a dingin bawlin ka hehna dingin nong phin a, na nung lamah kei nong paai hi.


Tua ciangin Judah mite, Topa’ muhna-ah a sia gamta uh a, a pu a pate khempeuh uh hih sangin a tamzaw-in amau’ khialhnate uh tawh ama hazat nading piangsak uh hi.


Amaute in ama thukhamte, le a pu a pate uh tawh a bawl a thuciamna, le amaute tungah a piak hilhkholhnate simmawh uh hi. Amaute in a mawkna milimte zui-in a mawkna suak uh a, amaute tawh kibangin gamta kei un ci-in Topa in a thupiak tawh kisai-in, amaute in amau’ kiima om minamte zui uh hi.


A pa Manasseh a kiniamkhiat bangin Topa’ mai-ah amah kiniamkhiat lo a, hih Amon in mawhna tam piangsak semsem hi.


Na mawhna na phawk ding bek kisam hi. Topa na Pasian na langpanna, singliim nuai khempeuhah gamdang pasian-te tawh na khialh kawikawina le ka thu nong man lohnate pulak in, Topa in kong ci hi.


Topa in, “Amaute in a mai uha ka lah ka thukham nusia uh a, ka thu hong mang loin ka cih bangin ta lo uh a,


Na daupai laitakun kong hopih hangin na hong ngai nuam kei uh hi. Na neu tung uh a kipan nong tuacih ngitnget uh a, keima thu nong mang ngei kei uh hi.


Amau zong lutin a luahpah uh hi. Ahih hangin amaute in na thu hong mang loin, thukham hong zui lo uh a, hih dinga na thupiakte khat beek a hih kei uh hi. Tua ahih manin amaute tungah hih siatna khempeuh na tungsak hi.


“Mihing ahi Ezekiel aw, a lehdo thei mite lakah a teng na hi hi. Amaute in mit nei napi-in khua mu lo uh hi. Amaute pen a lehdo thei mite ahihna hang uh ahi hi.


Ezekiel aw, tu-in galtai dingte’ gamtat bangin na van puak ding guang inla, suntangpi-in paikhia in. Na omna panin na paikhiatlam mi khempeuh musak in. A lehdo thei mi ahih tei hangun a thu theithei kha ding uh hi.


Ka mite in kei kiang panin pial ding ngaihsun tawntung uh ahih manin amaute in kolbulhna thuak ding uh a, kuamah in a kol sutsak lo ding hi.


Swiv nou:

Piblisite


Piblisite