Jeremiah 7:20 - Tedim Bible

²⁰ Tua ahih manin Topa in kong cihin-ah: En in, ka hehna le ka thangpaihna hih munah ka bua ding a, mihingte’ tung le ganhingte’ tung, lo lai-a singkungte le leilak a singgahte tungah ka sung ding hi. Ka hehna mei bangin kuang ding a, kisumit lo ding hi.

Tedim Bible Revision 2017

²⁰ Tua ahih manin Topa in kong cih in ah: En in, ka hehna le ka thangpaihna hih munah ka bua dinga, mihingteʼ tung le ganhingteʼ tung, lo lai-a singkungte le leilak a singgahte tungah ka sung ding hi. Ka hehna mei bangin kuang dinga, kisumit lo ding hi.

Jeremiah 7:20 Referans Kwoze

Jeremiah 42:18

“Bang hang hiam cih leh Vanglian Topa, Israel mite’ Pasian in kong cihin-ah: Jerusalem khua-ah a teng mite’ tungah ka hehna le ka thangpaihna a kibuak bangmahin Egypt gamah na pai uhleh note tungah ka hehna hong kibua ding hi. Mite in note hong lipkhap ding a, kihamsiatna-in hong zangin hong zahko ding uh hi. Note in hih mun na mukik nawn kei ding uh hi, ci-in gen hi,” ka ci hi.

Jeremiah 17:27

Ahih hangin ka thu nong ngaih kei uh a, Sabbath ni siangthosak loin, Jerusalem khua kongpite-ah van pua-in nong lutpih uhleh, tua kongpite ka hal ding hi. A mei in Jerusalem khua kumpi innte lawhin kangtum ding a, a mei a kiphelhzo kei ding hi,’ va ci in,” hong ci hi.

Isaiah 42:25

Tua ahih ciangin amah in ama hehna so leh galkidonate eite tungah hong tungsak hi. Israel mi khempeuh lakah ama hehna mei bangin hong kuang a, ahih hangin eite in bangmah i thei kei hi. Tua bang i thuakna hangin eite in bangmah i phawk thei tuan kei hi.

Nahum 1:6

Ama hehna kua in nangzo ding a, ama lunghamna kua in thuakzo ding ahi hiam? A hehna, meikuang bangin hong khahkhia a, ama mai-ah suangtumpite kitamzan hi.

Ezekiel 22:22

Meiphual sungah ngunte a kituisak bangin Jerusalem-ah note hong kibawl ding hi. Tua ciangin keima hehna a thuak na hihlam uh na thei ding uh hi,” a hong ci hi.

Kah la 4:11

Topa in a hehna khempeuh siit nawn loin hong buakhia a, meikuang tawh Jerusalem hong hal ahih manin a kangtum hi.

Jeremiah 44:6

Tua ahih manin Judah gam khuapite sung le Jerusalem khua kongzing lakah ka hehna le ka thangpaihna ka bua a, ka kuangsak hi. Tuni-a na muh uh bangin tuate kisia-in gamlak suak khinta hi.

Isaiah 66:24

Amaute a ciah uh ciangin kei hong lehdo mite’ luanghawmte en ding uh hi. Bang hang hiam cih leh amau a ne thante si ngei loin, amau a kihalna mei mit ngei lo ding a, amaute pen mi khempeuh’ kih hi ding hi, a ci hi.

2 KUMPI NIHNATE 22:17

Bang hang hiam cih leh amaute in kei hong nusia-in pasian dangte tungah paknamtui hal uh a, amau khut tawh a bawl milimte tawh kei hong hehsak uh ahih manin hih mun tungah ka hehna so ding a, ka hehna dai lo ding hi.

Mangmuhna 14:10

Pasian’ leenggahzu zong dawn ding uh hi. Pasian in ama hehna ahi leenggahzu khauh pen ama hehna hai sungah a dimtakin sung khinzo ta hi. Tua bang mite pen a siangtho vantung mite le Tuuno mai-ah meikuang le kat khu tawh gimna kipia ding hi.

Malakhi 4:1

Vanglian Topa in hih bangin ci hi: “En un, mi kiphasak khempeuh le migilo khempeuh, a zung a hiang cih om loin buhtu bangin a kattum ding hun hong tung ding hi. Tua ni ciangin khat zong suakta loin a vekpi-in kangtum khin ding uh hi.

Daniel 9:11

Israel-te khempeuh in na gensa thute le na thukhamte khempeuh a palsat khinzo uh hi. Na tungah khialhna ka hong bawl manun, na nasem Moses’ thukham sunga kigelh bangin kote’ tungah samsiatna a hong tung hi.

Jeremiah 14:16

A hilh uh mite in zong kial le namsau thuakin amaute a kipan a zite uh, a tapate uh, le a tanute uh Jerusalem khua kongzing lakah kipaithang ding a, kuamah in a vui kei ding hi. Bang hang hiam cih leh amau’ gitlohna amau’ tung mahah ka buaksuk ding hi,” hong ci hi.

Jeremiah 12:4

Ka gam sung bang tanvei keucip ding ahi hiam? Mun khempeuhah lopate bang tanvei vulcip ding ahi hiam? A teng mite’ gitlohna hangin gamsate le vasate a mangthang khin uh hi. Bang hang hiam cih leh amaute in, “I gamtatnate Pasian in hong mu kei ngawn,” a ci uh hi.

Mattiu 3:12

Amah in a khutah anzapna tawi-in a ante zap a, a taksate khawmin a ansal sungah koih ding a, a ansite ahihleh a mit ngei lo mei sungah a khul ding hi,” ci-in thu a hilh hi.

Isaiah 10:17

Israel-te’ khuavak pen mei suakin, Israel-te’ Siangtho Pa pen meikuang suak ding hi. Ni khat sungin ama lingkungte le lingte kangin beitum ding hi.

Jeremiah 6:11

Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Jeremiah 6:12

A innte uh midangte in luah ding uh a, a lote le a zite uh a taan ding uh hi. Bang hang hiam cih leh Topa in kong cihin-ah, hih mite’ langkhatah ka khut zanin gim ka pia ding hi.

Jeremiah 8:13

“Topa in kong cihin-ah, amaute ka susia khin ding a, a lote uhah leenggah a om nawn kei ding hi. Thei in zong gah a nei nawn kei ding hi. A tehte nangawn keu ding a, amaute ka piaksa nate a bei ding uh hi.

Jeremiah 11:16

Nidang lai-in Topa in note, a hing dikdek a gahpha oliv kung tawh kong genteh ngei hi. Ahih hangin kong hal ding a, na hiangte uh kangtumin ging huhu ding hi.

Jeremiah 17:4

Note kong piak na gam uh zong na taan ding uh a, na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.

Jeremiah 18:23

Ahih hangin Topa aw, amaute in thah dingin kei a hong sawmna uh nang na thei hi. Amau’ khialhnate na maisak kei inla, nangma muhna panin amau’ mawhnate phiatmangsak kei in. Nangma mai-ah amaute guallelsak inla, na heh ni mahin hih ek in.

Zefaniah 1:2

Topa in hih bangin thu gen a, “Leitung a om na khempeuh ka susia ding hi.

Siampi Laibu 26:28

note ka hong heh ngawh bawl ding a, note’ khialhna hangin a zah sagih vei-in kong thuhilh ding hi.

Ezekiel 7:12

A hun hong tungta a, a ni hong naita hi. Mi khempeuh tungah ka hehna hong tungta ding ahih manin sumlei sumzuak nasepnate a kimanna om nawn lo hi.

Ezekiel 7:14

“Amaute in gal peengkul tum uh a, a vekpi-un kiging uh hi. Ahi zongin mi khempeuh tungah ka hehna tungkim ding ahih manin galsim dingin kuamah kuankhia zo lo ding hi.

Zefaniah 1:3

Mihing le ganhing, vana leeng vasa le tui sunga ngasa, a vekpi-in ka susia ding hi. Migilote ka susia ding a, leitung a om mihing khempeuh ka susia ding hi. Topa ahi keimah in hih thu ka gen khin hi.

Zekhariah 7:12

Amaute in a lungsim uh suangtum bangin saksak uh a, Vanglian Topa in tanglai kamsangte’ tungtawnin a gen thuhilhnate ngai nuam lo uh hi. Tua ahih manin Topa heh mahmah hi.