Jeremiah 7:19 - Tedim Bible

¹⁹ Topa in kong cihin-ah, tua hangin gimna a thuak, kei hi zenzen ka hi hiam? Hilo hi. Amau’ zum nadingin amau mah in a thuak uh hizaw hi lo ahi hiam?

Tedim Bible Revision 2017

¹⁹ Topa in kong cih in ah, tua hangin gimna a thuak, kei hi zenzen ka hi hiam? Hi lo hi. Amauʼ zum nadingin amau mah in a thuak uh hizaw hi lo ahi hiam?

Jeremiah 7:19 Referans Kwoze

1 KORIN MASA 10:22

A nih tuakah kihelkhawm lehang Topa a heh nadingin a gamta ihi ding a, eite pen Topa sangin i hatzaw het kei hi.

Jeremiah 20:11

Ahih hangin Topa pen a kihtakhuai galhang pa bangin kei tawh hong omkhawm gige hi. Tua ahih manin kei hong bawlsiate tuk ding uh a, kei hong zo lo ding uh hi. A tawntung a a mindaina uh kimangngilh ngei lo ding hi.

Jeremiah 9:19

Zion khua panin a kiza kahna awging in, “I kisia khinzo a, i zumhuai mahmah khinzo hi. Bang hang hiam cih leh amaute in i innte hong suksiatsak uh ahih manin i gam i nusia ding hi,” a ci uh hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Isaiah 45:16

Milim a bawl mite khempeuh in maizumna thuakin cih nading thei loin om ding uh hi.

Isaiah 1:24

Tua ahih ciangin, Topa, Vanglian Topa, Israel-te’ Vanglian Pasian in hih bangin ci hi: “Ah, ka lang ahi note’ tungah ka hehna kong khahkhia ding a, ka gal ahi note tungah keimah in kong thuk ding hi.

Isaiah 1:20

Ahih hangin note in kei hong nialin na hong lehdo uhleh namsau in note hong vatmai ding hi. Bang hang hiam cih leh Topa in hih thu gen khinzo hi,” a ci hi.

JOB (Job) 35:6

Mawhna na gamtat manin, Pasian bangmah sukha lo hi. Tampi tak khial talecin zong amah sukha tuan ahi hiam?

Ezra 9:7

Ka pu ka pate uh hun a kipanin tuhun dong mawhna lianpi ka nei uh hi. Tua thu hangin ka kumpite uh le ka siampite un gamdang kumpite’ khut sungah sihna, salsuahna, neihsa kisuhna, le maizumna thuak uh a, tuhunin zong tua bangmah ka thuak uh hi.

Thu-hilhkikna 32:16

Amaute pen pasian dangte tawh ama hazat theih nadingin gamta uh a, a kihhuai gamtatnate tawh amaute in amah hehsak uh hi.

Jeremiah 2:17

Israel aw, Topa na Pasian in lampi-ah hong makaih laitakin amah na nusiat manin nang tungah hih bang teng hong tung hi lo ahi hiam?

Jeremiah 8:19

Ngai un, gam sung mun khempeuhah ka mite’ tanute kap uh a, “Zion khua-ah Topa om nawn lo ahi hiam? A kumpipa uh om nawn lo ahi hiam?” a ci uh hi. Topa in dawngkik a, “Bang hangin milim bawltawmte le a gamdang milimte uh tawh kei hong hehsak ahi uh hiam?” a ci hi.

Jeremiah 15:9

Ta sagih a nei nupi khakham vei-in a sibup hi. Sunkimlai hinapi ama a dingin khuamial bang a, maizumna le mindaina a thuak hi. No a nungta laite na galte un namsau tawh a hong satlup dingun ka hong pia ding hi, Topa in kong ci hi,” a hong ci hi.

Jeremiah 22:22

Na makaite uh huih in hong mut mangsak ding a, na pawlte uh salin kiman ding uh hi. Tua ciangin na gitlohna uh hangin maizumin na lung-am ding uh hi.

Jeremiah 25:7

Ahih hangin Topa in kong cihin-ah, note in ka thu nong ngai kei uh a, note’ gim ngahna ding mahin na khut uh tawh milim bawlin nong hehsak uh hi.

Jeremiah 44:3

Bang hang hiam cih leh amaute in ka heh nadingin gitlohna bawl uh a, amaute a kipan note le na pu na pate un a theih ngei loh uh pasian-te’ na semin paknamtui halin a bia uh hi.

Ezekiel 16:26

A lan mahmah na veng Egypt mite na luppih a, na paktatna tawh kei nong hehsak hi.

Jeremiah 3:25

Tua ahih manin maizumin lum ni. I minsiatna silh ni. Bang hang hiam cih leh i neulai a kipan tuni ciang dong eite le i pu i pate pen Topa i Pasian’ tungah i mawh khinzo hi. Topa i Pasian’ thu i mang kei khinzo hi,” a ci uh hi.