Jeremiah 7:16 - Tedim Bible

¹⁶ “Jeremiah aw, hih mite a dingin thu ngetsak kei in. Amau a dingin kapin kei’ tungah hong thumsak kei in. Bang hang hiam cih leh nong thumna kong ngai kei ding hi.

Tedim Bible Revision 2017

¹⁶ “Jeremiah aw, hih mite adingin thu ngetsak kei in. Amau adingin kapin keiʼ tungah hong thumsak kei in. Bang hang hiam cih leh nong thumna kong ngai kei ding hi.

Jeremiah 7:16 Referans Kwoze

Jeremiah 11:14

“Tua ahih manin Jeremiah aw, hih mite a’ ding thu ngetsak kei in la, amau’ tangin thumsak kei in. Bang hang hiam cih leh amaute in gim ngahin hong sap uh ciangin ka ngai kei ding hi.

Jeremiah 15:1

Tua ciangin Topa in kei hong hopih a, “Moses le Samuel nangawn ka mai-ah hong dingin hong thum uh zongin hih mite ka hehpih tuan kei ding hi. Ka muhna panin hawlkhia unla, paikhia sak un.

Paikhiatna 32:10

Tua ahih ciangin tu-in amaute tungah ka sinso-in amaute ka beisak theih nadingin kei guak hong omsak in. Ahi zongin nang ahihleh minam lian khatin kong bawl ding hi,” a ci hi.

Jeremiah 18:20

Hoihna pen siatna tawh a kituak ding mah ahi hiam? Keimah hong siahna-in gum a to uh hi. Nangma mai-ah kong ding a, amau a’ ding thuhoih kong gen hi. Na hehna amaute tungah na tunsak loh nadingin ka hong ngetnate hong phawk in.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

1 JOHAN MASA 5:16

Mi khatpeuh in a Khristian mipihte a sih nading zah ciang ahi lo mawhna a gamta a muh leh ama a dingin thu ngetsak tahen. Ama thungetna bangin Pasian in a nuntakna suksak lo ding hi. Hih pen sihna zah ciang mawhna a hilote ka cihna ahi hi. Ahi zongin sih nading zah ciang ahi mawhna om a, tuate a’ ding ngetsak un, a ci ka hi kei hi.

Micah 3:4

Topa’ tungah huhna ngenin na kiko hun uh hong tung ding a, ahi zongin amah in note hong dawng lo ding hi. Note gamtatsia na hih manun, na ngetna uh hong ngai lo ding hi.

Thu-hilhkikna 9:14

Amaute susia-in mun khempeuh panin amaute’ min ka phiat theihna dingin kei guak hong omsak in. Amaute sangin a vanglianzaw, a tamzaw minamin nang kong bawl ding hi,’ hong ci lai hi.

2 SAMUEL NIHNA 8:18

Jehoiada’ tapa Benaiah in Khereth mite le Peleth mite uk uh hi. David’ tapate pen siampite ahi uh hi.

Jeremiah 7:17

Judah gam khuapite sung le Jerusalem khua kongzing lakah bang hih uh cih mu lo na hi hiam?

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Jeremiah 4:28

Tua thu hangin leitung kap ding a, vantung mial ding hi. Bang hang hiam cih leh ka gensa, ka khensatsa hi a, ka kisik loh bangin ka lungsim zong ka kheelkik kei ding hi,” a ci hi.