Jeremiah 6:22 - Tedim Bible

²² Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Tedim Bible Revision 2017

²² Topa in, “En un, leilu lam gam panin mi hong pai uh a, leimong gamla pen panin galsim dingin gam lian khat hong kithawithawi hi.

Jeremiah 6:22 Referans Kwoze

Jeremiah 10:22

Ngai dih un, thu khat kigen hi. Judah khuapite gamlak a suaksak ding le se-alte’ khua a suaksak dingin leilu lam gam panin buaina lianpi khat hong pai hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 6:1

Benjamin’ suante aw, na suahtak nadingun tai un. Jerusalem khua taisan un. Tekoa khua-ah peengkul tum unla, Bethlehem khua-ah theihsakna meikhu khusak un. Bang hang hiam cih leh leilu lam panin gimna leh siatna lianpi a hong pai ding hi.

Jeremiah 5:15

“En un, Israel minamte aw, Topa in kong cihin-ah, gamlapi panin note a hong sim dingin gam khat kong kuansak ding hi. Tua gam pen tanglai pekin a om khinsa, a hat mahmah, amaute’ pau na theih loh uh gam khat ahi hi.

Thu-hilhkikna 28:49

Topa in a gamlapi leimong panin muvanlai leeng bangin a manlang, amau’ pau na theih loh uh minam, thukhualna a nei lo minam, khangham mite a zahtak lo, khangno mite tungah maipha zong a lak tuan lo minam khat, note’ langkhatah hong paipih ding a,

Nehemiah 1:9

Ahi zongin kei kiangah hong ciahkikin ka thupiaknate zui-in na sep uhleh leimong dongah a kithehthangsa na mite uh kaikhawmin keima min om nadingin ka teelnasa munah amaute ka ciahpih ding hi,’ ci-a na thugen hong phawkkik in.

Jeremiah 4:6

Zion paina lampi kihilh unla, na suahtak nadingun tai un; zekai kei un. Bang hang hiam cih leh leilu lam panin siatna lianpi ka hong puaksuk hi.

Jeremiah 13:20

Jerusalem khua aw, khuadak inla, leilu lam panin a hong paite en dih in. Nangmah a hong kipia a hoih mahmah na tuuhonte koi-ah om ahi hiam?

Jeremiah 47:2

Topa in a hong genin-ah, “En un, leilu lam panin tui hong khang ding a, hong letkhia-in hong luang ding hi. Gam sung le gam sunga om khempeuh hong tum ding a, khuapi le a sunga teng khempeuh hong tum ding hi. Mite kiko ding uh a, gam sunga om mi khempeuh a kap ding uh hi.

Ezekiel 21:31

Note tungah ka hehna kong khah ding a, mei-am kuang hong bang ding hi. Mi thah a siam, migilote’ khut sungah note kong pia ding hi.

Jeremiah 4:16

Minamte kiangah va gen unla, Jerusalem kiangah va taangko un. “Gamlapi panin mite hong pai uh a, Judah gam khuapite langpangin hong kiko uh hi.

Jeremiah 5:16

Thal tawh a kap uh teh kaplum lianlian uh a, a vekpi-un galhang kim uh hi.

Jeremiah 25:32

“Vanglian Topa in a cihin-ah: En un, gam khat pan gam khatah siatna a paipai hi. Leitung a gamla pen mun panin huihpi hong nung hi.

Jeremiah 30:5

“Topa in kong cihin-ah: Launa le patauhna aw ka za a, lungnopna aw ka za kei hi.

Ezekiel 23:22

“Oholibah aw, Topa Pasian ahi keima hong gen thu in: Tu-in nang in hih na lunggulh mite na cimtakta hi. Ahi zongin nangma tungah amaute ka hehsak ding a, nang a hong umcih dingin kong paipih ding hi.

Habakkuk 1:6

A omkhong thei lo, a kihtakhuai Khaldea mite, a vang ka liansak ding a, leitung khempeuhah amaute pai-in gam khempeuh a zo mangkhin ding uh hi.