Jeremiah 6:17 - Tedim Bible

¹⁷ Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Tedim Bible Revision 2017

¹⁷ Topa in, “Peengkul tumna awging a ngai dingin ‘Galvil ding mi ka koih hi,’ kong ci hi,” a ci hi. Ahih hangin amaute in, “Ka ngai kei ding uh hi,” a ci uh hi.

Jeremiah 6:17 Referans Kwoze

Jeremiah 25:4

Topa in ama nasem ahi kamsangte khempeuh hong sawl tawntung hinapi-in note in ngai loin na bil uh na ngat kei uh hi.

Isaiah 58:1

Na aw siit hetloin nakpitakin kiko inla, peengkul aw bangin gingsak in. Ka mihingte tungah amau’ khialhnate gen inla, Jakob innkuan tungah amau’ mawhnate gen in.

Zekhariah 7:11

Ahi zongin amaute in mang nuam het lo uh a, hih thute ngaihsutin zong nei nuam lo uh hi.

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tuzan bangci hiam? Galvil pa aw, tuzan bangci hiam?” hong ci hi.

Habakkuk 2:1

Ka khuadakna tausang tungah kahto-in, Topa in kei tungah bang hong gen ding a, ka lungkim lohna teng hong bangci dawn hiam, cih ka ngak hi.

Isaiah 56:10

Amau’ galvilte a mit uh taw a, amaute khempeuh in bangmah thei lo uh hi. Amaute khempeuh ui ham thei lo inncing tawh kibang uh a, amaute in tawng thei lo uh hi. Mot paupau, lumlum, lususu in om ding bek nuam a sa uh hi.

Hebru 13:17

Na makaite uh thu na mang unla, a genna uh bangin na gamta un. Pasian kiangah amaute in a nasepnate uh a pulak ding uh ahih manin tawlnga loin note hong lunghimawh tawntung uh hi. Amaute’ thu mang le-uhcin a nasepna uhah lungdam mahmah ding uh a, mang kei le-uhcin dah pipi-in na sem ding uh hi. Dah pipi-in a nasepna uh note a dingin zong phattuamna a om tuan hi lo hi.

Hosea 8:1

Pataukohna peengkul tum in. Galte in muvanlai bangin ka gam a leenlak dingin hong kithawi uh hi. Bang hang hiam cih leh ka mite in ka thuciamna uh pelhin, ka thuhilhnate hong nial uh hi.

Isaiah 62:6

Jerusalem aw, na kulhte tungah galvilte ka koih khin a, sun tawntung le zan tawntungin amaute gamdai ngei lo ding uh hi. Amaute in a thuciamna Topa phawksak ding uh a, amah in Jerusalem kipsakin leitung mite’ phat dingin a bawlkik matengin amaute khawl lo ding uh hi.

Jeremiah 6:18

Tua ahih manin Topa in, “Gamdangte aw, ngai un. Mite aw, amau’ tungah bang tung ding hiam cih thei un.

Jeremiah 7:28

Tua ciangin nangmah in amaute kiangah, ‘Hih gam pen, Topa amaute’ Pasian’ thu a mang lo gam hi a, thuhilhna sang loin, thuman om nawn lo a, thuman genin zong a nei nawn kei uh hi,’ na ci ding hi.

Zekhariah 1:4

Na pu na pate uh bang nawn kei un. Nidanga kamsangte in amaute kiangah ka thu gen uh a, gamtatsia gamta loin, a mawh nawn loh nading hilh uh hi. Ahi zongin amaute in ka thu ngainuam loin, ka thu hong mang lo uh hi.

Jeremiah 8:5

Tua ahihleh bang hangin hih mite lam khialin hong kilehkik nawn lo ahi uh hiam? Zuau pasian milimte lenkip uh a, hong kilehkik nuam lo uh hi.

Jeremiah 18:12

Amaute in, ‘Tua bang gen kullo hi. Ko’ ngimna bangin ka gamta ding uh a, mi khempeuh ama lungsim sia’ deihna bangin a gamta ding uh hi,’ hong ci ding uh hi.

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.