Biblia Todo Logo
Bib sou entènèt

- Piblisite -




Jeremiah 6:16 - Tedim Bible

16 Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Gade chapit la Kopi

Tedim Bible Revision 2017

16 Topa in mite tungah, “Lam ka bomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Gade chapit la Kopi




Jeremiah 6:16
38 Referans Kwoze  

Taklamah na kihei ciang uh ahi a, veilamah na kihei ciang uh ahi zongin, “Hih pen lampi hi, hih tawn un,” cihna aw, na nunglam panun na bil un a za ding hi.


Ahih hangin ka mite in kei hong mangngilh khin uh a, milim pasian-te kiangah paknamtui a hal uh hi. Amau’ tot ding lampi-ah tuk uh ahih manin a tot ngei uh lampi lui zui nawn loin, lampi lopi a tawn uh hi.


“A beisa hunte phawk unla, khang tampi hunte ngaihsun un. Na pate uh dong le-uh cin, hong hilh ding uh a, na upate uh dong le-uh cin hong gen ding uh hi.


Ahih hangin, ‘Ka thu hong mang un; tua hileh note’ Pasian ka hi ding a, note pen ka mite na hi ding uh hi. Note a dingin a hoihzawk nadingin na khempeuhah kong thupiak bang na zui un,’ ci-in thu ka pia zaw hi.


Note hong honpa dingin Topa Khrih na sansa uh ahih mah bangin amah tawh hoihtakin kipawlin nungta un.


Jakob’ suanlekhakte aw, hong pai un; Topa’ khuavak sungah gamta ni.


Jesuh in, “Note kiangah tawmvei sung khuavak hong omlai ding hi. Khuamial sungah a pai mi in a paina mun thei lo ahih manin khuamial in note hong phak loh nadingin khuavak na neih sungun na gamtat ngei uh zom paisuak un.


Amaute in, ‘Tua bang gen kullo hi. Ko’ ngimna bangin ka gamta ding uh a, mi khempeuh ama lungsim sia’ deihna bangin a gamta ding uh hi,’ hong ci ding uh hi.


Na daupai laitakun kong hopih hangin na hong ngai nuam kei uh hi. Na neu tung uh a kipan nong tuacih ngitnget uh a, keima thu nong mang ngei kei uh hi.


“Topa’ mina nong gen thute kong mang kei ding uh hi.


Tanglai mite in upna a na neih manun Pasian in a na pakta hi.


Hih thu thei-in na zuih uhleh na lung uh nuam mahmah ding hi.


“Israel mite khempeuh in a zuih dingin Horeb Mual panin ka nasem Moses tungah ka piak ahi, Moses’ thukhamte, ngeinate, le biakna ngeina kipte khempeuh limtakin phawk un.


Note thadah loin upna le lungduaina a nei mite bangin, Pasian’ hong ciamsa thu na ngah nadingun ka hong deihsak uh hi.


Tua ciangin note in, “Topa in note hong hilh thute ngai un. Aisante’ thu ngai kei un. Amaute’ hong gen thute a kimanna om lo hi,” ci-in dawng un.


Ahi zongin Abraham in, ‘Na sanggamte a hilh dingin Moses le kamsangte om uh ahih manin tuate’ thugen na ngai ta uh hen,’ a ci hi.


Topa in note tungah tawlngakna le lungnopna hong pia napi-in, note in ama thu na ngai kei uh hi.


Nuntak tawntung ngahtheih nading lametna tawh Lai Siangtho sung na lim sim mahmah uh a, tua na sim uh Lai Siangtho in keima thu mah genin teci pang napi-in,


Thesalonika khuamite sangin Berea khuamite in mipi lungsim neizaw uh hi. Amaute in lawp mahmahna tawh Paul’ thugente ngai uh a, Paul’ thugente man taktak hiam ci-in a theih nadingun nisimin Lai Siangtho a sim uh hi.


A vun a ki-at ma-in i pupi Abraham a upna hangin a gamtat mah bangin a gamta, a vun a ki-at mite a dingin zong Abraham pen pupi mah ahi hi. Tua pen vun ki-at lelna hang hi loin upna hang ahi hi.


Na khe guakin lam pai kei inla, na dang taaksak kei in, kong cih hangin, nangmah in, ‘Bang phamawh ahi hiam? Gamdang pasian-te ka it a, amau’ nung ka zui ding hi,’ na ci hi.


vantung panin za-in na mi Israel, na nasemte’ khialhna maisak in la, amaute’ zuih ding lampi hoih hilh inla, na mite tungah gamh-in na piaksa leitang tungah guah zusak in.


Lungmuang takin ka om ding hi; bang hang hiam cih leh keima tungah Topa hong thunuam hi.


Tua ciangin, ka mite’ omdan hoihtakin a sin uh a, Baal min tawh a kiciam dingin ka mite a sinsak mah bangun, ‘Topa a nuntak mah bangin,’ ci-in keima min tawh kiciam ding a sin uhleh ka mite lakah kiptakin a om ding uh hi.


Lampi-ah ciamtehnate bawl unla, lamlahnate phut un. Na paikhiatna uh lampi mah limtakin zongkik un. Nungak siangtho tawh a kibang Israel mite aw, hong kilehkik unla, na khuapite uh hong zuankik un.


Topa na Pasian in ka lam pai nading uh ahi a, ka na sepna ding uh ahi zongin a hong lah nadingin thu hong ngetsak in,” hong ci uh hi.


Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topa’ tungah ciamkhawm dih ni,’ a ci ding uh hi.


Ahi zongin amaute in a thukhente uh thu ngai lo uh hi. Bang hang hiam cih leh amaute in pasian dangte bia-in tuate’ mai-ah kun uh hi. Topa’ thupiakna a mang amau’ pute pate’ tot lampi panin amaute pial pah uh a, amaute in Topa’ thu mang lo uh hi.


En un, Topa’ thu tawh kisai thute khempeuhah siampi lian Amariah note tungah om hi. Tua ciangin kumpipa tawh kisai khempeuhah Judah mite a ukpa Ishmael’ tapa Zebadiah om hi. Tua ciangin Levi mite in note tungah ulian na hong sem ding uh hi. Hang takin gamta un; thuman mite tawh Topa hong om ta hen!” a ci hi.


Hun lui thute phawk un; bang hang hiam cih leh kei pen Pasian ka hi a, adang om lo hi. Kei pen Pasian ka hi a, kei tawh a kibang adang om lo hi.


Thutangin a gamta mite in a sihna uhah nopna ngahin tawlnga uh hi.


Vanglian Topa, Israel mite’ Pasian in hih bangin hong ci hi. Na nuntak zia uh le na gamtatnate uh kipuah un. Tua hileh hih munah kong tengsak bek ding hi.


Ahih hangin amaute in ka thu hong mang lo uh a, a bil uh hong ngat lo uh hi. Amau’ gitlohna lungsim uh zui-in amau’ thuthu-in a omzaw uh a, mainawt loin a nungkin zaw uh hi.


Swiv nou:

Piblisite


Piblisite