Jeremiah 6:11 - Tedim Bible

¹¹ Tua ahih ciangin Topa aw, kei zong ka heh mahmah a, ka thuakzo nawn kei hi,” ka ci hi. Tua ciangin Topa in kei hong hopih a, “Kei’ tang dinga na hehna kongzing lak a naupangte tungah buakhia inla, tangvalte’ kikhopna-ah zong buakhia in. Papite le nupite zong kilakhia ding a, piteek puteekte zong kipaikhiatpih ding hi.

Tedim Bible Revision 2017

¹¹ Tua ahih ciangin Topa aw, kei zong ka heh mahmah a, ka thuak zo nawn kei hi,” ka ci hi. Tua ciangin Topa in kei hong hopih a, “Keiʼ tang dinga na hehna kongzing lak a naupangte tungah bua khia inla, tangvalteʼ kikhopna ah zong bua khia in. Papite le nupite zong kila khia dinga, piteek puteekte zong kipaikhiat pih ding hi.

Jeremiah 6:11 Referans Kwoze

Jeremiah 20:9

Keimah in, “Ama thu ka gen kei ding a, ama min ka lo kei ding hi,” ci mah leng zong, ama thu ka lungsim sungah mei bangin hong kuang a, ka guh ka tang sungah kikhumcip ahih manin ka ki-ipipna-in ka gimlua a, gen loin ka om thei kei hi.

Jeremiah 9:21

Bang hang hiam cih leh tawlet vang panin sihna hong lut a, kumpipa’ inn sungah zong sihna hong lut hi. Kongzing a naupangte vatmang a, sumbuk a tangvalte vatlum hi.

Micah 3:8

Ahi zongin kei ahihleh, Israel mite tungah a mawhna uh a genkhia dingin Topa’ kha le a vang tawh ka kidim a, thutang gen ngamna ding lungsim ka nei hi.

Mangmuhna 16:1

Tua ciangin biakinn panin awging khat in vantungmi sagihte kiangah, “Leitungah va pai unla, hai sungah a om Pasian’ hehnate va sungkhia un,” ci-in awging lianpi tawh a genna ka za hi.

Sawltak 18:5

Masedonia gam panin Silas le Timoti hong tun ciangin Paul in a hun neih khempeuh thuhilhna-in zang a, Jesuh pen Khrih ahi hi, ci-in Jew mite kiangah teltakin a gen hi.

Sawltak 17:16

Paul in Athen khua-ah Silas le Timoti ngakin a om laitakin tua khua sungah milim a dimin a om lamtak mu ahih manin a lungsim ommawk thei lo hi.

Sawltak 4:20

Tua ahih manin kote in ka muhsa uh le ka zaksa uh thute gen loin ka om thei kei ding uh hi,” ci-in a dawng uh hi.

Luka 17:34

Ke’n kong cihin-ah, tuahun laitakin zanin lupna tungah a lumkhawm mi nih sung panin khat kila-in khat kinusia ding hi.

Ezekiel 9:6

Puteek, nungak, tangval, numei, naupang dong takin va thatlum un la, ahi zongin a taltangah ciaptehna a nei peuhmah su kei un. Hih ka biakinn mahmah panin kipan pah un,” a cihna ka za hi. Tua ahih manin tua biakinn sungah a ding Israel makaite, kipatna-in a nei pah uh hi.

Ezekiel 3:14

Pasian’ kha in hong paikhiatpih laitakin lungkim hetloin ka heh suak mahmah hi. Ahi zongin Topa’ vangliatna in kei hong zozaw hi.

Jeremiah 18:21

Tua ahih manin a tate uh kial tawh puksisak inla, amaute namsau-in sisak in. A zite uh ta neisak kei inla, meigong suaksak in. A pasalte uh pulnatna tawh sisak inla, a tangvalte uh gal sungah namsau tawh kithatlum sak in.

Jeremiah 7:20

Tua ahih manin Topa in kong cihin-ah: En in, ka hehna le ka thangpaihna hih munah ka bua ding a, mihingte’ tung le ganhingte’ tung, lo lai-a singkungte le leilak a singgahte tungah ka sung ding hi. Ka hehna mei bangin kuang ding a, kisumit lo ding hi.

Isaiah 40:30

Khangnote nangawn gimin tawl ding a, khanglai mite a tha uh bei ding hi.

Jeremiah 15:6

Nangmah in kei nong taisanzo hi, Topa in kong ci hi. Kei nong nungngat niloh hi. Tua ahih manin ka khut zanin nang kong susia hi. Ka hehna ka ki-ipzo nawn kei hi.

Jeremiah 15:17

Mi gualnuam mawkmawkte tawh ka kikhawl kei a, zong ka lungdam khawm kei hi. Nangma thu kong manna hangin kei tangkai ka hih manin a hehin ka omden hi.

Kah la 1:15

Topa in ka galkap a thahat pente nuihsan lel a, amah in kei a hong sim ding, ka tangvalte a susia dingin galkap honpi a hong kuansak hi. Amah in ka nungakte leenggah gawizan bangin a hong gawizansak hi.

Kah la 2:21

Khangno le khanghamte kongzing tengah si uh hi. Galte in nungak le tangvalte namsau tawh a thatlum uh hi. Amaute hehpih loin na heh ni-in na thatlumsak hi.

Ezekiel 3:3

Amah in, “Mihing ahi Ezekiel aw, ka hong piak laizial ne inla, na gilpi dimtakin ne in,” a hong ci hi. Kei zong tua laizial ka ne a, khuaizu tawh kibangin khum ka sa mahmah hi.

Ezekiel 24:21

Israel mite kiangah hih bangin thu gen in hong ci hi. Ama cihna-ah: Note in na kisaktheihpih uh, a sungah paipai-in na etet nop uh ka biakinn pen a ninsak ding ka hi hi. Tua ciangin note’ nungah a omlai na tate uh, namsau-in si ding uh hi, ci hi.

Jeremiah 5:9

Hih thute hangin amaute gim pia lo ding ka hi hiam? Topa in ka genin-ah, hici bang minam tungah thukkik lo ding ka hi hiam?

Jeremiah 9:20

Tua ciangin keimah in, “No numeite aw, Topa’ kammal ngai dih un. A kam pana hong gingkhia thu na bil uhah lutsak un. Na tanute uh a kah dan ding hilh unla, na inn vengte ciat uh kah la hilh un.