Jeremiah 6:10 - Tedim Bible

¹⁰ Keimah in ka dawng kik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topa’ thu simmawh uh a, lungdamna-in la lo uh hi.

Tedim Bible Revision 2017

¹⁰ Keimah in ka dawngkik a, “Amaute in a zak theih dingun kua kiangah va gen ding ka hi hiam? En in, a bil uh bing a, khua za thei lo uh hi. Topaʼ thu simmawh uh a, lungdamna-in la lo uh hi.

Jeremiah 6:10 Referans Kwoze

Sawltak 7:51

“Na lungsim uh khauh mahmah a, lawki lungsim paii-in, Pasian’ thu-ah bilngong na bang uh hi. I pu i pate mah bangin Kha Siangtho thu na mang nuam kei uh hi.

Johan 7:7

Leitung mite’ gamtatnate hoih lo hi, ci-in gen tawntung ka hih manin amaute in kei hong mudah uh hi; ahi zongin note hong mudah lo uh hi.

Jeremiah 7:26

ahih hangin amau in ka kamsangte’ thu ngai loin, a bil uh hong ngat lo uh a, a lungsim uh a khauhsak uh hi. A pute a pate uh sangin a siazaw uh hi.

Hebru 11:7

Noah in zong a upna hang mah tawh mailam a thupiang ding a muh theih lohpi mahin Pasian’ thugenna na mang a, teembaw khat bawlin a innkuanpihte tawh na suakta hi. Hih bangin a gamtatna tawh leitung midangte a mawh ahihna kilangsak a, a upna hangin mihoih hihna thu Pasian kiang panin a ngah hi.

Isaiah 53:1

Tua ciangin mite in, “I zak thu kua in um thei ding ahi hiam? Hih bang thu-ah Topa’ vangliatna khut kua in bangci muh theih ding ahi hiam?

Paikhiatna 6:12

Ahih hangin Moses in Topa kiangah, “En in, Israel mite nangawn in ka thu hong ngai lo uh hi. Tua ahih ciangin bangci-in thugen siam lo keima thu, Faro in hong ngai ding ahi hiam?” a ci hi.

2 TIMOTI NIHNA 4:3

Mite in thuman a ngaih nop loh hun, amaute’ deihna bek a zuihnop hun, amaute’ zaknop thute bek a gen ding sia a cial thuahthuah hun hong tung ding hi.

Kolose 1:28

Tua ahih manin a milip tungah Khrih’ thu ka hilh uh a, Khrih tawh a kipawlna uh hangin a milipin a khangcingin Pasian’ omna-ah ka tunpih theih nadingun a milip tungah hilhin ka genkhol uh hi.

ROM (Romans) 7:22

Ka lungsim tawng taktakah Pasian’ thukham hoih ka sa hi.

Sawltak 7:60

Tua ciangin amah kunin nakpitakin kiko a, “Topa aw, hih mite’ mawhna na maisak in,” a cih khit ciangin a si ta hi.

Johan 9:40

Ama kiangah a om Farisi mi pawlkhat in hih bangin a thugenna a zak uh ciangin, “Kote zong a mittaw-in hong ngaihsun na hi hiam?” ci-in a dong uh hi.

Luka 20:19

Jesuh in hih thugentehna a gen pen amaute a cihnopna hi, ci-in Thukham hilh siate le siampi liante in thei uh ahih manin Jesuh manpah nuam uh hi; ahi zongin mihonte kihta uh ahih manin manpah ngam lo uh hi.

Luka 11:45

Tua ciangin Thukham hilh siate khat in Jesuh kiangah, “Sia aw, hih bang thu na gen ciangin kote zong a hong ko bawl na hi hi,” a ci hi.

Mattiu 3:7

Ahi zongin Farisi mite le Saddusi mite tampi tak tui a kiphum dingin a hong pai a muh ciangin Johan in amaute kiangah, “Gul bangin ngian a zang note aw, a hong tung ding Pasian’ hehna panin na suahtak theih nading uh kua in hong hilhkhol ahi hiam?

Amos 7:10

Bethel-ah a om siampi nasem Amaziah in Israel Kumpi Jeroboam kiangah thu puak a, “Amos in Israel mite lakah nang hong sawm hi. Ama thugen in i gam sung siasak ding hi.

Ezekiel 33:9

Nangmah in migilo pa khat hilhkhol napi-in a mawh gamtatna a khawl kei leh, tua mipa a mawhnei mahin si ding a, ahi zongin nang na suakta ding hi,” hong ci hi.

Ezekiel 33:3

Galvil pa in galte hong pai a muh ciangin mi khempeuh a theihsak nadingin pataukohna peengkul tum hi.

Jeremiah 4:4

Judah mite le Jerusalem khuamite aw, Topa’ thu zui unla, lungsim takpi tawh zui un. Na tuacih kei uhleh na bawl uh mawhnate hangin ka hehna mei bangin hong kuangkhia ding a, a phelhzo kuamah om lo ding hi,” a ci hi.

Late 119:174

Topa aw, nong hotkhiat ding ka lamen a, nangma khut sungah nuam ka sa mahmah hi.

Late 119:77

Ka nuntak theih nadingin kei hong hehpih in. Bang hang hiam cih leh nangma thu nuam ka sa hi.

Late 119:70

Amaute’ lungsim in thu theithei loin khikcip a, ahih hangin keimah in nangma thu sung nuam ka sa hi.

Late 119:35

Nangma thupiakna lampi-ah kei hong paipih in. Bang hang hiam cih leh tua-ah nuam ka sa hi.

Late 119:24

Na thuhilhnate ka deih hi. Tuate pen keimah thu hong lakte ahi hi.

Late 119:16

Nangma ngeina kipte-ah nuam ka sa ding a, nangma thu ka mangngilh ngei kei ding hi.

Late 40:8

Nangma deih bang hihna-ah nuam ka sa hi, ka Pasian aw. Nangma thukham ka lung sungah om hi,” ka ci hi.

Late 1:2

Ama nopsakna pen Topa thu sung bek mah hi a, sun le zanin ama thu a ngaihsunsun mi ahi hi.

Thu-hilhkikna 29:4

Ahih hangin tuni dongin Topa in note’ tungah a thu na tel nading uh lungsim hitaleh, na muh nading uh mit hitaleh, na zak nading uh bil hitaleh hong pia nai lo hi.

Jeremiah 5:21

“Ngai un, ngaihsutna a nei lo mihaite aw, mit nei napi-in a mu lote, bil nei napi-in a za lo mite aw,

Jeremiah 9:26

Egypt mite, Judah mite, Edom mite, Ammon mite, Moab mite le a sam uh a mettom sehnel gam a omte khempeuh zong gim ka pia ding hi. Bang hang hiam cih leh hih gamte khempeuh in a vun uh at lo uh a, Israel mi khempeuh zong a lungsim sung uhah vun at lohpi ahi uh hi,” a ci hi.

Isaiah 42:20

Israel in na tampi mu a, ahih hangin tuate encian lo hi. Ama bilte vang a, ahih hangin amah in khua za lo hi,” a ci hi.

Jeremiah 7:13

Tu-in zong hih nate khempeuh na hih uh a, kong gengen hangin hong ngai tuan loin kong sapsap hangin hong dawng lo na hih manun Topa in kong cihin-ah,

Jeremiah 35:13

“Vanglian Topa, Israel mite’ Pasian in kong cihin-ah: Pai inla Judah mite kiang le Jerusalem khua-a teng mite’ kiangah, Topa in: Ka thuhilhna hong sang loin ka thu hong ngai lo ding na hi uh hiam?

Ezekiel 3:7

Ahi zongin Israel mite khat beek in na thu hong ngai lo ding uh hi. Keima kam teekteek nangawn ngai lo ding uh hi. Amaute a lungsim uh khauh a, demnopna lungsim nei uh hi.