Jeremiah 52:4 - Tedim Bible

⁴ Tua ciangin amah kumpi a suahzawh a kum kua kum, a kha sawmna, a ni sawm ni-in, Babylon kumpipa Nebukhadnezzar in a galkap khempeuh tawh Jerusalem khua a sim dingin hong kuan uh a, khuapi kimkotah galdalna a phut uh hi.

Tedim Bible Revision 2017

⁴ Tua ciangin amah kumpi a suah zawh a kum kua kum, a kha sawmna, a ni sawm ni-in, Babylon kumpipa Nebukhadnezzar in a galkap khempeuh tawh Jerusalem khua a sim dingin hong kuan uh a, khuapi kimkot ah galdalna a phut uh hi.

Jeremiah 52:4 Referans Kwoze

Jeremiah 39:1

Judah gamah Zedekiah kumpi a suahzawh kum kua le kha sawm a phak laitakin, Babylon kumpipa Nebukhadnezzar le a galkap khempeuh Jerusalem khua a sim dingin a hong kuan uh hi.

Zekhariah 8:19

amah in, “Kha lina, kha ngana, kha sagihna, le kha sawmna sunga antannate pen, Judah gammite a dingin lungdamin kipakin pawi bawlna hun suak ta ding hi. Tua ahih manin thuman le kilemna deih pha un,” hong ci hi.

Jeremiah 52:7

Tua ciangin khuakulhpi kiphulet a, khuapi kimkotah Khaldea mite om napi-in, zan laitakin kumpipa’ huan gei-a kulh tegel kikal-a kongpi tawnin galkapte taikhiasim uh a, Arabah gam lam a manawh uh hi.

Jeremiah 32:24

“‘En in, khuapi lak nadingin kan a to khinzo uh hi. Namsau tawh kithahna hang, kialpi hang, le pulnatna hangin amaute a sim Khaldea mite’ khut sungah khuapi a kipia ding hi. Nong gensa bangin hong tun loh phamawh ahih manin en in, nang’ na mu ta hi.

Luka 21:20

“Galkapte in Jerusalem khuapi a umcihna na muh uh ciangin tua khuapi a siat nading naita hi, ci-in na thei ding uh hi.

Luka 19:43

Na kimkotah na galte in a panmun ding uh hong to-in, hong umcihin hong nehcih hun hong tung ding hi.

Ezekiel 21:22

Jerusalem-ah a pai ding ai a phatna a lak a thaltangte a taklam khutah a tawi hi. Tua ai in Jerusalem-ah a pai nading, galnanna ding phung a cianna ding, galsim nadingin a kikona ding, kulhpite satkhapna ding molhtumte a bawlna ding, kidalna ding phung bawlin dumte a tawhna ding a gen hi.

Isaiah 29:3

Na kimkotah hong umcihin tausangpite tawh kong um ding a, nangmah umcih nading dum ka bawl ding hi.

Siampi Laibu 26:25

Keimah in, thuciamna omsa bangin phulakna na a sem ding namsau khat note’ tungah kong tungsak ding hi. Na khuapi sung uhah note na kikaihkhop uhleh zong keimah in note’ lakah natna kong tungsak ding a, na galte uh khut sungah note hong kipia ding hi.

Jeremiah 34:1

Babylon kumpipa Nebukhadnezzar in a galkapte khempeuh, a ukna gam khempeuh le a mi khempeuh tawh Jerusalem khua le a kiima khuapite a sim laitakin Topa in kei hong hopih a,

Ezekiel 26:8

Gam sunga om khuapi-a teng mi khempeuh galkidona sungah si ding uh hi. Note hong sim nadingun galte in dum to-in, phung ciangin, a kidalna dingun kulh muanhuai bawl ding uh hi.

Ezekiel 33:21

Salin ka omzawh uh a kum sawm le nih kum, a kha sawmna a ni masa ni-in Jerusalem panin a hong suakta mi khat kei kiangah hong pai-in, “Jerusalem khuapi kila khinta hi,” ci-in thu hong ko hi.

Ezekiel 40:1

Jerusalem khuapi a kilak zawh a kum sawm le lina kum, salin hong kipaipih zawh a kum sawmnih le ngana, a kha masa a ni sawm ni-in ka sungah Topa’ vangliatna hong om lamtak ka kiphawk a, amah in kei hong paikhiatpih hi.

Jeremiah 4:17

Judah gam in kei hong langpan’ ahih manin lohongte bangin a galte in a kimkotah a pang dimdiam uh hi, Topa in kong ci hi.

Jeremiah 21:2

“Kote a dingin Topa’ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a na lamdangte khat kei’ tungah hong zang leh amah kilehkiksak thei kha ding hi,” ci-in a dongsak hi.

Ezekiel 21:27

Siacip! Siacip! Hih khuapi ka siacimitsak ding a, a mel a mang zong kimu nawn lo ding hi. A uk dingin a kilawm mipa hong om ciang bekin ama khut sungah ka pia ding hi.