Jeremiah 51:9 - Tedim Bible

⁹ Ahi zongin midangte in, ‘Babylon khua i damsak nop hangin a damzo ding hi nawn lo hi. Nusia ta unla, i gam ciat zuanin ciah ni. Ama tunga thukhenna in vantung dong ban khinta a, van dawn dong a paito hi,’ a ci uh hi.

Tedim Bible Revision 2017

⁹ Ahi zongin midangte in, ‘Babylon khua i damsaknop hangin a dam zo ding hi nawn lo hi. Nusia ta unla, i gam ciat zuanin ciah ni. Ama tunga thukhenna in vantung dong ban khinta a, van dawn dong a pai to hi,’ a ci uh hi.

Jeremiah 51:9 Referans Kwoze

Mangmuhna 18:5

Ama mawhna in van ban a, a gamtat hoih lohnate Pasian in phawk gige hi.

Jeremiah 50:16

Babylon khua-ah khaici tuhte thatlum unla, anla dingin phiaukawi a tawite beisak un. Galte’ namsau kihta-in mi khempeuh in a mipihte’ lak mah uh zuankik ciatin a gam mah uhah a taikik ding uh hi.

Isaiah 13:14

A kidelh sanang le a cing om lo tuu bangin mi khempeuh amau’ mite’ lam ciatah kihei-in, amau’ gam ciatah tai ding uh hi.

Jeremiah 46:16

Na mite uh tampi tak hoi-in tuk uh a, amaute in khatlekhat kiangah, ‘Kithawi dih un; i mipihte kiang, i suahna gamah va ciahkik ni; tua hileh hih namsau tawh sihna pan i suakta ding hi,’ a kici uh hi.

Ezra 9:6

“Ka biak Pasian aw, ka mawhnate un ka lu dawn dong uh hong vuknelhin vantung dong banto ahih manin nangma lam kong et ding maizumin ka mai a san hi, ka Pasian aw.

Jeremiah 46:21

A galkap cialte nangawn amaute’ lakah bawngno hat lote a bang lel uh hi. Pang loin, do tentan lo uh a, nungkikin a taikeek uh hi. Bang hang hiam cih leh amau’ kisiat ding ni, amau’ gimthuak ding ni, hong tungzo hi.

Jeremiah 8:20

Mite in, “An kila khinzo a, khuakhal hun zong beita napi-in, eite hong kihon nai lo lailai hi,” a ci uh hi.

Isaiah 47:15

Nang tawh na a semkhawm, na neu lai a kipan nang tawh na a semkhawmte tungah hih thute hong tung ding hi. Amaute pen amau’ tum ciatah zauvak uh a, nang a hong hon ding kuamah om lo hi.

2 KHANG TANGTHU NIHNATE 28:9

Ahih hangin Oded min nei Topa’ kamsang khat tua lai-ah om hi. Samaria-ah hong tung galkapte a dawn dingin amah paikhia-in amaute kiangah, “En un, Judah tungah na pu na pate uh Pasian Topa heh ahih manin note’ khut sungah amaute hong pia a, ahih hangin note in heh mahmahna tawh amaute na that uh a, tua in vantung dong ban hi.

Mangmuhna 18:4

Tua ciangin vantung panin aw dang khat ka za a, “Keima mite aw, a mawh gamtatna-ah kihel kha-in a gimthuakna thuakpih kha ding na hih manun hong paikhia un.

Hosea 7:13

Amaute in kei hong taisanin hong lehdo uh ahih manin gimna ngahin siatna tuak ding uh hi. Amaute ka hotkhiat nop hangin amaute in kei hong lehgen zawsop uh hi.