Jeremiah 51:53 - Tedim Bible

⁵³ Babylon khua vantungah kahto thei a, a sangpi-ah kiptakin galdalna a bawl thei ahi zongin, Topa in kong cihin-ah, kei’ kiang panin amah a suankhia ding mi a hong pai teitei ding hi.

Tedim Bible Revision 2017

⁵³ Babylon khua vantungah kah to thei a, a sangpi ah kip takin galdalna a bawl thei ahi zongin, Topa in kong cih in ah, keiʼ kiang panin amah a suan khia ding mi a hong pai teitei ding hi.

Jeremiah 51:53 Referans Kwoze

Jeremiah 49:16

Na kisaktheihna in nang hong khem a, na ngaihsut bangin mite in nang hong kihta lo hi. Suangkeen dawnah na teng a, mualsang tungah na teng hi. Muvanlai bu zahin sangpi-in na ten hangin tua lai mun panin kong lakhiasuk veve ding hi, Topa in kong ci hi.

Piancilna 11:4

Tua ciangin amaute in, “Hong pai un, leitung buppi-ah eite i kithehthang gawp loh nadingin ei a dingin khuapi khat bawlin, a dawn in vantung a ban ding tausang khat lamin, eite’ minthan nading khat bawl ni,” ci uh hi.

Jeremiah 51:25

“En in, mualpi bangin lian a, leitung khempeuh a susiazo Babylon aw, nang kong langpan’ hi, Topa in kong ci hi. Keimah in nang’ langkhatah ka khut ka zan ding a, mual dawn panin nang hong khukkhia-in, kong kangtumsak ding hi.

Amos 9:4

Galte in a sal dingin hingmat ta le-uh zong, namsau tawh a thah nadingun thu ka pia ding hi. Amaute’ hoihna ding ngaihsun hetloin, amaute suksiat ding ka sawm hi,” a ci hi.

Daniel 4:30

Babylon khua bangzah takin lian ahi hiam? Kumpi khuapi ding le, ka vangliatna ka thahatna a kilat nadingin ka lam ahi hi, a ci hi.

Jeremiah 51:58

Vanglian Topa in ka hong genin-ah: Babylon khuakulhpi sah mahmahin a muanhuai mahmah leilakah cimsuk ding a, a sang mahmah khuakongpite zong mei tawh kihaltum ding hi. Mite’ nasepna a mawkna suak a, minamte’ hanciamnate vutlevai a suak hi,” a ci hi.

Jeremiah 51:48

Tua ciangin vantung, leitung, le a sunga om nate khempeuh in Babylon’ hangin lungdamin la a sa ding uh hi. Bang hang hiam cih leh leilu lam panin amaute a susia ding mi hong pai ding uh hi, Topa in kong ci hi.

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topa’ thukkikna ahi hi.

Jeremiah 50:45

Tua ahih manin Babylon khuapi’ thuak ding le Khaldea gam’ gim nadingin Topa’ geelna le ngimnate ngai dih un. A ta ngeekte nangawn uh kikaikhia takpi ding a, mi khempeuh a lau taktak ding uh hi.

Jeremiah 50:25

Topa in a galhiam koihna hongkhiazo a, a hehna galhiamte a lakhia hi. Bang hang hiam cih leh Babylon gamah Vanglian Topa Pasian in sep ding khat a nei hi.

Jeremiah 50:21

“Merathaim gam a sim dingin pai unla, Pekod mite zong va sim un. That unla a vekpi-in sumang un, Topa in kong ci hi. Kong sawl khempeuh hih un.

Isaiah 47:7

Nangmah in, “Tonu ka hi tawntung ding hi,” ci na hih manin hih thute na lungsimah koih loin, a thumongte zong na phawkkha kei hi.

Isaiah 47:5

Babylon aw, gamdai takin tu inla, khuamialna sungah pai in; bang hang hiam cih leh nang pen kumpi gamte’ tonu, hong kici nawn lo ding hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Isaiah 13:17

En un, ngun le khamte tawh a lungkim lo Media mite pen amaute a sim dingin ka hanthawn hi.

JOB (Job) 20:6

Migilo pa lian mahmahin vantung a banto zongin, lian mahmahin a lutang in meii lak a banto zongin,

Jeremiah 51:56

Babylon khua a susia ding mi khat hong pai khinzo hi. A galkapte uh kiman khin a, a thalte uh a tum a tel suak khin hi. Bang hang hiam cih leh Topa, a thukkik thei Pasian hi a, a thukkik taktak ding hi.

Amos 9:2

Lei tosukin misite’ omna Leinuai-ah a va tun uh hangin tua lai-ah amaute ka su ding a, vantungah a kahtoh uh hangin zong, tua lai mahah amaute ka su veve ding hi.

Habakkuk 2:9

Mi’ van na suhna uh tawh na mite uh hausakin, lauhuaina le siatna a ngah loh nadingin na innkuan uh bawl na hih manun gim na ngah ding uh hi.