Jeremiah 51:5 - Tedim Bible

⁵ Bang hang hiam cih leh Israel le Judah mite Israel mite’ Siangtho Pa tungah a khialh uh hangin, amaute’ Pasian, Vanglian Topa in amaute taisan nai lo hi.

Tedim Bible Revision 2017

⁵ Bang hang hiam cih leh Israel le Judah mite Israel miteʼ Siangtho Pa tungah a khialh uh hangin, amauteʼ Pasian, Vanglian Topa in amaute taisan nai lo hi.

Jeremiah 51:5 Referans Kwoze

Zekhariah 12:8

Tua ni ciangin Topa in Jerusalem-a a teng mite hu ding a, a ginalo pente nangawn David zahin thahat ding hi. David’ suanlekhakte in Topa’ vantungmi le Pasian mahmah bangin amaute a makai ding uh hi.

Zekhariah 12:6

“Tua ni ciangin Judah minamte, tulak kang le buhphual kang ka bangsak ding a, a kiima om minamdangte khempeuh a susia ding uh hi. Ahi zongin Jerusalem mite, a khuapi sungah lungmuangin a om hithiat ding uh hi.

Hosea 4:1

Israel mite aw, Topa’ thugen ngai un. Hih gam sungah a teng mite tungah Topa lungkim lo ahih manin hih bangin mawhsak hi: Hih gam sungah cihtakna ahi a, itna ahi zongin om lo a, mite in kei pen Pasian-in hong ngaihsun lo uh hi.

Zekhariah 2:12

Judah mite pen gam siangtho sungah Topa’ neihtuam hong suakkik ding a, Jerusalem khua pen ama it penpen khuapi hong hi kik ding hi.

Micah 7:20

Ka pu ka pate uh tungah na ciamsa bangin, Abraham’ suanlekhakte ahi nangma mite tungah na cihtakna le nong itna kip nong lak ding hi.

Micah 7:18

Topa aw, nang tawh a kibang Pasian dang om lo a, a omlai na mite’ mawhna nangmah in na maisak hi. Nang na heh paisuak kei a, na itna kip nong lak hi.

Hosea 1:10

Ahi zongin, tehzawh loh, simzawh loh zah dongin tuipi sehnel bangin Israel mite tampi pha ding uh a, tua hunin, “Note ka mi hi lo,” a kicih hangin ni khat ni ciangin, “A nungta Pasian’ tate,” kici ding hi.

Ezekiel 9:9

Tua ciangin amah in hong dawng a, “Israel mite le Judah mite’ mawhna nak liat mahmah hi. Gam sung khempeuh mi thahna tawh kidimsak uh a, Jerusalem khuapi, siatna namkim tawh kidimsak uh hi. Amaute in, ‘Topa in i gam susia khin a, Topa in eite hong mu lo hi,’ ci uh hi.

Ezekiel 8:17

Tua ciangin amah in, “Mihing ahi Ezekiel aw, huate na mu hiam? Hih Judah gammite in na muhsa a muhdahhuai a gamtatnate uh tawh lungkim nai lo lai uh a, gam sung khempeuhah ngongtatna dimsak uh hi. Tua banah ka heh semsem nadingin hih bangin gamta uh hi. A siathei tawpin hih bangin kei hong simmawh bawlna hong thei in.

Jeremiah 50:20

Tua ni hun ciangin, Topa in kong cihin-ah, Israel gamah khialhna kizong ding a, a kimu kei ding hi. Judah gamah mawhna kizong ding a, a kimu tuan kei ding hi. Bang hang hiam cih leh ka nuntaksak, ka nusiatlai mite a mawhna uh ka maisak ding hi.

Jeremiah 46:28

Topa in kong cihin-ah, ka nasem Jakob’ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin ding a, ahih hangin note kong susia khin kei ding hi. A kilawm zahin kong thuhilh ding a, gim pia loin kong mawk koih kei ding hi,” a hong ci hi.

Jeremiah 31:37

Topa in hong genin-ah, “Vantung a kiteh theih ciang le leinuai-a leitung bulpite a kivel theih ciang bekin Israel-te’ suanlekhakte khempeuh a mawhna uh hangin ka lawnkhiamang pan ding hi, Topa in kong ci hi,” a ci hi.

Jeremiah 23:15

“Tua ahih manin tua kamsangte tawh kisai-in Vanglian Topa in kong genin-ah: En un, keimah in gamsai teh tawh amaute ka vak ding a, gu kisawh tui amaute ka dawnsak ding hi. Bang hang hiam cih leh Jerusalem khua-a om kamsangte’ kiang panin gam sung mun khempeuhah Pasian zahtak lohna hong kizel hi,” a ci hi.

Jeremiah 19:4

Bang hang hiam cih leh hih mite in kei hong taisan khinzo uh a, amaute a kipanin a pu a pate uh le Judah kumpite’ theih ngei loh pasian dangte’ kiangah paknamtui halin, hih mun a ninsak uh hi. Hih mun pen mawhna nei lo mite thahna sisan tawh dimsak uh a,

Jeremiah 16:18

Amaute’ khialhna le a mawhnate uh a zah nihin ka thuk ding hi. Bang hang hiam cih leh amaute in a muhthadahhuai siluang hawmte tawh a kibang milimte tawh ka gam a ninsak uh a, kihhuaina tawh ka gamh a dimsak uh hi,” hong ci hi.

Isaiah 62:12

Amaute pen A Siangtho Mi, Topa’ Hotkhiatte kici ding a, nang pen a Kizongkhia, a kinusia lo khuapi, hong kici ding hi.

Isaiah 44:21

Jakob aw, hih thu phawk in. Israel aw, ka nasempa na hi hi. Nang kong bawl a, nang pen keima nasem na hi hi. Israel aw, nang kong mangngilh kei ding hi.

Late 94:14

Bang hang hiam cih leh Topa in ama mite nusia lo ding a, ama luahte paidak lo ding hi.

Ezra 9:9

Kote pen sal ka hi takpi uh hi; ahi zongin ka salsuahna uhah ka Pasian un nong nusia kei a, kote’ Pasian’ biakinn puahkikin ka dinsakkik theih nading uh le Judah le Jerusalem-ah kidalna kulh ka neih theih nadingun kipat thakna na hong piak theih nadingin Persia kumpite ko tungah a thunuam dingin nong bawlsak hi.

1 SAMUEL MASA 12:22

Topa in ama min a khualna-in ama mite paaikhia lo ding hi; bang hang hiam cih leh ama mi-in note hong bawl nadingin Topa lungkim khin hi.

2 KUMPI NIHNATE 21:16

Tua tham loin Topa’ muhna-ah amaute a sia a gamtat nadingun amah in Judah mite a khialhsak banah, Jerusalem mong khat pan mong khat sisan tawh a kidimsak dongin Manasseh in mawhna baang lo mi tampi a that hi.

1 KUMPI MASATE 6:13

Tua ciangin na lam biakinn sung Israel mite lakah ka teng ding a, keima mi Israel-te ka nusia kei ding hi,” a ci hi.

Hosea 4:2

Mite in thuciamna bawl napi-in a thuciamte uh palsat uh hi. Zuau genin, mi thatin, guta-in, nulepa mawhna bawl uh hi. A sia khat khit a sia khat a banbanin gamta-in a mawhna uh behlaplap uh hi.

Isaiah 51:15

“Bang hang hiam cih leh kei pen tuipi tokgawpin tuihualte a hawksak Topa, note’ Pasian ka hi hi. Keima min pen Vanglian Topa ahi hi.

Jeremiah 14:9

Bang hangin mi lungkiagawp bangin omin, a honkhia thei lo galkap pa bangin om na hi hiam? Ahih hangin Topa aw, kote’ laizangah nang na om a, nangma minin kote hong kisam hi. Kote hong nusia kei in,’ hong ci uh hi,” hong ci hi.

Jeremiah 14:19

Topa aw, nangmah in Judah gam nialsiang khinzo na hi hiam? Zion khua kihhuai sa na hi hiam? Bang hangin kote liamna hong thuaksak a, hong damsak nawn lo na hi hiam? Lungnopna ka lamen uh a, hoihna bangmah a hong tung kei hi. Damna ding hun ka lamen uh a, lauhuaina bekbek ka mu uh hi.

Jeremiah 51:19

Jakob’ Pasian tua bang hi lo a, na khempeuh a piangsak pa ahi hi. Ama a dingin Israel mite teel a, ama min pen Vanglian Topa ahi hi.

Hosea 2:1

Tua ahih ciangin na Israel mipihte, “Pasian’ mi,” ci inla, “Topa in a hehpih mite,” zong ci in.

Hosea 2:3

A gamtat hoih lohna a khawl kei leh, a nu sung pan a suah laitakin a guaktangin a ommah bangin, a puanteng hawkkhiatsakin a guaktangin ka omsak ding a, a keu, bangmah a po zawh lohna gamlak bangin ka bawl ding a, dangtakin a si ding hi.