Jeremiah 51:44 - Tedim Bible

⁴⁴ Babylon khuate’ pasian Bel zong gim ka pia ding a, a na guksa teng ka lakkhiatsakkik ding hi. Gamdangte in amah bia nuam nawn lo ding uh hi. Babylon khuakulhpi kicim khinta hi.

Tedim Bible Revision 2017

⁴⁴ Babylon khuateʼ pasian Bel zong gim ka pia dinga, a na guk sa teng ka lak khiatsakkik ding hi. Gamdangte in amah bia nuam nawn lo ding uh hi. Babylon khua kulhpi kicim khinta hi.

Jeremiah 51:44 Referans Kwoze

Jeremiah 51:58

Vanglian Topa in ka hong genin-ah: Babylon khuakulhpi sah mahmahin a muanhuai mahmah leilakah cimsuk ding a, a sang mahmah khuakongpite zong mei tawh kihaltum ding hi. Mite’ nasepna a mawkna suak a, minamte’ hanciamnate vutlevai a suak hi,” a ci hi.

Jeremiah 51:34

“Babylon kumpipa Nebukhadnezzar in Jerusalem khua hong valhtumin, hong sukham gawp hi. Beel hawm bangin a hawmin hong koih a, gulpi’ valh bangin hong nawmvalh hi. Ka neihsa a limnono tawh amah kivak kham a, kei a hong hawlkhia hi.

Jeremiah 50:2

“Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Isaiah 2:2

Nidang ciangin Topa’ inn a omna mual pen mual liante lakah a sangpenin kikipsak ding a, mual neute tungah kisangsak ding hi. Tua lai-ah minam khempeuh pai muamua ding uh a,

Daniel 5:31

Media mi Darias kumpi a suak hi. (Tua laitakin Darias kum sawmguk le kum nih a pha hi.)

Daniel 5:26

A khiatna zong hih bang ahi hi: Mene pen kisim a cihna hi a, Pasian in na gam ukna hong simsak a, a beisak ta hi, cihna ahi hi.

Daniel 5:19

Amah lianlua mahmah ahih manin gam khempeuh, nam khempeuh, pau khempeuhte in kihta-in a ling uh hi. Mi khatpeuh a thahnop leh that a, a nuntaksaknop leh a nungtasak hi. A ut leh mi khatpeuh pahtawi-in, a ut leh a daisak thei hi.

Daniel 4:22

Kumpipa aw, nang pen tua singkung na hi hi. Nang na lian a, na thahat hi. Nakpi takin khangin lian mahmah na hih manin vantung dong na banto a, leitung khempeuhah na vangliatna kizel hi.

Daniel 4:1

Nebukhadnezzar kumpipa in leitung a om minam kimte, minam tuamtuamte, paunam tuamtuamte khempeuh tungah a nuai-a thute hih bangin a khak hi: “Note tungah nopna om ta hen!

Daniel 3:29

“Tu-in minam kimte, minam tuamtuamte, paunam tuamtuamte, mi khat peuhpeuh in Shadrak, Meshak, le Abednego-te’ Pasian gensiatna kampau a om leh kibalnengawp ding a, a inn uh kisuksiatsak ding hi, ci-in thukham ka bawl hi. Bang hang hiam cih leh hih bangin a hon thei pasian dang om peuhmah lo hi,” a ci hi.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Jeremiah 51:53

Babylon khua vantungah kahto thei a, a sangpi-ah kiptakin galdalna a bawl thei ahi zongin, Topa in kong cihin-ah, kei’ kiang panin amah a suankhia ding mi a hong pai teitei ding hi.

Jeremiah 51:47

Tua ahih manin en un, Babylon khua-a milimte gim ka piak hun hong tung ding hi. A gam buppi ka zumhuaisak ding a, khua sungah kithatin a tuk ding uh hi.

Jeremiah 51:18

Kimanna a nei lo, a haihuaipi hi a, gim a kipiak ni ciangin a kisia ding uh hi.

Jeremiah 50:15

Khuapi a sim dingin a kimkotah awng un. Babylon khuapi in note hong lel khinzo hi. A galdalte uh cim khin a, a kulhte uh puk khinta hi. Hih pen Topa’ phulakna ahih manin, amau’ tungah phu la un. Midangte tungah a bawl bangin amau’ tungah zong bawl un.

Isaiah 60:5

Tua ciangin nangmah in mu-in na maitai ding a, na lungsim lingin na lungdam ding hi. Bang hang hiam cih leh tuipi tawnin nangma kiangah van hong kipuak ding a, minamte’ hauhna khempeuh nangma kiangah hong tung ding hi.

2 KHANG TANGTHU NIHNATE 36:7

Nebukhadnezzar in Topa’ biakinn-a umlebeel pawlkhatte zong Babylon-ah pua-in Babylon-a a kumpi inn-ah tuate a koih hi.

Isaiah 21:9

En in, sakol tung tuangte a kopkopin hong pai!” a ci hi. Adang khat in, “Babylon cim hi, cim hi. A milim pasian-te khempeuh leilak dongah amah in suksiatsak hi,” ci-in a dawng hi.

JOB (Job) 20:15

Migilo pa in a guksa nate luakhia kik a, a gil sung nangawn panin Pasian in a lakkhiatsak hi.