Jeremiah 51:21 - Tedim Bible

²¹ Nang hong zangin sakolte le a tunga a tuangte, sakol leengte le a hawlte,

Tedim Bible Revision 2017

²¹ Nang hong zangin sakolte le a tunga a tuangte, sakol leengte le a hawlte,

Jeremiah 51:21 Referans Kwoze

Paikhiatna 15:1

Tua ciangin Moses le Israel mite in Topa’ tungah hih la sa uh a, “Topa phatna la ka sa ding hi. Amah in minthangin zo khin a, amah in sakol le a tuang pa tuipi sungah a lawn hi.

Zekhariah 10:5

Kongzing buannawng lakah a galte uh a tuancilgawp galkapte bangin amaute gualzo ding uh a, Topa in a ompih manin amaute in gal a sim uh ciangin a galte’ sakol galkapte zogawp ding uh hi.

Zekhariah 12:4

Tua ni ciangin a sakolte uh ka lausak ding a, a sakol tung tuangte uh ka haisak ding hi. Ahi zongin Judah mite ka kem ding a, a galte uh’ sakolte, a mit ka tawsak ding hi.

Haggai 2:22

Kumpipa’ gam khempeuh lumletin a vangliatna uh a beisak ding ka hi hi. Leengte le leeng hawlte ka lawnthal ding a, sakol leengte le a tung tuangte puk ding uh a, amaute khatlekhat kithatlum ding uh hi.

Nahum 2:13

Vanglian Topa in hih bangin ci hi: “Kei pen note’ gal ka hi a, na sakol leengte uh ka haltum ding hi. Na humpinelkai note uh namsau in vatmai ding a, midangte’ na na suh teng uh ka susiamang khin ding hi. Na tangmite uh’ awging koi mahah kiza nawn lo ding hi,” ci hi.

Micah 5:10

Topa in hih bangin ci hi: Tua hun ciangin na sakolte uh hong paihkhiat sakin, na leengte uh ka susia ding hi.

Mangmuhna 19:18

Hong pai unla, kumpite’ sa, galkapmangte le galkapte’ sa, sakolte le a tungah a tuangte’ sa, a lian a neu, silate le sila ahi lo mi khempeuhte’ sa hong ne un,” a ci hi.

Late 46:9

Amah in leimong dongah gal beisak hi. Amah in thalpi kuaitanin teipi susia a, leengte mei tawh a haltum hi.

Ezekiel 39:20

Amaute in ka sabuai tungah, sakolte le a tunga tuangte, galkapte le galkapmangte’ sa, a nekzawh zahzah uh ne ding uh hi. Topa Pasian in hih thu ka gen khin hi,” hong ci hi.

Jeremiah 50:37

Sakolte le sakol leengte, numei tawh a kibang lel a galkap cialte uh, namsau tawh kithat ta hen! A sum a pai khempeuh uh, kituahmang ta hen!

Late 76:6

Jakob’ Pasian aw, nangma thuhilhna hangin sakol le a tung tuang pa khawlcip uh hi.

Paikhiatna 15:21

Miriam in amaute lasak hi: “Topa la sak un. Amah in minthangin zo khin a, amah in sakol le a tung tuangte, tuipi sungah a lawn hi,” a ci hi.

Paikhiatna 15:4

“Faro’ leengte le a mihonpite tuipi sungah lawn a, a kitengkhia ama uliante San Tuipi sungah tum hi.