Jeremiah 51:16 - Tedim Bible

¹⁶ Amah a pau ciangin vantungah tuite ging huhu a, leimong panin tuikhu a suaksak hi. Guah zuk nadingin khua phiasak a, a saal sung panin huih a nungsak hi.

Tedim Bible Revision 2017

¹⁶ Amah a pau ciangin vantungah tuite ging huhu a, leimong panin tui khu a suaksak hi. Guah zuk nadingin khua phiasak a, a saal sung panin huih a nungsak hi.

Jeremiah 51:16 Referans Kwoze

Late 135:7

Amah in leimong panin meiipi kaisakin, guahzuk nadingin khuaphialepte bawl a, a huihkua panin huih a pusuaksak hi.

Jonah 1:4

Ahih hangin Topa in tuipi tungah huih nakpi-in nungsak a, huihpi hatlua ahih manin teembaw a kisia dekdek hi.

Late 18:13

Topa zong vantungah awng a, Sangpenpa in gialpi le mei-am ahi ama aw hong gingsak hi.

Jonah 4:8

Ni hong suah ciangin Pasian in nisuahna lam panin huih a sa mahmah nungsak a, ni in zong Jonah’ luzang kapsuk veva ahih manin a gim mahmah hi. Tua ciangin amah in, “Ka nuntak sangin si leng kei a dingin hoihzaw hi,” ci-in a sih nading thu a ngen hi.

Amos 9:7

Topa in hih bangin ci hi: Israel mite aw, Ethiopia mite tawh a kibangin note ka hong bawl a, Egypt gam panin note kong paikhiatpih bangin, Kaftor gam panin Filistia mite ka paikhiatpih a, Kir gam panin Syria mite ka paikhiatpih hi.

Ezekiel 10:5

Kherub-te’ khazap ging pen biakinn tual puanung ciang dongah kiza a, Vanglian Pasian a pau ciangin a awging tawh kibang hi.

Late 147:18

Amah in thu pia-in tuate tuisuak hi. Amah in a huih nungsak a, tuite a luang hi.

Late 104:7

Na thuhilhna hangin tua tuite taikhia uh a, na thupiakna awging a zak uh ciangin kikhawhkhia uh hi.

Late 78:26

Amah in vantungah nisuahna huih nungsakin, ama vangliatna tawh leitaw lam huih paikhiatpih a,

Late 46:6

Minamte lungkham uh a, kumpi gamte kiling hi. Ama aw gingkhiasak a, leitung kicimgawp hi.

JOB (Job) 40:9

Kei zahin nang hat na hi hiam? Kei’ awging zahin nang a’ gingzo ding ahi hiam?

JOB (Job) 38:22

“Vuk a kikoihna munah nang va lut ngei a, gial a kikhopna mun va mu ngei na hi hiam?

JOB (Job) 37:13

Pasian in mihingte gim a piakna ding ahi a, pahtakna a lahna ding ahi zongin, leitungah tu-a bangin a piangsak hi.

Paikhiatna 14:21

Tua ciangin Moses in tuipi tungah a khut zan hi. Topa in zan tawntung nisuahna huihpi hat tawh tuipi mutgawpin, tuipi pen lei keu-in bawl a, tuite a kikhen hi.

Paikhiatna 10:19

Topa in nitumna huihpi hat mahmah khat nungsak a, tua huih in kauphete laamto-in San Tuipi sung a denna hi. Egypt gam sungah kauphe khat zong om nawn lo hi.

Paikhiatna 10:13

Tua ahih ciangin Moses in Egypt leitang tungah a ciangkhut zan a, Topa in tua sun tawntung le tua zan tawntung leitang tungah nisuahna huih a nungsak hi. Zingsang ciangin nisuahna huih in kauphete hong tun khin hi.

Piancilna 8:1

Ahih hangin Pasian in Noah le amah tawh teembaw sungah a om gamsate le innsate khempeuh a phawk hi. Pasian in leitungah huih nungsak a, tui a kiam hi.