Jeremiah 51:13 - Tedim Bible

¹³ Aw, tui tamna gei-ah a teng mite, sum a hau note aw, na hun uh beita a, na nuntakna khau uh kitat ta hi.

Tedim Bible Revision 2017

¹³ Aw, tui tamna gei ah a teeng mite, sum a hau note aw, na hun uh bei ta a, na nuntakna khau uh kitat ta hi.

Jeremiah 51:13 Referans Kwoze

Mangmuhna 17:1

Tua ciangin hai sagih a tawi vantungmi sagihte sung panin kei kiangah khat hong pai a, “Hong pai in; gun tampi gei-ah a kilam a paktat mahmah khuapi gimna a kipiakzia ding ka hong lak ding hi.

Mangmuhna 17:15

Tua ciangin vantungmi in hong genthuah lai a, “A paktat numei a tutna gun tuite pen minam tuamtuam, pau nam tuamtuam a zang mihonpite ahi hi.

Jeremiah 51:36

“Tua ahih manin Topa in kong cihin-ah: En un, na thu uh ka hong sepsak ding a, note a dingin ka hong thuksak ding hi. A bual ka keusak ding a, a ciktui ka kangsak ding hi.

Piancilna 6:13

Pasian in Noah’ kiangah, “Mi khempeuh beisak ding ka khentat zo hi; bang hang hiam cih leh amau’ hangin leitungah ngongtatna kidim hi. En in, leitung tawh amaute ka susia khawm ding hi.

Mangmuhna 18:19

A kah a thum kawmun a lu tung uhah leivui thehin kap uh a, “Tuipi teembaw a nei khempeuh in a hauhlawh uh hih khuapi bangzah takin lauhuai-in nasia ahi hiam? Nai khat sungin maimangta hi.

2 PETER NIHNA 2:3

Hih sia man lote in a huaiham manun note kiang panin sum a ngahtheih nadingun phuahtawm thu hong gen ding uh hi. Ahi zongin sawtpek a kipanin amaute’ thu a Khen ding pa a kigingsa-in om niloh a, amaute a Susia ding pa in en gige hi.

1 PETER MASA 4:7

Na khempeuh a bei nading hun hong naita hi. Nomau pumpi ki-uktawm thei-in pilvang unla, hoihtakin thu a ngen thei-in om ta un.

Amos 8:2

Topa in, “Amos aw, bang na mu hiam?” hong ci hi. “Seeng sunga kikoih singgah min ka mu hi,” ci-in kei zong ka dawng hi. Tua ciangin Topa in, “Ka mi Israel-te a dingin a bei hun uh tungta hi. Amaute gim ka piak ding ka khawl nawn kei ding hi.

Daniel 5:26

A khiatna zong hih bang ahi hi: Mene pen kisim a cihna hi a, Pasian in na gam ukna hong simsak a, a beisak ta hi, cihna ahi hi.

Kah la 4:18

Galte in hong vilsim uh ahih manin ka vakkhia ngam kei uh hi. Ka hun uh a beita hi a, a beina hun a tungzo ahi hi.

Jeremiah 50:37

Sakolte le sakol leengte, numei tawh a kibang lel a galkap cialte uh, namsau tawh kithat ta hen! A sum a pai khempeuh uh, kituahmang ta hen!

Jeremiah 50:31

En in, a Vanglian Topa Pasian in kong cihin-ah: Nang a kisathei Babylon aw, nang kong langpan’ hi. Bang hang hiam cih leh nang gim kong piak hun ding na ni hong tungzo ta hi.

Jeremiah 50:27

A galkap hangte khempeuh uh thahsak un. Amaute in gimna thuak ding uh a, a thuak ni ding uh hong tungzo ta!”

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Isaiah 43:14

Israel-te’ Siangtho Pa, note a hong hon Topa in hih bangin ci hi: “Note’ hangin Babylon-ah galkapte puakin, khua kongpi sikzawl khempeuh ka kuaitan ding a, Khaldea mite’ kikona pen tauna awging ka suaksak ding hi.

Isaiah 57:17

Amau’ huaiham-mawhna hangin ka heh mahmah a, ka hehna lungsim tawh amaute gim pia-in ka nusia hi. Ahih hangin amaute a lungsim uh khauhin, a gamtat ngei bangun gamta lai veve uh hi.

Late 137:1

Zion khuapi i ngaihsut khak ciangin Babylon luite gei-ah eite tusukin i kapkap hi.