Jeremiah 51:1 - Tedim Bible

¹ Topa in a cihin-ah: “En un, Babylon khuapi le Khaldea mite a susia dingin keimah in huih ka nungsak ding hi.

Tedim Bible Revision 2017

¹ Topa in a cih in ah: “En un, Babylon khuapi le Khaldea mite a susia dingin keimah in huih ka nungsak ding hi.

Jeremiah 51:1 Referans Kwoze

Amos 3:6

Khuapi sungah pataukohna gal peengkul a kitum ciangin mite lau loin ommawk thei ahi hiam? Topa’ tunsak lohpi-in khuapi sungah lauhuaina mawk tun ahi hiam?

Hosea 13:15

Israel mite kiak bangin a pung ahi zongin sehnel gam panin nisuahna huih sa mahmah ka nungsak ding a, a tuikhukte uh le a tuinakte uh a kangsak ding hi. Tua huih in a manpha nate le deih theih peuhpeuh leenmang ding hi.

Sawltak 9:4

Saul, leilakah puksuk a, tua laitakin awging khat in ama kiangah, “Saul, Saul aw, bang hangin kei hong bawlsia na hi hiam?” a ci hi.

Zekhariah 2:8

Hih bangin maang ka muh khit ciangin, ama mite’ na a sutgawp minam dangte kiangah thu a gen dingin Vanglian Topa in kei hong sawl a, Topa’ mite a su mi peuhpeuh in a mit nauta bangin a manphapen khat a su ahi hi.

Ezekiel 19:12

Ahi zongin hehna tawh leenggui kizungbawh a, leilak kidenna hi. Nisuahna huihpi hong nung a, a gahteng keutumsak hi. A hiangte kikuaitan a, keu-in kihaltum hi.

Jeremiah 50:33

“Vanglian Topa in kong genin-ah: Israel mite le Judah mite in netniamna thuak uh a, sal dingin a paipih mite in lencipin a ciahsakkik nawn kei uh hi.

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel mite’ Siangtho Pa a simmawh hi.

Jeremiah 50:24

Babylon khua aw, nang thang kong siah a, thei lo na hih manin na awk pah hi. Topa langpang na hih manin nang hong kimu-in hong kiman hi.

Jeremiah 50:21

“Merathaim gam a sim dingin pai unla, Pekod mite zong va sim un. That unla a vekpi-in sumang un, Topa in kong ci hi. Kong sawl khempeuh hih un.

Jeremiah 50:9

Bang hang hiam cih leh en un, keimah in leilu lam panin gam pawlkhat ka hanthawn ding a, Babylon ka simsak ding hi. Amaute in Babylon khua kimkotah gal pangin tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Jeremiah 49:36

Vantung mun li panin huihpi ka mutmangsak ding a, Elam gam panin ka hawlkhiatte mun khempeuhah kithehthang sakin a tun lohna uh gam khat beek ka omsak kei ding hi.

2 KUMPI NIHNATE 19:7

En un, keimah in ama tungah thu khat ka piangsak ding a, amah in kamdawn khat za-in a gamah ciahkik ding hi. Ama gam mahah namsau tawh amah a tukna ding ka piangsak ding hi,” ci hi,’ ci un,” a ci hi.

Late 137:8

Misusia Babylon aw, kote’ tungah nong bawl bangin nang tungah hong thukpa in lungdamna ngah ta hen!

Jeremiah 23:19

En un, Topa’ hehna huihpi hong nung hi. A hehna huihpi hong kinuai nainai-in hong paikhia ta a, migilo pa’ lutang hong kidenna ding hi.

Isaiah 13:13

Tua ahih ciangin ka sinso ni-in Vanglian Topa ka hehna hangin vantung lausakin ka lingsak ding a, ama omna panin leitung kisingkhia ding hi.

Isaiah 14:14

Meiite’ tung pekah ka kahto ding a, Sang Pen pa bangin ka kibawl ding hi,’ na ci hi.

Isaiah 21:1

Babylon gam tawh kisai thu hih bangin gen hi: Leitaw lam panin pingpei hong kipat mah bangin, a lauhuai gam panin siatna hong pai hi.

Isaiah 47:1

Nungak a bang Babylon aw, hong paisuk inla, leivui lakah tu in. Nungak a bang Khaldea aw, tokhom om lohna leilakah hong tusuk in! Bang hang hiam cih leh nang pen a moi milmel, a ngeek dikdek, hong kici nawn lo ding hi.

Jeremiah 51:53

Babylon khua vantungah kahto thei a, a sangpi-ah kiptakin galdalna a bawl thei ahi zongin, Topa in kong cihin-ah, kei’ kiang panin amah a suankhia ding mi a hong pai teitei ding hi.

Jeremiah 51:60

Keimah in Babylon khua tawh kisai-in Babylon khua-ah a tung ding gimna khempeuh laibu khat sungah ka gelh hi.