Jeremiah 50:9 - Tedim Bible

⁹ Bang hang hiam cih leh en un, keimah in leilu lam panin gam pawlkhat ka hanthawn ding a, Babylon ka simsak ding hi. Amaute in Babylon khua kimkotah gal pangin tua khua a la ding uh hi. Galkap siamte’ lot bangin a thaltangte un khak loh a nei kei uh hi.

Tedim Bible Revision 2017

⁹ Bang hang hiam cih leh en un, keimah in leilu lam panin gam pawl khat ka hanthawn dinga, Babylon ka simsak ding hi. Amaute in Babylon khua kimkot ah gal pangin tua khua a la ding uh hi. Galkap siamteʼ lot bangin a thaltangte un khak loh a nei kei uh hi.

Jeremiah 50:9 Referans Kwoze

Jeremiah 51:11

Thaltangte hiam un. Lumte la un. “Topa in Babylon khua susia nuam ahih manin Media kumpite a hanthawn hi. Bang hang hiam cih leh hih pen a biakinnpi hangin Topa’ thukkikna ahi hi.

Jeremiah 50:29

“Babylon khua a sim dingin thalkap siam, thaltawi theite va sam un. Khuapi umcih unla, kuamah suaktasak kei un. Ama hihna tawh kituakin ama tungah hih un. Ama hih ngei bangmahin ama tungah bawl un. Bang hang hiam cih leh amah kisathei-in Topa ahi, Israel mite’ Siangtho Pa a simmawh hi.

Jeremiah 50:26

Mun khempeuh panin hong sim unla, a ansal uh honsak un. An cian’ bangin amaute ciang un. A vekpi-in susia unla, bangmah nusiat kei un.

Jeremiah 50:21

“Merathaim gam a sim dingin pai unla, Pekod mite zong va sim un. That unla a vekpi-in sumang un, Topa in kong ci hi. Kong sawl khempeuh hih un.

Jeremiah 50:14

“No thal tawite khempeuh aw, Babylon khua a sim dingin a kimkotah gal pang un. Thaltang khat beek siit loin kap un. Bang hang hiam cih leh Topa’ tungah a khialzo uh hi.

Jeremiah 50:3

“Bang hang hiam cih leh leilu lam panin Babylon gam a sim ding le gamlak a suaksak dingin gam khat hong pai ding hi. Gam sungah kuamah teng lo ding a, a mihing a ganhingin a taimang ding uh hi.

Jeremiah 15:14

Na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna mei bangin kitawhkuang a, a mit nawn kei ding hi,” a hong ci hi.

Isaiah 41:25

Leilu lam gam panin mi khat ka hanthawn a, amah hong kuan khin hi. Nisuahna lam panin amah in ka min hong lo ding hi. Beelseek pa in buan a cil bang, sum sunga a kisugawp bangin, amah in gam ukte tuancil gawp ding hi.

Isaiah 21:2

A kihtakhuai maangmuhna khat kei tungah hong kigen hi. A sutzo mipa in sut a, a susiazo mipa in susia hi. Elam galkapte aw, kuanto un. Media galkapte aw, umcih un. Babylon’ piansak khuisatnate khempeuh Pasian in beisak ta hi.

2 SAMUEL NIHNA 1:22

“Jonathan’ thaltang gupha a, Saul’ namsau zong kihtakhuai hi. Jonathan’ thaltang guakkik lo a, Saul’ namsau zong hong guakkik lo hi.

Solomon la 3:8

A vekpi-in namsau zat a siam vive hi a, galdo a siam vive hi khin uh hi. A vekpi-in namsau kuah kim uh a, mi’ hihkhak ding a cing uh hi.

Jeremiah 25:14

Bang hang hiam cih leh gam tampi le kumpi liante in amaute salin man ding uh a, amau’ gamtatna amau’ tungah ka thukkik ding hi,” a ci hi.

Jeremiah 25:26

le a gamla hitaleh a nai hitaleh leilu lama a om kumpite khempeuh khat khit ciangin khat ka dawnsak hi. Tua ciangin leitung a om gam khempeuh ka dawnsak hi. A tawpna-ah Babylon kumpipa in a dawn ding hi.