Jeremiah 50:7 - Tedim Bible

⁷ Amau a mute in na ne gawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate un a muan leh a lametna uh Topa’ tungah amaute a khial uh hi,’ a ci uh hi.

Tedim Bible Revision 2017

⁷ Amau a mute in na ne gawp uh hi. A galte un, ‘Ko bangmah khialhna ka nei kei uh hi. Bang hang hiam cih leh a pute a pate un a muan leh a lametna uh Topaʼ tungah amaute a khial uh hi,’ a ci uh hi.

Jeremiah 50:7 Referans Kwoze

Jeremiah 14:8

Israel mite’ lamet pa aw, haksat hun ciangin ko a hong honkhia pa na hi hi. Bang hangin ka gam sung uhah khualmi bangin nang omin khualzin zan khat bek a taam bangin hong om na hi hiam?

Jeremiah 2:3

Israel mite pen Topa a dingin a tuam om hi a, ama anlakna ah a anpalte ahi uh hi. Amaute a ne peuhpeuh a mawh suak uh a, gimna a thuak uh hi, Topa in hong ci hi, ci-in va gen in,” hong ci hi.

Zekhariah 11:5

Tuu neite in a tuute go uh a, ahi zongin amaute gim kipia lo hi. Amaute in a tuusa zuak uh a, ‘Topa in thupha ngah tahen. Tu-in i hauta hi,’ ci uh hi. A tuucingte mahmah in a tuute uh hehpihna nei lo uh hi.

Jeremiah 31:23

Vanglian Topa, Israel mite’ Pasian in hong genin-ah: “Keimah in amaute a gam uhah ka omsakkik ciangin, Judah gam le a khuapite uhah amaute in, ‘Thuman thutak a tenna mual siangtho aw, Topa in thupha hong pia ta hen,’ ci-in a genkik leuleu ding uh hi.

Jeremiah 50:17

“Israel mite, humpinelkai in a delhmang tuu tawh a kibang uh hi. A masa-in Assiria kumpipa in ne a, tu-in a tawpna-ah Babylon kumpipa Nebukhadnezzar in a guh dongin a teeptum hi.

1 TIMOTI MASA 1:1

Eite a hong Hon Pasian le eite’ lamet Khrih Jesuh’ thupiakna tawh Khrih Jesuh’ sawltak ahi keimah Paul in,

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Daniel 9:16

Nang na siangtho hi. Tua ahih ciangin Jerusalem tungah hong heh nawn peuhmah kei in. Tua pen na khuapi hi a, na mual siangtho ahi hi. Kote le ka pate uh khialhna le gitlohna hangin, ka kiim ka pam uha mite khempeuh in Jerusalem le na mite a hong simmawh uh hi.

Daniel 9:6

Ka kumpite uh, ko hong ukte, ka pu ka pate uh, le minam khempeuh tungah na min tawh thu a hong gen na nasem kamsangte’ thu ka ngai kei uh hi.

Jeremiah 50:33

“Vanglian Topa in kong genin-ah: Israel mite le Judah mite in netniamna thuak uh a, sal dingin a paipih mite in lencipin a ciahsakkik nawn kei uh hi.

Isaiah 56:9

Lo sungah a om ganhing khempeuhte, gamlakah a om ganhing khempeuhte aw, a netum dingin hong pai un.

Isaiah 47:6

Ka mite tungah ka heh a, ka luah gamh ka ninsak hi. Nangma khut sungah amaute kong pia a, nangmah in amaute na hehpih bawl kei hi. A khangham mite nangawn na ngong bawl mahmah hi.

Isaiah 9:12

Ama mai-a om Syria mite le a nunga om Filistia mite in kam ka-in Israel netum uh hi. Hih thute khempeuh hangin ama hehna damzo nai lo a, ama khut kizanlai hi.

Late 91:1

Sangpenpa’ liahna sung, Vanglianpa’ liim sungah a om mi khempeuh in

Late 90:1

Topa aw, khang tawntungin kote’ omna mun na hi hi.

Late 79:7

Bang hang hiam cih leh amaute in ka mite uh thatmang khin uh a, ka gam sung khempeuh uh susiagawp khin uh hi.

Late 71:5

Bang hang hiam cih leh Topa Pasian aw, ka neu lai a kipanin ka hong lamet, ka hong muan na hi hi, Topa aw.

Jeremiah 5:17

Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuuhon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.

Jeremiah 10:25

Nangmah a hong thei lo gamte tung le nangma min a hong lo ngei lo mite tungah na hehna sungsuk in. Bang hang hiam cih leh amaute in Jakob’ suanlekhakte thatmang khinin amau’ tenna a susia khin uh hi.

Jeremiah 17:13

Aw Topa, Israel mite’ lamet pa aw, nang a hong taisan mite a zahhuai ding uh hi. Nang a hong lehngatsan mite leivui lak a min gelh bangin a mangthang uh hi. Bang hang hiam cih leh nuntakna ciktui ahi Topa a hong taisanzo uh hi.

Ezekiel 34:5

Tua tuute in a cing ding nei lo uh ahih manin kithehthang gawp uh a, gamsate’ an a suak lel uh hi.

Ezekiel 35:12

Tua ciangin nangmah in, ‘Israel mualtungte gamkhing suak ta a, keima a’ ding hita hi,’ ci-in simmawhna tawh na kampaunate, Topa ahi keimah in a za ka hihlam na thei ding hi.

Jeremiah 33:15

Tua hun ciangin David’ suan lak panin kumpi dingin a diktat mi khat ka khangsak ding a, amah in gam sungah thuman tawh thu hong khen ding hi.

Jeremiah 33:16

Tua ni ciangin Judah mite kihonkhia ding a, Israel mite lungmuang takin a teng ding uh hi. Amah a kisap nadingin a min ‘Topa, Eite’ Diktanna,’ ci-in a kiphuak ding hi.

Jeremiah 50:14

“No thal tawite khempeuh aw, Babylon khua a sim dingin a kimkotah gal pang un. Thaltang khat beek siit loin kap un. Bang hang hiam cih leh Topa’ tungah a khialzo uh hi.