Jeremiah 50:2 - Tedim Bible

² “Gam khempeuhah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawpta hi. A milimte uh maizum ta a, a pasian-te uh kisiagawp ta hi,’ ci-in taangko un.

Tedim Bible Revision 2017

² “Gam khempeuh ah genin taangko unla, dial khai unla im kei un. ‘Babylon khuapi kia ta hi. Bel pasian maizum ta a, Merodak pasian kitan gawp ta hi. A milimte uh maizum ta a, a pasian-te uh kisia gawp ta hi,’ ci-in taangko un.

Jeremiah 50:2 Referans Kwoze

Isaiah 46:1

“Bel pasian puksukin, Nebo pasian kunsuk a, tua milimte pen ganhing le bawngte tungah kipua hi. Note’ puak hih nate pen a gim mahmah ganhingte tungah a kisuan vangik bangin note tungah hong gik hi.

Isaiah 21:9

En in, sakol tung tuangte a kopkopin hong pai!” a ci hi. Adang khat in, “Babylon cim hi, cim hi. A milim pasian-te khempeuh leilak dongah amah in suksiatsak hi,” ci-in a dawng hi.

Jeremiah 51:47

Tua ahih manin en un, Babylon khua-a milimte gim ka piak hun hong tung ding hi. A gam buppi ka zumhuaisak ding a, khua sungah kithatin a tuk ding uh hi.

Jeremiah 51:44

Babylon khuate’ pasian Bel zong gim ka pia ding a, a na guksa teng ka lakkhiatsakkik ding hi. Gamdangte in amah bia nuam nawn lo ding uh hi. Babylon khuakulhpi kicim khinta hi.

Mangmuhna 18:2

Amah nakpitakin kiko a, “A Lian Babylon khuapi kicim, kicim! Tu-in dawite’ kua suak khinta-in, kha gilote’ omna suak khinta a, a kihhuai, a muhdahhuai vasa namkim in omna-in neita uh hi.

Zefaniah 2:11

Topa in amaute lausakgawp ding a, leitung pasian-te, neubawl gawp ding hi. Tua ciangin minam khempeuh in amau’ gam ciat panun amah bia ding uh hi.

Jeremiah 52:31

Judah kumpipa Jehoiakhin sal a suahzawh kum sawmthum le kum sagih a cin ciangin Babylon-ah Evilmerodak kumpi a suak hi. Tua kumpipa in Judah kumpipa Jehoiakhin hehpih a, tua kum kha sawm le kha nihna a ni sawmnih le ni nga ni ciangin thong sung panin a suaktasak hi.

Jeremiah 51:52

Tua ahih manin en un, Topa in kong cihin-ah, Babylon khua-ah a om a milimte uh tungah thu ka khen ni hun hong tung ding a, gam sung khempeuhah a liamte a tau ding uh hi.

Jeremiah 51:31

Babylon kumpipa kiangah thu a ko dingin a hong pai kamtaite a ciah leh a kuan kiphamat uh a, ‘Mun khempeuh panin galte in Babylon khua hong simin,

Jeremiah 51:8

Thakhat thu-in Babylon puk a, kisiagawp hi. Ama a dingin kap un. A liammate a dingin zatui la un, damzo khathei lai ding hi.

Jeremiah 50:46

A pukna uh gin’ ngaihlua ahih manin leitung a kiling ding hi. A kahna aw uh gam khempeuhah a kiza ding hi,” a hong ci hi.

Jeremiah 46:14

“Egypt gam le Migdol khua-ah va gen in. Memfis khua le Tahpanhes khua-ah va taangko in: ‘Kigingsa le kithawisa-in om un; bang hang hiam cih leh namsau tawh note hong kithat khin ding hi,’ va ci in.

Jeremiah 31:10

“Aw, gamdangte aw, Topa’ kammal ngai unla, gamlapi, tuipi gei-a omte kiangah va gensawn un. ‘Israel mite a kithehthang sakpa in kaikhawm kik ding a, tuucingpa in a tuute a kep bangin a kem ding hi,’ va ci un.

Jeremiah 6:18

Tua ahih manin Topa in, “Gamdangte aw, ngai un. Mite aw, amau’ tungah bang tung ding hiam cih thei un.

Jeremiah 4:16

Minamte kiangah va gen unla, Jerusalem kiangah va taangko un. “Gamlapi panin mite hong pai uh a, Judah gam khuapite langpangin hong kiko uh hi.

Isaiah 48:6

Ka gensa thu khempeuh hong tungta ahih manin, na gennate a man hi, na hong cih ding uh hita hi. Tu a kipanin na a thakte, na theih ngei loh uh hong tung ding a ki-im nate kong gen ding hi.

Isaiah 39:1

Tua hun laitakin Baladan’ tapa, Babylon kumpi ahi Merodak-baladan in Hezekiah a ci na-in a damkikna thu za ahih manin ama kiangah laikhak le letsong tawh tangmite a sawl hi.

Isaiah 37:19

amaute’ pasian-te pen meikhuk sungah paihsak khin hi. Bang hang hiam cih leh tuate pen pasian hi loin mite’ khut tawh a kibawl sing le suangte ahi uh hi. Tua ahih ciangin tuate kisusia hi.

Isaiah 13:2

Mualkolh tungah lim khat lakto unla, galkapte tungah nakpitakin kiko un. Miliante’ kongpi-ah amaute va pai-in a sim nadingun amaute khut vaan un.

Isaiah 12:4

Ni khat ni ciangin mite in, “Topa’ tungah lungdam ko unla, ama hong huh ding ngen un. Minam khempeuh lakah ama septe kitheisak unla, ama min kiliansak hi, ci-in gen un.

Late 96:3

Ama minthanna minamte lakah gen unla, ama nalamdang septe mi khempeuh lakah pulak un.

Late 64:9

Tua ciangin mi khempeuh lau ding uh hi. Amaute in Pasian’ hihsa thute gengen ding uh a, ama hihsa nate khempeuh ngaihsunsun ding uh hi.

Late 97:7

Bangmah a man lo milimte a kisaktheihpih, milim a bia mi khempeuhte maizumin kikoih a, ama mai-ah pasian khempeuh kun uh hi.

Isaiah 48:20

Babylon panin paikhia-in Khaldea gam panin tai inla, lungdamna tawh hih thu genin taangko inla, leimong dongin puak in. “Topa in ama nasem Jakob honkhia khinzo!” ci-in gen kawikawi in.

Jeremiah 4:6

Zion paina lampi kihilh unla, na suahtak nadingun tai un; zekai kei un. Bang hang hiam cih leh leilu lam panin siatna lianpi ka hong puaksuk hi.

Jeremiah 51:12

Babylon khuakulhpi tungah dial khai unla, galvil ding tampi koih un. Cingsak unla, galte a buksim dingin kithawi un. Bang hang hiam cih leh Babylon khua mite tawh kisai-in Topa in a gensa teng a geel khinzo a, a sem khinzo hi.

Jeremiah 51:27

“Gal a sim dingin leitung bup thu pia unla, gamdangte kiangah peengkul mut un. Amah a sim dingin kithawisak un; Ararat, Minni, le Ashkenaz gamte simsak un. Makai khat teel unla, kauphe honpi zahin a tam sakolte va la un.

Daniel 1:2

Topa in kumpi Jehoiakim le biakinnpi na manphate kumpi Nebukhadnezzar a mansak hi. Amah in a mi matte Babylon gam ama pasian biakinn-ah paipih a, na manpha a matte sumkoihna inn-ah a koih hi.

Daniel 3:14

Amah in, “Shadrak, Meshak, le Abednego-te aw, ka pasian bianuam loin, ka kham milim koih mai-ah kun nuam lo na hi uh hiam?

Jeremiah 10:11

Amaute’ tungah, “Vantungte le leitung a bawl lo pasian-te, leitung mun khempeuh panin a mangthang ding uh hi,” ci-in na gen ding hi.

Jeremiah 10:15

Kimanna a nei lo, a haihuaipi hi a, gim a kipiak ni ciangin a kisia ding uh hi.