Jeremiah 5:24 - Tedim Bible

²⁴ A lungsim sung uhah, ‘A huna guah hong zusak a, tukguah, khalguah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Tedim Bible Revision 2017

²⁴ A lungsim sung uh ah, ‘A huna guah hong zusak a, tuk guah, khal guah hong pia a, anlak hun ding a hong sehsak den Topa i Pasian zahtak ni,’ a ci kei uh hi.

Jeremiah 5:24 Referans Kwoze

Late 147:8

Amah in vanpite meiipi tawh tuamin, leitung a dingin gun bawl a, mualte tungah lopa a posak hi.

Joel 2:23

“Zion mite aw, kipak unla, Topa na Pasian uh tungah lungdam ta un. Note in an na hauh theih nadingun nidanga bangin khuapi guah, tuk guah le phalbi guah, a hoihbekzah hong zusak hi.

Piancilna 8:22

Leitung a omlai tengin, lo pawi hun le anlak hun, a vot le a sa, khuakhal le phalbi, sun le zan bei lo ding hi,” a ci hi.

Sawltak 14:17

Ahi zongin amah in a bangci Pasian hiam cih hong lahna-in mite a dingin na hoihnono a hong pia hi. Amah in van panin guah hong zusakin, a hun hunin anlak hun ding hong tungsak hi. Amah in note’ nek ding an hong pia a, lungdamin a hong omsak hi,” a ci uh hi.

Mattiu 5:45

Tua hileh vantungah a om na Pa uh tate na hi thei ding uh hi. Bang hang hiam cih leh amah in mihoihte le misiate tungah a kibangin ni taangsak khawm a, a gamtat phate le a gamtat siate tungah zong a kibang mahin guah zusak khawm hi.

Jeremiah 14:22

Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.

Mangmuhna 11:6

Amaute’ ut hunhunin a thugen laitakun guah zu losak thei uh a, tuite sisan a suahsak theih nadingun vangliatna nei uh a, leitungah gimna a tuamtuam tungsak thei uh hi.

Jeim 5:7

Tua ahih ciangin sanggamte aw, Topa hong pai matengin lungduai takin om un. Lo khote in zong a lo panun an a ngahtheih nadingun lungduai takin khuapi guah le tuk guah a ngakna thu thei un.

Zekhariah 10:1

Singkung lopa a sel hunin Topa kiang pan guah ngen un. Meii kaisakin, guah zusak a, ankung khempeuh a dumsak pa, Topa ahi hi.

Amos 4:7

Tua ahih manin anlak hun ding kha thum bek in a sap laitak, lolai-a om ante in guahtui a sap mahmah laitakin guah ka zusak kei a, khuapi khat bekah zusakin a dangte-ah ka zusak kei hi. Lo khat bekah guah zu a, a zuk lohna lote a keutum hi.

Hosea 6:1

Amaute in, “Hong pai un, Topa kiangah ciahkik ni; amah in eite hong balgawp hangin hong damsakkik ding a, eite hong liamsak hangin i liammate hong tunsakkik ding hi lo ahi hiam?

Jeremiah 50:5

Zion khua lampi a dong ding uh a, tua khua lam maingatin, ‘Hong pai un. A kimangngilh ngei nawn lo ding tawntung thuciamna khat Topa’ tungah ciamkhawm dih ni,’ a ci ding uh hi.

Jeremiah 5:22

kei hong kihta lo na hi uh hiam, Topa in kong ci hi. Keima mai-ah ling lo na hi uh hiam? Tuipi gei-a om sehnelte keima koih hi a, tui ka dalsak tawntung hi. Tuihualte in a lawhlawh hangin zo zo lo uh a, a gin’ zuazua uh hangin kantanzo tuan lo uh hi.

Isaiah 64:7

Tua ahih ciangin nangmah a hong pom dingin a hanciam tawm, nangma min a lo kuamah om lo hi. Bang hang hiam cih leh kote kiang panin nang in na maitang na seel a, mawhna khut sungah kote na hong pia hi.

JOB (Job) 38:37

Leivuite khalcipin, leitang a sak ciangin, meiite thu pia-in vana tuibemte a hong dingin kua in pilna nei ahi hiam?

1 KUMPI MASATE 17:1

Tu-in Gilead gam sung Tishbe khua panin Tishbe mi Elijah in Ahab kiangah, “A mai-ah ka dinna Israel Pasian, Topa a nungta ahih mah bangin keima thu tawh loin daitui ahi a, guah ahi zongin hong tung ding kumte sungah om lo ding hi,” a ci hi.

Thu-hilhkikna 28:12

Note’ leitangah ama hunin guah a zusak ding le na sepna khempeuh uh thupha a pia dingin Topa in a na hoih kholna vantung note hong hon ding hi. Note in minam tampite tungah leitawi na pia ding uh a, ahih hangin note in leitawi na la kei ding uh hi.

Hosea 3:5

Tua khit ciangin Israel mite in Topa amau’ Pasian le a kumpipa uh David lamah hong kiheikik ding uh hi. Tua hun ciangin amaute in Topa zahtakin, ama letsongte a ngah ding uh hi.

JOB (Job) 5:10

Amah in guah zusak a, lo khempeuh tui a buak hi.

Late 65:9

Nangmah in leitung enin, guah na hong zusak a, leitung a hoihna nakpitakin na behlap hi. Pasian’ gunpi tui tawh kidim a, leitungah an na piangsak hi. Tua bangin nangmah in na khempeuh na bawlkhol hi.

Jeremiah 2:19

Na gitlohna mah in nangmah hong thuhilh ding a, kei na hong up nawn lohna in nangmah hong mawhsak ding hi. Topa na Pasian nong nusia a, keimah nong kihtak nawn loh ciangin, nuam hetloin kha velval hi, cih thu thei inla mu in, Vanglian Topa Pasian in ka hong ci hi.

Jeremiah 3:3

Tua hang mahin guahtui kikangsak a, guah nunung hong zu lo hi. Ahi zongin numei paktatte tawh a kibang hinapi-in na maizum thei kei lailai hi.

JOB (Job) 29:23

Lo khote in khuapi guah deih mahmahin a ngak bangin, ka thugente khempeuh hoihtakin na sang uh hi.

Jeremiah 10:13

Amah a pau ciangin vantungah tuite ging hunhun a, leimong panin tuikhu a suaksak hi. Guahzuk nadingin khua phiasak a, huihkua panin huih a nungsak hi.