Jeremiah 5:19 - Tedim Bible

¹⁹ Na mipihte un, ‘Bang hangin Topa i Pasian in hih bangin ei’ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uhah gamdang pasian-te’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.

Tedim Bible Revision 2017

¹⁹ Na mipihte un, ‘Bang hangin Topa i Pasian in hih bangin eiʼ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uh ah gamdang pasian-teʼ na na sep uh bangin, noteʼ gam ahi lo gam dangah, gamdang miteʼ na na sem ding uh hi,’ na ci ding hi,” hong ci hi.

Jeremiah 5:19 Referans Kwoze

Jeremiah 16:13

Tua ahih manin hih gam panin note le na pu na pate un na theih ngei loh uh gamah kong notkhia ding hi. Tua lai-ah sun le zanin pasian dangte’ na na sem niloh ding uh hi; bang hang hiam cih leh note kong angvan nawn kei ding hi,” ci hi,’ na ci ding hi.

Jeremiah 13:22

Bang hangin hih thute kei tungah hong tung ahi hiam, ci-in na ngaihsut leh na mawhna a liatluatna hang ahi hi. Tua thu hangin na nik hong kihawkgawp a, a hong kibuan gawp ahi hi.

Kah la 5:8

Silate sangin a zahpihhuai zaw mite in kote hong uk tazen uh a, amaute’ khutsung panin kuamah in a hong honkhiazo kei hi.

Jeremiah 2:35

nang in, ‘Kei ka mawh kei hi, kei tungah Pasian heh nawn lo hi,’ na ci hi. En in, ‘Kei ka mawh kei hi,’ na cih manin nang tungah thu kong khen ding hi.

Jeremiah 2:13

Bang hang hiam cih leh ka mite in mawhna nam nih a bawlzo uh hi. Nuntakna ciktui ahi keimah a hong taisanzo uh hi. Tuikhuk totawm uh a, a tuikhuk tawh uh keu-in, tui a vung thei kei hi.

Jeremiah 2:14

“Israel sal ahi hiam? Sila namte ahi zenzen hiam? Hilo ahihleh bang hangin a galte in luhgawpzo ahi hiam?

Jeremiah 5:18

“Ahih hangin tua bang hun ciang nangawnin, Topa in kong cihin-ah, note kong sumaimang khin sam kei ding hi.

Jeremiah 5:20

Jakob’ suante’ tungah gen in. Judah mite’ tungah hih bangin ci in:

Jeremiah 9:13

Topa in, “Amaute in a mai uha ka lah ka thukham nusia uh a, ka thu hong mang loin ka cih bangin ta lo uh a,

Jeremiah 9:12

Tua ciangin keimah in, “Hih thu a theitel ding mipil kua om ahi hiam? Hih thu a gentel theih nadingin Topa in kua tungah hilhtel na hi hiam? Kuamah in hih gam a kantan nawn loh nadingin bang hangin kisia-in gamlak tawh kibang ahi hiam?” ci-in ka dong hi.

Jeremiah 17:4

Note kong piak na gam uh zong na taan ding uh a, na theih ngei loh uh gam khatah na galte uh’ na ka hong semsak ding hi. Bang hang hiam cih leh ka hehna kitawhkuang a, a mit nawn kei ding hi,” a ci hi.