Biblia Todo Logo
Bib sou entènèt

- Piblisite -




Jeremiah 5:18 - Tedim Bible

18 “Ahih hangin tua bang hun ciang nangawnin, Topa in kong cihin-ah, note kong sumaimang khin sam kei ding hi.

Gade chapit la Kopi

Tedim Bible Revision 2017

18 “Ahih hangin tua bang hun ciang nangawnin, Topa in kong cih in ah, note kong sumai mangkhin sam kei ding hi.

Gade chapit la Kopi




Jeremiah 5:18
10 Referans Kwoze  

A gualin a kisuan a leenggah huan sungah pai inla, suksiat sak in; ahi zongin sukmai mangsak sam kei in. A hiangte heuhkhiatsak in; bang hang hiam cih leh tua a hiangte Topa a’ hi lo hi.


Bang hang hiam cih leh Topa in, “Gam buppi, gamlak suak ding a, ahih hangin ka susia sam kei ding hi.


Tua bangin thu genin ka om laitakin Benaiah’ tapa Pelatiah hong dinsih hi. Kei zong leilakah boksukin ka kiko a, “Topa Pasian aw, Israel gam sungah a omlai mi khempeuh thah khit sawm na hi hiam?” ka ci hi.


Tua bangin mi a kithah laitakin keimah guak ka om hi. Kei zong lei-ah bokin, “Topa Pasian aw, Jerusalem tungah na hehna hangin Israel mi a omlaisun khempeuh that mangkhin ding na hi hiam?” ci-in ka kiko hi.


Amaute in lo-a na ante uh le na an huante uh hong gaihsak ding uh a, na tapate uh le na tanute uh hong thahsak ding uh hi. Na tuuhon, na bawnghonte uh hong gaihsak ding uh a, na leenggah, na theigahte uh hong nek mangsak ding uh hi. Na muan mahmah uh kulhpi tawh a ki-um na khuapite uh namsau tawh hong suksiatsak ding uh hi.


Na mipihte un, ‘Bang hangin Topa i Pasian in hih bangin ei’ tungah hong bawl ahi hiam?’ a cih uh ciangin nangmah in, ‘Topa nusia-in na gam sung uhah gamdang pasian-te’ na na sep uh bangin, note’ gam ahi lo gam dangah, gamdang mite’ na na sem ding uh hi,’ na ci ding hi,” hong ci hi.


Bang hang hiam cih leh Topa in kong cihin-ah, a hong honkhia dingin note kong ompih hi. Note ka hong thehthangna gamte khempeuh ka susia ding a, ahih hangin note kong susia kei ding hi. A kilawm zahin kong thuhilh ding a, gim pia loin kong mawk nusiat kei ding hi.


“Ahi zongin amaute ka khasiat a, gamlakah amaute ka susia kei a, ka maimangsak kei hi.


Topa aw, a cil pek a kipan a tawntungin Pasian na hi a, nang pen a tawntungin keima Pasian, a Siangtho Pa na hi hi. Topa aw, kote gim a hong pia dingin amaute na seh hi bek hi. Ka belh Suangpi aw, kote nong thuhilhna ding bekin amaute’ tungah vang a pia bek na hi hi.


Swiv nou:

Piblisite


Piblisite