Biblia Todo Logo
Bib sou entènèt

- Piblisite -




Jeremiah 5:12 - Tedim Bible

12 “Amaute in Topa hong nial uh a, ‘Amah in bangmah hihlo ding hi. Eite tungah siatna hong tung lo ding a, gal ahi zongin kial ahi zongin i thuak kei ding hi.

Gade chapit la Kopi

Tedim Bible Revision 2017

12 “Amaute in Topa hong nial uh a, ‘Amah in bangmah hih lo ding hi. Eite tungah siatna hong tung lo dinga, gal ahi zongin kial ahi zongin i thuak kei ding hi.

Gade chapit la Kopi




Jeremiah 5:12
25 Referans Kwoze  

Ahih hangin a mite tungah Topa a heh ciang dong, a hehna a kidamsak zawh nawn loh ciang dongin amaute in Pasian’ kamtaite zahpihin, a thute simmawhin, a kamsangte thusim lo niloh uh hi.


A bawngte in Bethshemesh khua zuanin a paitoh leh siatna lianpi hong bawl pa pen amah hi ding hi. Ahih hangin a paitoh kei leh eite hong susia pa amah hi lo a, eite tungah a piang mawkmawk hi, ci-in i thei ding hi,” a ci uh hi.


Tua ahih manin Pasian’ Tapa a um mi peuhmah in Pasian’ teci panna a sang ahi hi. Ahi zongin Pasian’ thugen a um lo mi peuhmah in ama Tapa thu teci pangin a gennate a um lo uh ahih manin Pasian pen zuaugen a suaksak ahi uh hi.


Khuapi ukte in sumgolh ngahtheihna ding ngaihsutna bek tawh thu khen a, siampite in sum ngahtheihna ding ngaihsutna bek tawh thu gen a, kamsangte in zong sum ngahtheihna ding ngaihsutna bek mah tawh mailam thu genkhol uh hi. Tua bang hinapi-in amaute in Topa, muanin nei uh a, “Topa in eite hong ompih a, eite tungah siatna hong tung lo ding hi,” a ci uh hi.


Zuau genin khemna tawh thu gen kawikawi a, “Note a dingin leenggahzu le khamtheihzu tampi tak hong om ding hi,” a hong ci kamsangte pawl, note’ deih kamsangte ahi hi.


Amaute’ maangmuhnate zuaupi hi a, a thugen kholhnate uh zong zuauthu ahi hi. Keimah in amaute sawl lo napi-in amaute in, ‘Topa in hih bangin ci hi,’ ci khem uh hi. Tua bang hinapi-in amaute’ thugente ka tunsak ding a lamen lai uh hi.


Jehoiakim’ tapa Judah kumpi Jehoiakhin le Judah gam panin Babylon-ah salin a paite khempeuh zong hih munah ka lakik ding hi, Topa in hong ci hi. Bang hang hiam cih leh Babylon kumpipa’ vangliatna ka susia ding hi, ci hi,” a hong ci hi.


Kamsangte in thuman gen lo uh a, siampite in zong amau’ ut bangun a uk uh hi. Ka mite in phamawh sa lo sawnsawn uh hi. A tawpna hun hong tun ciangin bang cih ding uh ahi hiam, Topa in ci hi, ci-in gen in,” hong ci hi.


Tua ciangin keimah in, “Ah, Topa Pasian aw, nangmah in hih mite le Jerusalem khuamite khem cih takin na khem khinzo hi. Bang hang hiam cih leh amau kiangah, ‘Nopna hong om ding hi,’ ci napi-in, amau a sunlum dingin namsau khat a om gige hi,” ka ci hi.


A lungsim sungah, “Kiling ngei kei ning; khang tawntungin kamsiatna tuak kei ning,” ci-in a ngaihsun hi.


Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.


Gamdang pasian zuaute’ lakah guah a zusak thei om ahi hiam? Tua ahih kei leh zong vantungmi in ama thu-in guah zu tawmsak thei ahi hiam? Tua bang a hih thei nang bek hi lo na hi hiam? Topa kote’ Pasian aw, nangmah in tuate khempeuh hih na hih manin nangma sungah lametna kong nei uh hi.


Topa Pasian in mi khempeuh kiangah a hong sawl hih thuteng ka gen khit ciangin


Mihaite in a lungsim sung uhah, “Pasian om lo hi,” ci-in ngaihsun uh hi. Amaute sia uh a, kihhuai gamtat uh a, a hoihin a gamta kuamah om lo hi.


Amaute in, ‘Egypt gam panin eite hong paikhiatpihin sehnel lak le dum lak, lei keu lak le a lauhuai khuamial bekbak lak, kuama pai ngei lohna mun, kuama ten lohna gamlakah a hong makaih Topa koi-ah om ahi hiam?’ ci beek lo uh hi.


Amaute in ka mite’ thuaknate thupi simsak lo uh a, hoihna om keei lopi, ‘Hoih hi, hoih hi,’ ci mawkmawk uh hi.


Swiv nou:

Piblisite


Piblisite