Jeremiah 49:7 - Tedim Bible

⁷ Edom gam tawh kisai-in Vanglian Topa in a genin-ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh beita ahi hiam?

Tedim Bible Revision 2017

⁷ Edom gam tawh kisai-in Vanglian Topa in a genin ah: “Teman gamah a pil om nawn lo ahi hiam? Thu ngaihsut siamte in ngaihsun thei nawn loin a pilna uh bei ta ahi hiam?

Jeremiah 49:7 Referans Kwoze

Jeremiah 49:20

Ka mai-ah kua kumpi hong ding ngam ding ahi hiam? Tua ahih manin Edom mite’ thuak ding le Teman gam a teng mite’ gim nadingin Topa’ geelna le ngimnate ngai dih un. A ta ngeekte nangawn uh kikaikhia ding hi. Mi khempeuh lau taktak ding uh hi.

Jeremiah 25:21

Edom, Moab, le Ammon mite;

Piancilna 36:15

Esau’ suante hih bang ahi hi. Esau’ ta masa Elifaz’ tate: Teman, Omar, Zefo, Kenaz,

Piancilna 25:30

Esau in Jakob kiangah, “Gilkialin phukhong vei ka hih manin tua na meh san tawmkhat hong nesak in,” a ci hi. (Tua ahih manin ama min Edom kici hi.)

JOB (Job) 2:11

Job’ lawmte thum, Teman khuami Elifaz, Shuah gammi Bildad, le Naamah gammi Zofar-te in Job in a thuak gimna thu teng a zak uh ciangin a inn ciat panun amah a hehnem ding le a hanthawn dingin kituahin hong paikhawm uh hi.

Piancilna 36:11

Elifaz’ tapate: Teman, Omar, Zefo, Gatam, le Kenaz ahi hi.

Habakkuk 3:3

Teman khua panin Pasian hong pai a, Paran Mual panin Siangtho Pa hong pai hi. Ama minthanna vang in vanpi tuam a, leitung khempeuh, amah phatna tawh kidim hi.

Joel 3:19

“Amaute in Judah gam simin, mawhnei lo mite that uh ahih manin, Egypt gam, sehnel gam suakin, Edom gam, gam sia suak ding hi.

Daniel 11:41

Amah in Thuciamna Gam zong sim ding a, mi tul tampi tak a that ding hi. Ahih hangin Edom gam, Moab gam, le Ammon gam sungah a omlai sunteng a suakta ding uh hi.

Jeremiah 25:9

en un, leilu lama om minam khempeuhte le ka nasempa ahi Babylon kumpipa Nebukhadnezzar ka vaikhak ding a, hih gam le a sunga a teng mi khempeuh le hih kiima om gam khempeuh a sim dingin ka va la ding hi. Keimah in amaute ka susia mangkhin ding a, amaute a tawntungin siacipin simmawhna ka thuaksak ding hi, ci-in Topa in kong gen hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Isaiah 29:14

Tua ahih ciangin en un, hih mite tungah a tumdang le a lamdang ahi a lamdang nate ka bawlkik ding hi. Amau’ mipilte’ pilna kisia ding a, amau’ thu mutheite’ thu muhtel theihna kiseel ding hi,” a ci hi.

Late 137:7

Topa aw, Jerusalem a siat hun lai-in Edom mite in, “Sumai un, sumai un! A bulpi dongin sumai un!” a cih vialna uh phawk in.

JOB (Job) 4:1

Tua ciangin Teman khuami Elifaz in thu hong gen a,

1 KHANG TANGTHU MASATE 1:53

Kenaz, Teman, Mibzar,

Thu-hilhkikna 23:7

“Edom mite khatpeuh na mudah kei ding uh hi. Bang hang hiam cih leh amaute na sanggam uh ahi hi. Egypt mi khatpeuh na mudah kei ding uh hi. Bang hang hiam cih leh amau’ gamah peemta na hi ngei uh hi.

Piancilna 36:34

Jobab si a, Teman mite’ gammi Husham in ama tangin a uk hi.

Piancilna 36:8

Tua ahih ciangin Seir mualtung gamah Esau teng hi. Esau’ min dang khat pen Edom ahi hi.

Piancilna 27:41

A pa in amah thupha pia khin ahih manin tua thupha hangin tu-in Esau in Jakob mudah a, Esau in, “Ka pa’ sihna hangin dah nading hun hong nai ta hi. Tua khit ciangin ka sanggampa Jakob ka that ding hi,” ci-in ngaihsun hi.

Piancilna 32:3

Jakob in Edom gam, Seir leitangah a om a sanggampa Esau kiangah kamtaite ma sawl a,

Jeremiah 8:9

Na mipilte uh maizum ding uh a, lungmangin a cih nading a thei kei ding uh hi. En un, amaute in Topa’ thu nial uh hi. Bang pilna nei nawn ahi uh hiam?

Jeremiah 12:14

Ka mi Israel-te’ luah dingin ka piak gamh a susia nuam a gilo a vengte tawh kisai-in Topa in ka cihin-ah, “En un, a gam uh panin amaute ka botkhia ding a, amau’ khutsung panin Judah mite ka suaktasak ding hi.

Jeremiah 25:23

Dedan, Tema, Buz khuapite; a sam uh a tommet khempeuhte;

Ezekiel 32:29

“Edom zong a kumpite le a gam ukte tawh tua lai mahah om hi. Amaute pen a thahat galkapte hi a, ahi zongin tu-in Pasian a thei loin galsung a a site lak, misite’ gam Leinuai-ah a lum uh hi.

Isaiah 21:11

Edom gam tawh kisai thu hih bangin gen hi: Seir mual tung panin khat in kei hong sam a, “Galvil pa aw, tuzan bangci hiam? Galvil pa aw, tuzan bangci hiam?” hong ci hi.

Kah la 4:21

Edom le Uz mite aw, tu-in nuinui mai unla, ahih theih laiteng kipak un. Bang hang hiam cih leh siatna hun hong tung ding a, a hong tun ciangin na guaktangun omin, maizumin na om ding uh hi.