Jeremiah 49:3 - Tedim Bible

³ Heshbon khuamite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Tedim Bible Revision 2017

³ Heshbon khua mite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Jeremiah 49:3 Referans Kwoze

Jeremiah 48:7

“Na hatnate uh le na neihsate uh na suan manun note zong hong kipai khiatpih ding hi. Na pasian uh Khemosh zong a siampi teng le a ulian teng tawh, kipai khiatpih ding hi.

Jeremiah 48:37

“Mi khempeuh in a lu uh mettol uh a, a khamul uh kiatsiang uh hi. A khutte uh kuikek uh a, a kawng uhah puanhampi a teng uh hi.

Isaiah 15:2

A sangna munte-ah a kap dingin Dibon khuamite paito uh hi. Nebo le Medeba khuate’ hangin Moab mite nakpitakin kap uh hi. Dahna limin lu khempeuh kimettol a, khamul khempeuh zong kimetmai hi.

Jeremiah 46:25

Vanglian Topa, Israel mite’ Pasian in, “En un: Keimah in Thebes khua-a Amon pasian le Faro kumpipa a kipan a pasian-te uh le a kumpite uh, Egypt kumpipa le amah a muang mi khempeuh tungah gimna ka tungsak ding hi.

Jeremiah 4:8

Tua ahih manin puanhampi silhin tau-in kap un. Bang hang hiam cih leh Topa’ hehna lauhuaipi eite’ kiang panin kiheikhia nai lo hi.

2 KUMPI NIHNATE 23:13

Tua ciangin Kumpi Solomon in Sidon mite’ kihhuaina Ashtoreth pasian a’ ding, le Moab-te’ kihhuaina Khemosh pasian a’ ding, le Ammon mite’ kihhuaina Milkom pasian a dingin a lam, Jerusalem nisuahna lam, Oliv Mual leitaw lama om mualtung a biaknate kumpipa in a susia hi.

1 KUMPI MASATE 11:33

Bang hang hiam cih leh amah in kei hong nusia a, Sidon mite’ nusian Ashtoreth, Moab pasian Khemosh, le Ammon mite’ pasian Milkom bia-in, a pa David bangin keima muhna-ah a manin gamtatna le ka thukhamte le ka ngeina kipte zui loin ka thu hong nial hi.

1 KUMPI MASATE 11:5

Bang hang hiam cih leh Sidon mite’ nusian Ashtoreth, le Ammon mite a’ ahi a kihhuai Milkom, Solomon in bia hi.

Jeim 5:1

A haute aw, tu-in ka thugen hong ngai dih un. Note tungah a hong tung ding lungkhamna hangin kapin thum un.

Zefaniah 1:5

Innkhum zangah kahto-in, ni, kha, le aksi a bia mi khempeuh ka susia ding a, keimah hong bia-in, keima tungah thuman ding gen napi-in, Milkom pasian’ min tawh a kiciam teiteite zong, ka susia ding hi.

Amos 1:15

A kumpipa uhleh a uliante uh salin kiman ding hi.

Jeremiah 51:8

Thakhat thu-in Babylon puk a, kisiagawp hi. Ama a dingin kap un. A liammate a dingin zatui la un, damzo khathei lai ding hi.

Jeremiah 49:1

Ammon mite tawh kisai-in Topa in a genin-ah: “Israel mite in tapa nei lo ahi uh hiam? Innluah ding nei lo ahi uh hiam? Bang hangin Milkom pasian biate in Gad gam la-in a khuapite sungah teng ahi uh hiam?

Jeremiah 48:20

Moab gam kisia khinzo a, zumhuaina thuak khinzo hi. Thum unla kah un! Arnon gun dungah, Moab gam kisiatna thu va gen un.

Jeremiah 48:2

Moab gam a minthanna beita hi. Heshbon khua-ah a galte un a simna ding uh vaihawm uh a, ‘Hong pai un, Moab gam i beimangsak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Jeremiah 6:26

Topa in, “Ka mite’ tanu aw, puanhampi silh inla, vut lakah kikhuk in. Tapa khat neihsun a si bangin kap vangvang in. Bang hang hiam cih leh a hong susia ding pa thakhatin hong tung ding hi.

Isaiah 23:6

Tuipi gei-a teng mite aw, Tarshish khua-ah tai-in kap un!

Isaiah 23:1

Taia khua tawh kisai thu hih bangin gen hi: Tarshish teembaw hawlte aw, Taia khua kisia a, inn le khawlmunte om nawn lo ahih manin kap un! Saipras gam panin amaute in hih thu hong za uh hi.

Isaiah 16:7

Tua ahih ciangin a thuakna uh hangin Moab mite kap hen la, mi khempeuh zong Moab mite’ hangin kap ta uh hen. Nakpi takin gimna a thuak laitakun Kirhareseth khua-ah a anlim nekte uh a phawkkhak uh ciangin khasia-in a kap uh hi.

Isaiah 14:31

“Filistia khuapi kongpite aw, nakpitakin kap un; khuapite aw, kiko un. Filistia mi khempeuh aw, lau-in ling un! Bang hang hiam cih leh leilu lam panin galkap honte’ hong paina leivui khu hong kitung a, tua galkapte a meidawi khat beek om lo hi,” hong ci hi.

Isaiah 13:6

Topa’ ni hong naita ahih manin nakpitakin kap un. Vanglianpa’ kiang panin suksiatna hong tung ta ding hi.

Joshua 8:28

Tua ahih ciangin Joshua in Ai hal a, tuni donga a om mah bangin nin khol napi khatin piangsak den hi.

Joshua 7:2

Joshua in Jerikho panin Bethel nisuahna lam Bethaven gei-a om Ai khua-ah mi sawlin amaute kiangah, “Paito unla a gam va en un,” a ci hi. Tua mite paito-in Ai khua va ensim uh hi.

Joshua 8:1

Tua ciangin Topa in Joshua kiangah, “Lau kei inla lungkia kei in. Galkap khempeuh nang kiangah la inla, kithawi-in Ai-ah paito in. Nangma khut sungah Ai kumpipa le a mite, a khuapi, le a leitang kong piak khitna thei in.

2 SAMUEL NIHNA 11:1

Galdo dingin kumpite a kuankhiat hun tua kum phalbi sungin David in Joab, le amah tawh a om a nasemte, le Israel-te khempeuh sawl a, amaute in Ammon mite sugawpin Rabbah khua umcih uh hi. Ahih hangin David Jerusalem-ah om hi.

Ezra 2:28

Bethel khua le Ai khuami - zanih sawmnih le thum ahi hi.