Jeremiah 49:23 - Tedim Bible

²³ Damaskas khua tawh kisai-in Vanglian Topa in a genin-ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Tedim Bible Revision 2017

²³ Damaskas khua tawh kisai-in Vanglian Topa in a genin ah: “Hamath khua le Arpad khuate in thusia za uh ahih manin lungmangin a om uh hi. Tuipi dai thei lo bangin a launa uh dai thei lo hi.

Jeremiah 49:23 Referans Kwoze

Isaiah 10:9

Kalno khuapi pen Karkhemish khuapi tawh kibang hi lo ahi hiam? Hamath khuapi pen Arpad khuapi tawh kibang hi lo ahi hiam? Samaria khuapi pen Damaskas khuapi tawh kibang hi lo ahi hiam?

2 KUMPI NIHNATE 18:34

Hamath le Arpad’ pasian-te koi-ah om ahi uh hiam? Sefarvaim, Hena, le Ivvah pasian-te koi-ah om ahi uh hiam? Keima khutsung panin amaute in Samaria a honkhiazo uh hiam?

Isaiah 57:20

Ahih hangin migilote pen a kilok tui tawh kibang uh hi. Bang hang hiam cih leh tuipi khawlcip thei lo a, a tuite in buan le ninte laamto uh hi.

Piancilna 14:15

Amah in zan hunin ama pawlte, amah le a nasemte, amaute a do dingin khenin amaute zo a, Damaskas leilu lam Hobah ciang dong a delh uh hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte ling kelkel a, mi khempeuh lunggimin a mai-ah sisan teng lo hi.

2 KUMPI NIHNATE 19:13

Hamath kumpipa, Arpad kumpipa, Sefarvaim khuapi kumpipa, Hena kumpipa, ahih kei leh Ivvah kumpipa koi-ah om ahi uh hiam, ci hi,’ ci un,” a ci hi.

Gamlak-vakna 13:21

Tua ahih ciangin amaute paito-in Zin gamlak panin Hamath khua lutna gei, Rehob mun dong gam a vaan uh hi.

Piancilna 15:2

Ahih hangin Abram in, “Topa Pasian aw, bang hong pia ding na hi hiam? Ta nei loin ka omlai hi. Ka inn a luah ding pa pen Damaskas mi Eliezer ahi hi.

2 KORIN NIHNA 11:32

Damaskas khuapi sungah ka om laitakin Kumpi Aretas khutnuai-a gam ukpa in kei hong mattheih nadingin Damaskas khuakulh kongpi cingsak a,

Sawltak 27:20

Ni tampi sung ni ahi a, aksi ahi zongin mu loin huihpi nakpitakin hong nung tawntung ahih manin suahtak zawh nading lametna peuhmah om nawn lo hi.

Sawltak 9:2

Topa’ thu a zui mi numei pasal a muh peuhpeuh manin Jerusalem khua-ah a ciahpih theih nadingin Damaskas khua-a Jew mi kikhopna inn ukte kiangah a lah dingin lai a ngen hi.

Amos 6:2

Kalneh khua-ah pai unla limtakin va en un. Tua ciangin Hamath khuapi lian ah va paisuak unla, Filistia-te’ khuapi Gath khua dong va paisuk un. Judah le Israel kumpi gamte sangin hoihzaw tuan a, amaute’ gam pen note’ gam sangin lianzaw tuan ahi hiam?

Isaiah 37:13

Hamath kumpipa, Arpad kumpipa, Sefarvaim khuapi kumpipa, Hena kumpipa ahih kei leh Ivvah kumpipate koi-ah om ahi hiam?’ va ci un,” ci-in a gen hi.

Isaiah 13:7

Tua ahih ciangin khut khempeuh zaw-in, mi khempeuh’ lungsim tuisuak ding a, amaute lungkia ding uh hi.

Isaiah 11:11

Tua ni ciangin Topa in Assiria gam, Egypt gam, Pathros gam, Ethiopia gam, Elam gam, Shinar gam, Hamath gam, le tuipi gei-a gamte panin ama mi a omlaite a ngahkik nadingin a vangliatna zang kik ding hi.

2 KHANG TANGTHU NIHNATE 16:2

Tua ahih ciangin Asa in Topa’ biakinn le kumpipa’ inn-a vanmanpha koihnate panin ngun le kham la-in, Damaskas-ah a teng Syria kumpipa Benhadad kiangah tuate puakin,

2 KUMPI NIHNATE 17:24

Tua ciangin Assiria kumpipa in Babylon, Kuthah, Avva, Hamath, le Sefarvaim panin mite paipih a, Israel mite’ tangin Samaria khuapite-ah amaute a koih hi. Amaute in Samaria gam luahin a khuapite-ah teng uh hi.

1 KUMPI MASATE 11:24

Amah in ama kiimah mi khawmin mite’ na a sut pawl a makai a suak hi. Amaute Damaskas-ah pai-in tua lai munah teng uh a, Damaskas-ah amah kumpi-in bawl uh hi.

2 SAMUEL NIHNA 17:10

Tua ciangin a lungtang humpinelkai lungtang a bang galhang mipa nangawn launa tawh lungkia gawp ding hi; bang hang hiam cih leh Israel-te khempeuh in na pa mi thahat ahihna le amah tawh a om mite mi hang ahihna thei uh hi.

2 SAMUEL NIHNA 8:9

Hamath kumpipa Toi in David in Hadadezer’ galkap buppi a zawhna thu a zak ciangin,

Joshua 14:8

Ahih hangin kei tawh hong paito khawm ka sanggamte in mite lungkiasak uh a, ahi zongin keimah in lungsim tak tawh Topa ka Pasian ka zui hi.

Joshua 2:11

Tua thu ka zak phetun ka lungsim uh bei a, note’ hangin mite’ lungsimah hanna bei hi; bang hang hiam cih leh Topa na Pasian uh, tunga om vantung le nuai-a om leitungah Pasian ahi hi.

Thu-hilhkikna 20:8

“Uliante in mite kiangah thu genthuah lai-in, ‘A lau, a lungsim meidawi kua om na hi uh hiam? A lawmte meidawilawh kha ding ahih manin a inn-ah ciahkik hen,’ ci ding uh hi.

Paikhiatna 15:15

Tu-in Edom ukpite lungkia uh a, Moab makaite, lingcip uh hi. Kanaan-ah a teng mi khempeuh a hanna uh beita hi.

2 KUMPI NIHNATE 5:12

Israel tuite khempeuh sangin Damaskas gam a om Abana le Farpar gun tuite hoihzaw hi lo ahi hiam? Tuate’ sungah kisilin siang thei lo ding ka hi hiam?” a ci hi. Tua ahih ciangin amah kihei-in paikhia hi.

Isaiah 7:8

Bang hang hiam cih leh Syria’ lutang, Damaskas khuapi hi a, Damaskas’ lutang, Rezin ahi hi. (Kum sawmguk le kum nga sungin minam ahizo nawn lo zah dongin Efraim kitamzan gawp ding hi.)

Isaiah 36:19

Hamath gam le Arpad gam pasian-te koi-ah om ahi hiam? Sefarvaim gam pasian-te koi-ah om ahi hiam? Amaute in ka khutsung panin Samaria honkhiazo ahi hiam?

Jeremiah 39:5

Ahih hangin Babylon galkapte in nungdelh uh a, Jerikho zanglei-ah Zedekiah a pha uh hi. A mat khit uh ciangin Hamath gam Riblah khua-ah, Babylon kumpipa Nebukhadnezzar’ kiangah paipih uh a, amah in thukhenna a pia hi.

Ezekiel 27:18

Damaskas khuapi in zong na vante tampi tak hong lei a, a man dingin Helbon gam a piang leenggahzu, tuumul kang, a kihuansa sik, taksing, le thalsingte hong pia hi.