Jeremiah 49:11 - Tedim Bible

¹¹ A tagah na tate uh ka kiangah hong koih un; ke’n amaute ka kem ding hi. Na meigong numeite uh zong kei hong muangsak un.

Tedim Bible Revision 2017

¹¹ A tagah na tate uh ka kiangah hong koih un; keʼn amaute ka kem ding hi. Na meigong numeite uh zong kei hong muangsak un.

Jeremiah 49:11 Referans Kwoze

Late 68:5

Pa nei lote’ pa le meigong numeite a hupa pen, a siangtho mahmah ama omna-ah a om Pasian ahi hi.

Jeim 1:27

Pa Pasian in a siangtho biakna citakin a ngaihsut thu in: Tagahte le meigong numeite a haksatna uhah hoihtakin kemin, leitung siatnate tawh kisawhkha loin siangtho takin omna ahi hi.

Hosea 14:3

Assiria mite in hong honkhiazo ngei lo ding a, sakol galkapte in zong hong huzo ngei lo ding uh hi. Kote’ bawlsa milimte pen Pasian hi, ka ci nawn kei ding uh hi. A cimawh mite in nangma tung panin hehpihna a ngah lamtak uh ka thei uh hi,” ci-in thu ngen un.

1 TIMOTI MASA 5:5

A kem a khoi ding a om lo meigong taktak ahi numeite in Pasian bek mah muan le suanin nei-in, a sun a zanin Pasian’ huh ding deihin thu ngen tawntung uh hi.

Malakhi 3:5

Vanglian Topa in hih bangin ci hi: “Note tungah thukhen dingin ka hong pai ding hi; ai tawite, numei tawh a mawhte, a man lopi a teci pangte, numeite’ thaman piakna-ah khemna a zangte; meigong, tagah, le gamdang mite a zawhthawh bawlte, le kei hong zahtak lo mi khempeuhte’ langkhatah thakhatin teci pangin thu ka khen ding hi.

Jonah 4:11

Tua ahihleh keimah in ganhing tampi tham lo, a taklam khut le a veilam khut nangawn a khenthei nai lo naupang tul za le tul sawmnih sangin a tamzawte’ tenna, a lian mahmah Nineveh khuapi pammaih sa lo ding ka hi hiam?” ci-in a dawngkik hi.

Late 146:9

Topa in peemtate kem a, meigong numeite le pa nei lote a huh hi. Ahih hangin amah in migilote’ vaihawmna a suksiatsak hi.

Late 82:3

A ginalo mite le pa a nei lo mite tungah thuman unla, a thuakte le a cimawhte’ thu a manin khen un.

Thu-hilhkikna 10:18

Amah in pa nei lote le meigong numeite a dingin thutang semin, peemtate itin an le puan a pia hi.

Zekhariah 7:10

note lakah a om meigong, tagah, gamdang mite, ahih kei leh mizawngte gim pia loin, khatlekhat kiliatsakna ding na ngaihsut lohna ding uh thu ka hong piazo hi,” a ci hi.