Jeremiah 48:36 - Tedim Bible

³⁶ Tua ahih manin Moab a dingin ka kap a, Kirheres khua mite a dingin misi vuina tamngai kitum bangin ka kapkhia hi. Bang hang hiam cih leh a neih a lam khempeuh uh kisiamang khinta hi.

Tedim Bible Revision 2017

³⁶ Tua ahih manin Moab adingin ka kap a, Kirheres khua mite adingin misi vuina tamngai kitum bangin ka kap khia hi. Bang hang hiam cih leh a neih a lam khempeuh uh kisia mang khinta hi.

Jeremiah 48:36 Referans Kwoze

Isaiah 15:7

Tua ahih ciangin amaute in a ngahsa uh le a kholsa uh na tampite pua-in Gialhek Lui-ah a paipih uh hi.

Isaiah 16:11

Tua ahih ciangin Moab gam hangin laiza lasakna bangin ka lungsim kisat gaihgaih a, Kirhareseth khuapi hangin kei mahmah zong ka kisat gaihgaih hi.

Isaiah 15:5

Moab gam adingin ka lungsim kiko hi. A galtai ama mite Zoar khua le Eglathshelishiah khuate-ah a tai uh hi. Bang hang hiam cih leh Luhith lampi-ah amaute a kapsa-in paito uh hi. Horonaim khua zuatna lampi-ah amaute in siatna a thuakna uh hangin nakpi-in kiko uh hi.

Jeremiah 17:11

Thuman lopi tawh a hau mi pen ama tui lopi a keuhsak dingin a opsim vasa tawh kibang hi. A khanlai-in a neihsa teng taan ding a, a tawpna-ah mihaipi a suak ding hi.

Jeremiah 4:19

Aw, ka lungtang, ka lungtang! Na ka sa mahmah hi. Ka lungtang kisai vanvan a, ka om hithiat thei kei hi; bang hang hiam cih leh peengkul mutna aw, gal kisimna aw ka za hi.

Isaiah 63:15

A siangtho, a minthang, nangma omna vantung panin hong ensuk inla hong mu in. Nangma deihsakna le na vangliatna koi-ah omta ahi hiam? Na lungsim’ deihna le nangma hehpihna kote a dingin maimangta hi.

Paunak 18:11

Khuapi kiima kulhpi in amah a hut bangin a hauhna in amah a hu dingin mihau pa in ngaihsunkha hi.

Paunak 13:22

Midikte in a tu a tate’ luah ding gamh nei uh a, mawhneite’ neihsate ahihleh midikte a’ ding hi lel hi.

Paunak 11:4

Hauhna in sih nading panin hong hu thei lo a, thumanna in na sih ding hong hu thei hi.

2 KUMPI NIHNATE 3:25

Tua ciangin amaute in khuapite lawnthal uh a, a suang in a khuhcip dongin leitang tung khempeuhah mi khempeuh in suang lawn uh hi. Amaute in tuinak khempeuh khakcip uh a, singkung hoih khempeuh phuk uh hi. Kirhareseth-ah a suangtumte bek a om dongin suanglotna a tawite in umcihin vatgawp uh hi.

Jeremiah 48:31

Tua ahih manin Moab a dingin ka tau hi. Moab gammi khempeuh a dingin ka kap a, Kirheres khua a dingin zong ka thum hi.