Jeremiah 48:2 - Tedim Bible

² Moab gam a minthanna beita hi. Heshbon khua-ah a galte un a simna ding uh vaihawm uh a, ‘Hong pai un, Moab gam i beimangsak ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nungdelh ding hi.

Tedim Bible Revision 2017

² Moab gam a minthanna bei ta hi. Heshbon khua ah a galte un a simna ding uh vaihawm uh a, ‘Hong pai un, Moab gam i beisak mang ding hi,’ a ci uh hi. Madmen khua aw, nang zong na gamdai ta ding hi. Namsau in nang hong nung delh ding hi.

Jeremiah 48:2 Referans Kwoze

Jeremiah 31:36

Amah in, “Topa in kong cihin-ah, hih a kip mahmah leitung le vantung ngeinate a kikheel hun ciang bekin, Israel mite’ suanlekhakte in gam nei loin a om pan bek ding uh hi,” a ci hi.

Isaiah 16:14

Ahih hangin tu-in Topa in, “Nasem dingin a kicial kum hunte sung bangin, kum thum sungin, ama mihon tampite om taseleh Moab’ minthanna in simmawhna thuak ding a, a suakta lai mite pen tawm mahmahin, thaneem ding uh hi,” a ci hi.

Gamlak-vakna 32:37

Reuben minamte in Heshbon, Elealeh, Kiriathaim,

Jeremiah 49:3

Heshbon khuamite aw, kap un! Ai khua kisia khinta! Rabbah khua numeite aw, kap un! Puanhampi silh unla kap un. Khua lakah lung-amin kawi taitai un. Bang hang hiam cih leh na Milkom pasian uh le a siampite le a uliante hong kilak khiatsak ding hi.

Jeremiah 48:45

A bahgawp galtaite in Heshbon khua hong beel uh hi. Ahih hangin Sihon kumpipa a maanna ngei Heshbon khua panin meikuang hong kipankhia veve hi. Gal a simnuam mite’ tenna Moab gam, a gammong dongin mualsangte zong a kangtum hi.

Jeremiah 48:42

Moab kisusia ding a, a minamin a om nawn kei ding hi. Bang hang hiam cih leh Topa demin a kiliansak uh hi.

Jeremiah 48:17

“A kiima tengte le a min a thei mite aw, Moab gam kah un. ‘A minthanna bei khinta a, a vangliatna kumpi ciangkhut kitan ta hi,’ ci un.

Jeremiah 46:28

Topa in kong cihin-ah, ka nasem Jakob’ suante aw, lau kei un. Bang hang hiam cih leh note kong ompih hi. Note ka hong thehthangna gamte khempeuh ka susia khin ding a, ahih hangin note kong susia khin kei ding hi. A kilawm zahin kong thuhilh ding a, gim pia loin kong mawk koih kei ding hi,” a hong ci hi.

Jeremiah 33:24

“Hih mite in, Topa in a teelsa Israel le Judah minam tegel a nusia ta hi, ci-in a gen uh thei kha lo na hi hiam? Tua bangin amaute in ka mite simmawh uh a, amau’ muhna-ah minam khatin a sim nawn kei uh hi.

Jeremiah 25:17

Tua ahih manin kei zong Topa’ khuttung panin tua hai ka la a, Topa’ hong sawlna gamte khempeuh ka dawnsak hi.

Jeremiah 25:15

Topa, Israel mite’ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Isaiah 25:10

Bang hang hiam cih leh Topa in hih Zion Mual hu ding a, ahi zongin Moab mite ahihleh ninkholna dum sungah buhkungte a kisikcip bangin kisikcip gawp ding hi.

Isaiah 15:5

Moab gam adingin ka lungsim kiko hi. A galtai ama mite Zoar khua le Eglathshelishiah khuate-ah a tai uh hi. Bang hang hiam cih leh Luhith lampi-ah amaute a kapsa-in paito uh hi. Horonaim khua zuatna lampi-ah amaute in siatna a thuakna uh hangin nakpi-in kiko uh hi.

Isaiah 15:1

Moab gam tawh kisai thu: Zan khat thu-in Ar khua kisiasak ahih manin Moab gam a bei hi. Zan khat thu-in Kir khua kisiasak ahih manin Moab gam a beita ahi hi.

Jeremiah 49:37

Amaute a that nuam, a galte uh mai-ah Elam mite ka lausak ding hi. Amaute ka thahsiang mateng namsau ka nungdelhsak ding hi.