Jeremiah 48:11 - Tedim Bible

¹¹ Moab gam a neu lai a kipanin nuamtakin a om den ahi hi. Gamdangah kipaikhiatpih ngei lo a, thawl khat pan thawl khatah a kitei kawikawi leenggahzu tawh kibang lo hi. A limna kilamdang ngei lo a, a gimnam zong kikheel ngei lo hi.

Tedim Bible Revision 2017

¹¹ Moab gam a neu lai a kipanin nuam takin a om den ahi hi. Gam dangah kipaikhiat pih ngei lo a, thawl khat pan thawl khat ah a kitei kawikawi leenggahzu tawh kibang lo hi. A limna kilamdang ngei lo a, a gimnam zong kikheel ngei lo hi.

Jeremiah 48:11 Referans Kwoze

Zefaniah 1:12

“Tua laitakin Jerusalem khuasung meivak tawh ka zong ding a, thuphawk loin, a ngeina bangun omcip a, ‘Topa in a pha hitaleh a sia hitaleh bangmah bawl ngei lo hi,’ a ci mite, gim ka pia ding hi.

Zekhariah 1:15

Tua bangin nuamtakin a om hithiat minamte tungah ka heh mahmah hi. Ka mite tungah ka hehna ki-ip tentanin ka om laitakin, hih minam dangte in ka mite’ gimna nasiasak semsem uh hi.

Nahum 2:2

(Israel mite, a galte’ sukgawp ma, a nidang ngeina bangun Topa in a omsakkik ding a kipan ahi hi.)

Jeremiah 48:29

Moab’ kiphatsakna ka za khinzo a, kiphasak pha mahmah hi. Kiliansakin kisathei a, kuamah thusim loin mite a neu-et hi.

Isaiah 24:3

Leitung kihawmsuak sakin kisiacip ding hi. Bang hang hiam cih leh Topa in hih thu gen khinzo hi.

Isaiah 16:6

Tua ciangin Judah mite in, “Moab’ kiphatsakna thu i za khinta hi. Amah kiphasak mahmah hi. A kiliatsakna, a kiphatsakna, a kihihsakna, ama kisialhnate khempeuh a mawkna ahi hi,” a ci uh hi.

Late 123:4

A ututin a gamta mite in kote a hong zahkona, a kiphasak mite in hong simmawh bawlna hangin ka gimthuakna uh sauvei lua khinta hi.

Late 55:19

Tanglai pek panin kumpi-in a kikoih Pasian in za-in amaute niamkhiat ding hi. Bang hang hiam cih leh amaute in thukham zui lo uh a, Pasian zahtak lo uh hi.

Jeremiah 51:34

“Babylon kumpipa Nebukhadnezzar in Jerusalem khua hong valhtumin, hong sukham gawp hi. Beel hawm bangin a hawmin hong koih a, gulpi’ valh bangin hong nawmvalh hi. Ka neihsa a limnono tawh amah kivak kham a, kei a hong hawlkhia hi.

Isaiah 25:6

Vanglian Topa in hih mual tungah mi khempeuh a dingin anlim nekna pawi, a ciil mahmah leenggahzu nekna pawi, guhngek tawh a kidim an nekna, a siangtho leenggahzu ciil nekna pawi bawl ding hi.

Paunak 1:32

Bang hang hiam cih leh thu thei lote in pilna a don loh manun sihlawh uh a, mihaite in lunghihmawhna a neih loh manun siatlawh uh hi.

Nahum 2:10

Nineveh khuapi kisusia a, kinusiacipin gamkhing suak hi. Launa lungsim tawh kidimin khukte ling kelkel a, mi khempeuh lunggimin a mai-ah sisan teng lo hi.

Jeremiah 22:21

Na daupai laitakun kong hopih hangin na hong ngai nuam kei uh hi. Na neu tung uh a kipan nong tuacih ngitnget uh a, keima thu nong mang ngei kei uh hi.

Jeremiah 48:12

“Tua ahih manin en un, Topa in kong cihin-ah, Moab mite leenggahzu buak bangin a buakhia ding mi kong paisak hun hong tung ding hi. Amaute in a thawl a hawm dong bungkhia-in, tua khit ciangin a thawl sukhamzan ding uh hi.