Jeremiah 47:5 - Tedim Bible

⁵ Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei noleno kisuliam ding na hi uh hiam?

Tedim Bible Revision 2017

⁵ Gaza khuate maizum ta uh a, Ashkelon khua kisia ta hi. Aw, no Anak mi a omlaite aw, bang tanvei no le no kisu liam ding na hi uh hiam?

Jeremiah 47:5 Referans Kwoze

Jeremiah 48:37

“Mi khempeuh in a lu uh mettol uh a, a khamul uh kiatsiang uh hi. A khutte uh kuikek uh a, a kawng uhah puanhampi a teng uh hi.

Jeremiah 25:20

Egypt mite le amau’ lakah a teng gamdang mite khempeuh; Uz gam sunga kumpite khempeuh le Filistia gam sunga om Ashkelon, Gaza, Ekron khuapite, le Ashdod khuapi-ah a omlai sunte’ kumpite khempeuh;

Micah 1:16

Judah mite aw, na it mahmah na tate uh, sal a suak dingin hong kilaksak ding ahih manin, amaute’ hangin na dahna limun na sam uh met unla, musane bangin na lu uh tolsak un.

Jeremiah 41:5

Shekhem, Shiloh, le Samaria khuate panin mi sawmgiat hong pai uh hi. Amaute in a khamul uh metin a puan uh balkekin, a pumpi uh a kikui gawpsa-in Topa’ biakinn-ah an tawh biakna le paknamtui tawh biakna a piak ding uh hong tawi khawm uh hi.

Marka 5:5

Sun le zanin han lak le mualtung tengah vak kawikawi a, awng gawpin, suang hiamte tawh amah a kikuiliam hi.

Ezekiel 25:16

Tua ahih ciangin Filistia mite simin ka beimangsakna ding thu a hong genkhia ta ka hi hi. Filistia Zanglei a a omlai mi khempeuh ka susiamang ding hi.

Ezekiel 7:18

Amaute in dahna limin puanhampi silh ding uh a, pumlingawp ding uh hi. A sam uh kimettolsak ding a, a mindai ding uh hi.

Jeremiah 47:4

Filistia mi khempeuh kisia-in, Taia le Sidon panin huhnate khaktanin, suksiat ding ni hong tungta hi. Bang hang hiam cih leh Topa keimah in Filistia mite le Kaftor tuipi gei-ah a omlaite ka susia ding hi.

Jeremiah 47:1

Faro kumpipa in Gaza khua a sim ma-in Filistia mite tawh kisai-in Topa in kei tungah thu hong gen hi.

Jeremiah 16:1

Topa in kei hong hopih a,

Isaiah 15:2

A sangna munte-ah a kap dingin Dibon khuamite paito uh hi. Nebo le Medeba khuate’ hangin Moab mite nakpitakin kap uh hi. Dahna limin lu khempeuh kimettol a, khamul khempeuh zong kimetmai hi.

1 KUMPI MASATE 18:28

Tua ciangin amaute a gingin kiko-in, amau’ ngeina bangin namsaute le sikzumte tawh, amaute tungah si a luan dongin ki-atin kisun uh hi.

Thukhente 1:18

Judah mite in zong Gaza le a gam, Ashkelon le a gam, le Ekron le a gamte a la uh hi.

Thu-hilhkikna 14:1

“Note pen Topa na Pasian uh mite na hi uh hi. Misite hangin note ki-atkeh loin, na sam uh zong na mettol kei ding uh hi.

Siampi Laibu 21:5

“Amaute in a lu uh mettol loin, amau’ khamul nawlhui zong kiat loin, a ci tung uh liamsak lo ding uh hi.

Siampi Laibu 19:28

Note in mi site’ hangin dahna limin na ci tung uh liamsak loin note’ tungah ciaptehna khat peuhpeuh zong na sun kei ding uh hi; kei pen Topa ka hi hi.

Jeremiah 16:6

Hih gamah miliante le mineute si ding uh a, kivui loin, amau’ hangin kuamah kap loin, kuamah in a pumpi uh kuiliam loin a sam uh zong a met kei ding uh hi.