Jeremiah 45:3 - Tedim Bible

³ Nangmah in, ‘Gimna thuak ing! Bang hang hiam cih leh Topa in ka dahna le ka natna hong behlap hi. Ka tautauna-in ka gim khinzo a, ka tawlnga thei kei hi,’ na ci hi.

Tedim Bible Revision 2017

³ Nangmah in, ‘Gimna thuak ing! Bang hang hiam cih leh Topa in ka dahna le ka natna hong behlap hi. Ka tautauna-in ka gim khinzo a, ka tawlnga thei kei hi,’ na ci hi.

Jeremiah 45:3 Referans Kwoze

Galati 6:9

Tua ahih manin na hoih sep ding cimtak kei ni. Lungkia loin i sep nakleh a hun ciangin thaman i ngah ding hi.

2 KORIN NIHNA 4:16

Tua thu hangin ka lungkia tuan kei uh hi. Kote’ leitung pumpi in damdamin muatlam ding a manawh ahi zongin ka kha nuntakna uh a nini-in thaksuak semsem hi.

2 KORIN NIHNA 4:1

Pasian in hong hehpihna tawh hih nasep hong pia ahih manin ka thaneem hetkei uh hi.

2 THESALONIKA NIHNA 3:13

Sanggamte aw, note in a hoihin gamtat ding na cimtak ngei het kei ta un.

Kah la 3:32

Dahna hong thuaksak thei ding a, ahih hangin eite a hong itna muanhuai-in kip tawntung hi.

Kah la 1:22

A gitlohna hangun amaute tungah thu khen in. Ka mawhna hangin gim nong piak mah bangin amaute zong gim pia in. Gimna ka thuak manin ka tautau a, ka lungsim a gim mahmah hi.

Kah la 1:13

Amah in vantung panin meikuang hong khiasuk a, ka sunglam a hong kang hi. Amah in thang hong siah a, awkin leilakah ka kipuk hi. Tua bangin natna ka thuak tawntung hi.

Jeremiah 9:1

Ka lutang tuikhuk hong hithei hen la, ka mitte khitui nak hong hithei leh ka mite’ kithahlupna hangin a sun a zanin ka kapkap ding hi.

Jeremiah 8:18

Ka dahna dam thei lo a, ka lungsim na mahmah hi.

Paunak 24:10

Haksatna na tuah ciangin na lung a kiat leh a ginalo mi na hi hi.

Late 120:5

Note lakah ka omkhak pen Meshek gam sungah tenkhak sangin haksazaw a, Kedar mite lakah tenkhak sangin siahuaizaw hi.

Late 69:3

Ka kikokona-in ka gim a, ka dang keuta hi. Ka Pasian ka ngakngakna-in ka mitte maang ta hi.

Late 42:7

Nangma tuizeu gingte khatlekhat kidawng uh a, dahna tuihualte in kei a hong tuum hi.

Late 27:13

A hingte’ gam sungah Topa’ hoihna a mu dingin kei ka ki-um hi.

Late 6:6

Ka tautauna-in ka gim hi. Zan sialin ka khitui in ka lupna tum a, ka kahkahna-in ka lupna kawt dikdek hi.

JOB (Job) 23:2

“Tu laitakin Pasian’ tungah a phun lo, a heh loin ka om thei kei a, thum loin ka om thei kei hi.

Jeremiah 45:2

“Baruk aw, Topa, Israel mite’ Pasian in nang hong hopih hi.

Late 6:7

Dahna hangin ka mit mial a, ka galte’ hong bawlna hangin ka mitzung zaw semsem hi.