Jeremiah 44:2 - Tedim Bible

² “Vanglian Topa, Israel mite’ Pasian in kong genin-ah: Note in Jerusalem khua le Judah gam khuapi khempeuh tungah ka tunsak gimna na muzo uh hi. En un, tuni-in tua khuate a siasa mahin omlai a, kuamah teng lo hi.

Tedim Bible Revision 2017

² “Vanglian Topa, Israel miteʼ Pasian in kong genin ah: Note in Jerusalem khua le Judah gam khuapi khempeuh tungah ka tunsak gimna na mu zo uh hi. En un, tu ni-in tua khuate a sia sa mahin om lai a, kuamah teeng lo hi.

Jeremiah 44:2 Referans Kwoze

Jeremiah 34:22

En un, Topa in kong cihin-ah, keimah in thu ka pia ding a, hih khuapi-ah hong paikik ding uh hi. Amaute in hih khuapi hong simin, hong la-in mei tawh hong halsak ding uh hi. Judah gam khuapite kuama’ ten lohna mun awng ka suaksak ding hi,” a hong ci hi.

Jeremiah 9:11

“Jerusalem khuapi ninkholna ka bangsak ding a, se-alte’ tenna mun ka suaksak ding hi. Judah gam khuapite gamlak ka suaksak ding a, kuamah teng nawn lo ding hi,” a ci hi.

Isaiah 6:11

Tua ciangin keimah in, “Topa aw, bang tanvei sawt ding ahi hiam?” ka ci hi. Amah in, “Khuapi-ah a teng kuamah om loin hawm suakin, innte-ah kuamah om loin, leitang pen gamkhing suak kiuhkeuhin,

Micah 3:12

Tua ahih manin note’ hangin lo khawh bangin Zion kikho-in, Jerusalem, nin kipaihna phualpi hong suak ding a, biakinn omna mual, gamlak a suak ding hi.

Jeremiah 4:7

Humpinelkai khat a bukna sawlkawm panin hong kuankhiazo a, gamte a susia ding pa hong paikhiazo hi. Na gam uh a kisiasak ding le na khuapite uhah kuamah a ten loh nadingin a susia dingin ama omna panin hong kuankhia khinzo hi.

Zekhariah 1:6

Ahi zongin ka nasem ahi kamsangte’ tungtawnin ka hilhkholhna le ka thupiaknate in note dongin hong sukhalo ding sa na hi uh hiam, ka ci hi. Tua ahih ciangin a tawpna-ah amaute kisik uh a, hih dinga ka lungsimah ka geelsa bangin amau’ gamtatna tawh kizui-in gim a pia ka hihna thu a phawk uh hi,’ ci in,” a ci hi.

Kah la 5:18

Zion mual gamdai ta a, kinusia khin ahih manin se-alte a kawi vak ta hi.

Kah la 1:16

Tua ahih manin ka mit pan khitui a dimletin a luang hi. Hong hehnem ding le a hong hanthawn ding kuamah om lo hi. Galte in hong zo khin a, ka mite a cimawh uh hi.

Kah la 1:1

Khatvei lai-in mi a dimtakin a tenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhte’ lak panin a thupi pen khuapi tu-in salin a kiman khinzo hi.

Jeremiah 44:22

Topa in na hoih lohnate uh le na bawl uh kihhuainate hangin note hong thuakzo nawn lo hi. Tua ahih manin tuni mahmahin zong na gam uh gamlak suakkhin a, mite’ kihamsiatna suakin kuamah teng nawn lo hi.

Jeremiah 25:11

Gam sung khempeuh kisia-in, gam simtham suak ding a, hih mite khempeuh kum sawmsagih sung Babylon kumpipa’ salin a om ding uh hi.

Jeremiah 7:34

Tua ciangin Judah gam khuapite le Jerusalem khua kongzing lakah gualnopna le lungdamna awte le zinei thakte le mothakte’ awte ka gingsak nawn kei ding hi; bang hang hiam cih leh tua mun kinusia ding hi.

Isaiah 24:12

Khuapi sungah gamkhinna bek om a, kongpite kisat khamin kisiamang khinta hi.

2 KUMPI NIHNATE 21:13

Keimah in Samaria le Ahab le ama suante gim ka piak bangin Jerusalem tungah gimna ka tungsak ding hi. Tua ciangin mi khat in pakan a nul bangin keimah in Jerusalem nulin ka lumlet ding hi.

Joshua 23:3

Note’ hangin Topa na Pasian un hih minam dangte khempeuh tungah a bawlnate na mu khin uh hi. Bang hang hiam cih leh note a dingin hong dosak pa pen Topa na Pasian uh ahi hi.

Thu-hilhkikna 29:2

Moses in Israel-te khempeuh samin amaute kiangah, “Egypt gam sung note’ mit muhah, Topa in Faro’ tung le ama nasemte khempeuh le ama gam khempeuhah a bawlna,

Siampi Laibu 26:43

Ahih hangin amaute in leitang nusia-in, amaute om loin gamkhingin a om sungteng leitang in a sabbath-te na ngah ding hi. Amaute in ka biakna ngeina kipte nialin, ka thukhamte mudah uh ahih manin, a mawhna uh a kipuahphat ding uh kisam hi.

Paikhiatna 19:4

Egypt mite tungah ka bawlna le muvanlai in a kha tawh a note a puak bangin note hong pua-in keima kiangah kong paipihna na mu khin uh hi.

Siampi Laibu 26:31

Keimah in na khuapite uh siasakin, na biakna munte uh gamkhing ka suaksak ding a, nomau’ hong biakna a gim namtuite ka diik kei ding hi.

Jeremiah 44:23

Note in paknamtui halin, Topa’ tungah mawh tham loin, Topa’ thu mang loin ama thukhamte, a ngeinate, le a hong thupiakte zui lo na hih manun tuni mahmahin zong hih gimna note tungah hong tung ahi hi,” ka ci hi.

Daniel 9:12

Na gensa bangin kote tung le ko hong ukte tungah na hong bawlzo hi. Leitung a om khuapi dang khatpeuh sangin Jerusalem khuapi a nasia zaw-in gim na pia hi.

Jeremiah 8:3

Hih a gilo minamte’ lakah a omlai sunteng in ka hawlkhiatna munah nuntak ding sangin sih ding a teelzaw ding uh hi, Vanglian Topa in kong ci hi.