Jeremiah 44:16 - Tedim Bible

¹⁶ “Topa’ mina nong gen thute kong mang kei ding uh hi.

Tedim Bible Revision 2017

¹⁶ “Topaʼ mina nong gen thute kong mang kei ding uh hi.

Jeremiah 44:16 Referans Kwoze

Luka 19:27

Tu-in, kumpi dingin kei a hong deih lo ka galte pen hih lai-ah hong paipih unla, keima muhna-ah that un,’ ci hi,” a ci hi.

Luka 19:14

Ahi zongin ama gammite in hih ulianpa mudah uh ahih manin ama nungah kamtai sawl uh a, ‘Ka kumpi dingun nang kong deih kei uh hi,’ cisak uh hi.

Daniel 3:15

Tua ahih ciangin tu-in peengkulte, tamngaite, laiza lasakna gingte, harp lasakna gingte, gawsem, le tumtheih dang a gingte na zak khit phet uh ciangin kunin milim na bia ding uh hi. Na biak kei uhleh thakhatin mei phualpi sungah hong kikhul ding ahih ciangin a hong honkhiazo ding pasian omin um na hi uh hiam?” a ci hi.

Jeremiah 38:4

Tua ciangin kumpipa’ uliante in kumpipa kiangah, “Hih mipa i thatlum ding hi. Bang hang hiam cih leh hih thute a gen manin hih khuapi sungah a omlai galkapte le mi khempeuhte lungkia sakin thazawsak hi. Hih mipa in i gam mite’ phattuamna ding zong loin a gim ngah nading uh a zongzaw ahi hi,” a ci uh hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 11:10

Ka thu a ngai nuam lo a pu a pate uh’ mawhna lamah kilehhei khinzo uh a, pasian dangte’ na a sem dingin a zui khinzo uh hi. Israel mite le Judah mite in a pu a pate uh tawh ka bawlsa uh thuciamna a palsat khinzo uh hi.

Jeremiah 11:8

Ahih hangin amaute in ka thu hong mang loin a bil uh hong ngat lo uh a, a gitlohna lungsim uh a zui tentan uh hi. Hih thuciamna a zuih ding uh thu ka piak hangin hong nial veve uh ahih manin tua sunga thute a vekpi-in ka tungsak ding hi,” hong ci hi.

Jeremiah 8:12

Hih a kihhuai nate a sep uh ciangin a maizum beek uh hiam? Maizum beek lo uh a, kisuangthei beek lo uh hi. Tua ahih manin a site lak mahah amau zong si ding uh a, gim ka piak ni ciangin a kilawnkhia ding uh hi, Topa in kong ci hi.

Jeremiah 8:6

Amau’ thugente ka ngaihsak a, kuamah in thuman gen lo uh hi. A gitlohna uh panin kuamah kisik lo a, ‘Bang hih ka hi hiam?’ ci lel uh hi. Sakol galsim ding a tai bangin amau’ tum ciatin a pai uh hi.

Isaiah 3:9

Amau’ maiput in amau’ langah teci pang hi. Sodom bangin amaute a langtangin gamta uh a, amaute in im lo uh hi. Amaute in gimna ngah ta hen! Bang hang hiam cih leh amaute in amau’ tung mahah siatna kitun uh hi.

Late 2:3

“Amau’ hong henna khaute sutat khia-in, amau’ khaute ei kiang panin paaikhia ni,” ci uh hi.

Paikhiatna 5:2

Ahih hangin Faro in, “Ama thu mangin Israel mite ka paisakna dingin Topa na cih uh kua ahi hiam? Topa na cih uh ka thei kei hi. Tua tham loin Israel-te ka paisak kei ding hi,” a ci hi.

1 SAMUEL MASA 8:19

Ahih hangin mite in Samuel’ thu ngai nuam lo uh hi. Amaute in, “Hilo! Kote’ tungah kumpi khat ka nei ding uh hi.

Paunak 1:24

Keimah in note hong samsam napi-in nong ngai nuam kei uh a, ka khut hong vanvan napi-in kuamah in nong thudon kei uh hi.

Jeremiah 13:10

Ka thu hong ngai nuam loin amau’ ngaihsutna bang bekin a pai tentan nuam, pasian dangte’ na a sem ding le a bia dingin a nung a zui hih migilote pen zattheih ding ahi nawn lo, hih dialkaih bang ahi ding uh hi.

Jeremiah 42:13

“Ahih hangin note in Topa na Pasian uh’ thu mang loin, ‘Hih gam sungah ka teng nawn kei ding uh hi.

Jeremiah 43:2

Hoshaiah’ tapa Azariah le Kareah’ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teng dingin pai kei un,’ ci-in a gen dingin nang hong sawl lo hi.

Jeremiah 44:24

Tua ciangin mi khempeuhte kiang le a diakdiakin nupi khempeuhte kiangah, “Topa’ kammal ngai dih un. Egypt gamah a om no Judah mite khempeuh aw,

Jeremiah 6:16

Topa in mite tungah, “Lam kabomah ding unla khuadak un. Lam hoih ahi lampi luite dong unla tawn un. Tua hileh na tawldam ding uh hi,” a ci hi. Ahih hangin amaute in, “Ka tawn kei ding uh hi,” a ci uh hi.

Jeremiah 44:25

Vanglian Topa, Israel mite’ Pasian in hong genin-ah: Note le na zite un na khut bek uh tawh na sep uh hi loin na kam mahmah uh tawh, ‘Vantung kumpinu’ tungah paknamtui hal ding le tuidawn biakna piak dingin ka kiciamnasa uh bangin ka sem taktak ding uh hi,’ ci-in na gen khinzo uh hi. Tua ahihleh na kiciamna uh kipsak ta unla, na kiciamna uh bangin sem dih un!