Jeremiah 43:2 - Tedim Bible

² Hoshaiah’ tapa Azariah le Kareah’ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teng dingin pai kei un,’ ci-in a gen dingin nang hong sawl lo hi.

Tedim Bible Revision 2017

² Hoshaiahʼ tapa Azariah le Kareahʼ tapa Johanan a kipan migilo dangte khempeuh in kei kiangah, “Nang in zuau na phuak hi. Topa i Pasian in, ‘Egypt gamah a teeng dingin pai kei un,’ ci-in a gen dingin nang hong sawl lo hi.

Jeremiah 43:2 Referans Kwoze

Isaiah 7:9

Efraim’ lutang, Samaria hi a, Samaria’ lutang, Remaliah’ tapa ahi hi. Hih thu upna kho na neih kei leh, nang na kip kei ding hi,’ va ci in,” ci-in a gen hi.

2 KHANG TANGTHU NIHNATE 36:13

Pasian tawh amah a kiciamsak kumpi Nebukhadnezzar zong amah in lehdo hi. Israel Pasian, Topa’ kiang zuankik nuam lo a, zong kisik nuam loin a lung khauhsak hi.

1 PETER MASA 5:5

Tua mah bangin no khangnozaw deuhte in zong a khanghamte’ thu na mang un. Lai Siangtho in, “Pasian in a kiphasak mite nial a, a kiniamkhiat mite a hehpih hi,” a cih mah bangin na vekpi-un kiniamkhiatna puan bangin silhin, khatlekhat na na kisepsak un.

Jeim 4:6

Lai Siangtho in, “Pasian in a kihisakte nial a, a kiniamkhiatte a hehpih hi,” a cih mah bangin Pasian’ hong hehpihna lianzaw hi.

Jeremiah 43:1

Topa Pasian in mi khempeuh kiangah a hong sawl hih thuteng ka gen khit ciangin

Jeremiah 42:1

Tua ciangin galkapmangte khempeuh, Kareah’ tapa Johanan, Hoshaiah’ tapa Azariah, le a neupen pan a kipan a lianpen dongin mi khempeuh hong paikhawmin

Jeremiah 40:8

Mizpah khua Gedaliah kiangah a pai uh hi. Nethaniah’ tapa Ishmael, Kareah’ tapa Johanan, Tanhumeth’ tapa Seraiah, Netofah khuami Efai’ tate, le Maakath mi Jezaniah-te in a galkapte hong paipih uh hi.

Jeremiah 13:15

Ngai-in na bil uh ngat un; kisathei kei un. Bang hang hiam cih leh Topa in thu a genzo hi.

Paunak 16:5

Topa in a kihisak mite mudah a, amaute in gimna thuak hamtang uh hi.

Jeremiah 41:16

Tua ciangin Kareah’ tapa Johanan le a paipih galkapmangte khempeuh in, Nethaniah’ tapa Ishmael in Mizpah khua-ah Ahikam’ tapa Gedaliah a thah khit ciangin manin a paikhiatpih galkapte, nupite, naupangte le kumpi innsung mangte a kipan a omlai mi khempeuh Gibeon khua panin a ciahpih kik uh hi.

Paunak 30:9

Haulua leng nang hong nialin, “Topa i cih kua ahi hiam?” kong ci kha ding a, zawnglua leuleu leng mi’ na guksakin ka Pasian’ min kong daisak khazel ding hi.

Paunak 8:13

Topa zahtakna pen thusia muhdahna hi a, kiphatsakna le kihihsakna, gamtatsia le thuzuau ka mudah hi.

Paunak 6:17

kihihsakna, zuauthu genna, mawhnei lo mi thahna,

Late 123:4

A ututin a gamta mite in kote a hong zahkona, a kiphasak mite in hong simmawh bawlna hangin ka gimthuakna uh sauvei lua khinta hi.

Late 119:21

Nangmah in na thupiaknate panin a pialkhia, a kisamsiat, a kiphasakte na thuhilh hi.

Late 12:3

“I Leii tawh gualzo ding, i mukte eima neihsa; i to kua hiam?” a ci vial, kiphatsakna a piangsak leii, phat khemna muk khempeuh, Topa in atkhia tahen.

Paikhiatna 9:17

Ka mite tungah nang kiliansak lai-in amaute na paisak kei hi.

Paikhiatna 5:2

Ahih hangin Faro in, “Ama thu mangin Israel mite ka paisakna dingin Topa na cih uh kua ahi hiam? Topa na cih uh ka thei kei hi. Tua tham loin Israel-te ka paisak kei ding hi,” a ci hi.

Piancilna 19:14

Tua ahih ciangin Lot paikhia-in a tanute a tenpih dingte kiangah, “Manlangin hih khua panin paikhia un. Bang hang hiam cih leh Topa in hih khuapi a susia ding hi ta hi,” a ci hi. Ahih hangin amah pen a mak dingte tungah a ciamnui bang lel hi.

Jeremiah 18:18

Tua ciangin amaute in, “Hong pai un, Jeremiah sawm ni. Bang hang hiam cih leh eite a hong hilh dingin siampite ahi zongin, i dot ding mipilte ahi zongin, Pasian’ thu a hong gen dingin kamsangte ahi zongin i nei hi. Hong pai un, amah mawhsakin ama thu peuhmah mal khat zong i mang kei ding hi,” hong ci uh hi.

Jeremiah 41:18

Bang hang hiam cih leh Babylon mite a kihta uh hi. Babylon kumpipa in gam uk dingin a koih Ahikam’ tapa Gedaliah pen Nethaniah’ tapa Ishmael in suamlum ahih manin a kihta uh ahi hi.

Jeremiah 42:5

Tua ciangin amaute in kei kiangah, “Topa na Pasian in kote a dingin nang tungah a hong gen bangbang ka zuih kei tak mah uh leh Topa in mantakin thei tahen.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko a dingin Topa i Pasian’ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 44:16

“Topa’ mina nong gen thute kong mang kei ding uh hi.

Isaiah 9:8

Topa in Jakob tungah thu khat khah a, Israel tungah thu hong tung ding hi.