Jeremiah 43:11 - Tedim Bible

¹¹ Amah hong pai-in Egypt gam hong simgawp ding a, pulnatna tawh a si ding mite pulnatna tawh si-in, sala mat dingte salin kimanin, namsau a si ding mite namsau tawh kithat ding uh hi.

Tedim Bible Revision 2017

¹¹ Amah hong pai-in Egypt gam hong sim gawp dinga, pulnatna tawh a si ding mite pulnatna tawh si-in, sal a mat dingte salin kimanin, namsau a si ding mite namsau tawh kithat ding uh hi.

Jeremiah 43:11 Referans Kwoze

Jeremiah 44:13

Jerusalem khua ka siatsak bangin Egypt gam a teng mite namsau tawh, kialpi tawh, pulnatna tawh sihna ka thuaksak ding a,

Jeremiah 15:2

Amaute in, ‘Koi-ah pai ding ka hi uh hiam?’ ci-in hong dot uhleh hih bangin genkik in: ‘Topa in, “Pulnatna tawh a si dingte pul-in si ding uh a, namsau tawh a si dingte namsau-in si ding uh hi. Kial tawh a puksi dingte kialin si ding uh a, sala kikai dingte zong salin kikai ding uh hi,” a ci hi,’ va ci in.

Zekhariah 11:9

Tua ciangin kei zong tuuhonte kiangah, “Note ka hong cing nawn kei ding hi. A si dingteng si unla, a kisusia dingteng siacip un. A omlaisun teng khatlekhat kisanek un,” ka ci hi.

Jeremiah 25:19

Egypt kumpipa Faro le a nasemte, a kumpi uliante;

Ezekiel 5:12

Note seh thum suah seh khat pen cina le gilkialin khuapi sungah na si ding uh hi. Seh thum suah seh khat, khuapi kiimah namsau-in na si ding uh hi. A omlai seh thum suah seh khat ahihleh mun khempeuhah hong thehthangin namsau tawh kong delh ding hi.

JOB (Job) 20:29

“Migilote’ ngah dingin Pasian in a piak gimna migilote’ ngah pen tu-a bang ahi hi,” a ci hi.

Jeremiah 25:15

Topa, Israel mite’ Pasian in kei hong hopih a, “Ka khuttung panin hehna tawh a kidim hih leenggahzu hai la inla, kong sawlna gamte khempeuh dawnsak in.

Jeremiah 42:22

Tua ahih manin na tennopna mun uhah namsau tawh thahna, kial le pulnatna tawh sihna na thuak ding uh hi, ci-in tu-in teltakpi-in thei ta un,” ka cithuah lai hi.

Ezekiel 29:11

Na gam sungteng, mihing in ahi a, ganhing in ahi zongin sik nawn lo ding hi. Kum sawmli sung bangmah om lo ding hi.

Jeremiah 44:12

Egypt gamah a teng dingin a lungsim a khensat khin Judah mi a omlaite, a vekpi-un ka sisak khin ding hi. Egypt gamah namsau tawh kithat sakin kial tawh ka puksisak ding hi. A neupen a kipan a golpen dongin namsau le kialpi tawh a si ding uh a, mite’ lipkhap, mite in kihamsiatna-in a zat leh mite’ simmawh ka suaksak ding hi.