Jeremiah 42:4 - Tedim Bible

⁴ Kei zong amaute kiangah, “Nong genna uh ka thei khinzo hi. En un, nong ngetna bangun Topa na Pasian uh kiangah thu ka ngen ding a, Topa’ hong dawnkikna bangbang ka hong gen ding hi. Bangmah kong im kei ding hi,” ka ci hi.

Tedim Bible Revision 2017

⁴ Kei zong amaute kiangah, “Nong genna uh ka thei khinzo hi. En un, nong ngetna bangun Topa na Pasian uh kiangah thu ka ngen dinga, Topaʼ hong dawnkikna bangbang kong gen ding hi. Bangmah kong im kei ding hi,” ka ci hi.

Jeremiah 42:4 Referans Kwoze

Late 40:10

Nangma hotkhiatna thu ka im kei a, na thumanna le na hotkhiatna ka gen khin hi. Na itna kip le na thumanna mihonpi tungah ka im kei hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

Paikhiatna 8:29

Tua ciangin Moses in, “En in, nang kiang panin kei paikhia-in Faro’ kiang pan, a nasemte’ kiang pan, le a mite’ kiang panin tho honpite zing ciangin a paikhiat theih nadingin Topa’ tungah thu ka ngen ding hi. Ahi zongin Topa’ tungah biakna a pia dingin mite paisak lohna tawh Faro hong zuautat kik nawn kei in,” a ci hi.

Sawltak 20:20

Mihon lak ahi a, note’ inn sungah ahi zongin ka hong thuhilhna khempeuhah note’ phattuam nading a om khempeuh siit nei loin kong gen khin hi.

Jeremiah 23:28

Kamsangpa in mang a mat leh a mang bek mah gen hen la, ahih hangin ka thugenna a za mipa in ka thugente mah mantakin gen tahen. Buhtu le buhtang bangci kibat theih ding ahi hiam, Topa in kong ci hi.

ROM (Romans) 10:1

Sanggamte aw, i mipihte in hotkhiatna a ngah nading deihsakin lungsim takpi tawh Pasian kiangah thu ka ngetsak hi.

Sawltak 20:27

Bang hang hiam cih leh note tungah Pasian’ thu kong gen loh khat zong om nawn lo hi.

Ezekiel 2:7

Amaute in hong mang a, hong mang kei zongin, nang tungah kong gen khempeuh amaute tungah va gen in. Amaute pen a lehdo thei mi ahihna uh phawk in.

Jeremiah 23:35

Mi khempeuh in a lawmte kiangah ahi a, a sanggamte kiangah ahi zongin, ‘Topa in bangin hong dawng hiam? Topa in bang hong gen hiam?’ ci-in na kidongzaw ding uh hi.

Jeremiah 26:2

“Topa in kong cihin-ah, Topa’ biakinnpi huang sungah va ding inla, Topa’ biakinnpi sungah a bia dinga a hong pai Judah gam khuapite khempeuh kiangah gen dinga kong sawl khempeuh va gen in. Kam khat beek im kei in.