Jeremiah 42:2 - Tedim Bible

² kei kiangah, “Kong thumna uh hong ngai inla, a hong kinusia ko teng a dingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hita uh hi.

Tedim Bible Revision 2017

² kei kiangah, “Kong thumna uh hong ngai inla, a hong kinusia ko teng adingin Topa na Pasian kiangah thu hong ngetsak in. Bang hang hiam cih leh khatvei lai-in mi tampi ka hih uh hangin tu-in nong muh bangin mi tawmno khat bek ka hi ta uh hi.

Jeremiah 42:2 Referans Kwoze

Jeremiah 36:7

Topa’ tungah amaute thumin a vekpi-un a hoih lohna uh panin a kihei thei kha ding uh hi. Bang hang hiam cih leh hih mite’ tungah Topa in tunsak dingin a gensa a hehna le a thangpaihna lian mahmah hi,” ka ci hi.

Siampi Laibu 26:22

Keimah in note’ lakah gamsate hong khahin, amaute in na tate uh hong neksak ding uh a, na ganhingte uh susia-in, note mi tawmno khat hong suah ding a, note’ lampite zong gamkhing hong suak ding hi.

Jeim 5:16

Tua ahih manin na ci uh a dam nadingin khatlekhat tungah na mawhna uh kipulakin thu na kingetsak ta un. Mihoihte’ thungetna in vang nei a, na lianpi semzo hi.

Sawltak 8:24

Tua ciangin Simon in Peter le Johan kiangah, “Tu-a na thugente uh kei tungah khat beek hong tun loh nadingin thu hong ngetsak un,” a ci hi.

Kah la 1:1

Khatvei lai-in mi a dimtakin a tenna Jerusalem khuapi bangzah takin gamdai ahi hiam? Leitung bup in a zahtak khuapi tu-in meigong tawh a kibang ta hi. Leitung a om khuapi khempeuhte’ lak panin a thupi pen khuapi tu-in salin a kiman khinzo hi.

Isaiah 37:4

A nungta Pasian a zahko dingin ama topa, Assiria kumpipa in a sawl a ulianpa’ thugente, Topa na Pasian in za hen la, tua bang thu a gente gim pia tahen. Tua ahih ciangin a omlai i mite a dingin thu ngen in,’ ci hi,” ci-in a gen uh hi.

Isaiah 1:9

Vanglian Topa in eite tawmno khat a nungta-in hong siit hikeileh, eite pen Sodom khua bang khinin Gomorrah khua i bang khinta ding hi.

1 SAMUEL MASA 12:19

Tua ciangin mi khempeuh in Samuel kiangah, “Kote ka sih loh nadingun na nasemte a dingin Topa’ tungah thu ngen in; bang hang hiam cih leh ka khialhnasate uh banah kote a dingin kumpi khat ngenin ka khialhnate uh banah hih siatna ka behlap lailai uh hi,” a ci uh hi.

1 SAMUEL MASA 7:8

Tua ciangin Israel mite in Samuel kiangah, “Filistia-te’ khutsung panin amah in eite hong hotkhiat theih nadingin Topa i Pasian’ tungah eite a dingin thunget na khawl kei in,” a ci uh hi.

Jeremiah 37:20

Tu-in ka to kumpipa aw, ka thugen nong ngaih nadingin kong thum hi. Kumpi thuvanpi pa Jonathan’ inn-ah nong puak kik nawn loh nadingin na mai nuai-ah kiniamkhiatna tawh kong thum hi. Bang hang hiam cih leh nong puakkik leh tua lai-ah ka si taktak ding hi,” ka ci hi.

Jeremiah 37:3

Kumpi Zedekiah in Shelemiah’ tapa Jehukal le Maaseiah’ tapa siampipa Zefaniah keima kiangah hong sawl a, “Topa i Pasian’ kiangah kote a dingin thu hong ngetsak in,” ci-in a hong gensak hi.

1 KUMPI MASATE 13:6

Tua ciangin kumpipa in Pasian’ mipa kiangah, “Tu-in Topa na Pasian’ maipha kunh inla, ka khut a ngei a bat nadingin thu hong ngetsak in,” a ci hi. Tua ciangin Pasian’ mipa in Topa’ tungah kunh hi. Tua ciangin kumpipa’ khut a ngei bangkik a, a nidanga mah hong bang hi.

Thu-hilhkikna 28:62

Note, vantung aksite zahin a tam na hihna sung uhah tawmno bek na pha ding uh hi; bang hang hiam cih leh Topa na Pasian uh thu na mang kei uh hi.

Paikhiatna 8:28

Tua ahih ciangin Faro in, “Sehnel gamah Topa na Pasian uh tungah biakna a pia dingin note kong paisak ding hi. Ahi zongin gamlapi-ah na pai kei ding uh hi. Kei a dingin zong hong thumsak un,” a ci hi.

Mattiu 24:22

Pasian in tua gimna hun a ni khiam lo hileh a suaktazo kuamah om lo ding hi. Ahi zongin ama teel mite a khualna-in a ni a khiam ding hi.

Ezekiel 12:16

Ahi zongin galsung, kialpi, le natna sung panin tawmkhat ka suaktasak ding a, minam dangte’ lakah a omna mun panun a gamtatnasate uh a muhdahhuaina phawkin, kei pen Topa ka hihna thu hong thei ding uh hi,” a hong ci hi.

Jeremiah 42:20

Na sih nadingun lam na pial khin uh hi. Bang hang hiam cih leh Topa na Pasian uh kiangah kei nong paisak uh a, ‘Ko a dingin Topa i Pasian’ kiangah thu hong ngetsak in. Topa i Pasian in a hong gen peuhpeuh ko kiangah hong gen in. Ko zong ka mang ding uh hi,’ na hong ci uh hi.

Jeremiah 21:2

“Kote a dingin Topa’ kiangah thu hong dotsak in. Babylon kumpipa Nebukhadnezzar in a sim dingin hong umcih hi. Topa in a na lamdangte khat kei’ tungah hong zang leh amah kilehkiksak thei kha ding hi,” ci-in a dongsak hi.

Isaiah 1:15

“Thungenin na khutte uh nong zaak uh ciangin note kong en kei ding a, thu tampi na nget uh hangin ke’n ka ngai tuan kei ding hi. Bang hang hiam cih leh sisan tawh note’ khut kidim hi.

1 SAMUEL MASA 12:23

Tua tham loin kei zong, note a dingin Topa’ tungah thunget lohna tawh ka na khial het kei ding a, keimah in a hoih a man lampite note kong hilh ding hi.

Thu-hilhkikna 4:27

Topa in mite lakah note hong thehthang ding a, Topa in note hong hawlna minamte lakah mi tawmcik bek na omlai ding uh hi.

Paikhiatna 9:28

Topa’ tungah thum un. Bang hang hiam cih leh hih vanging le gialpi kicingzo hi. Note kong paisak ding a, note na khawl nawn kei ding uh hi,” a ci hi.

Jeremiah 15:11

Topa aw, amaute’ hoih nadingin nang tungah kong thumsak kei a, gimna le haksatna hun ciangin ka galte a dingin nang’ tungah kong ngetsak kei leh tua amau’ hong hamsiatnate kei’ tungah hong tung ta hen!

Jeremiah 38:14

Kumpi Zedekiah in kei hong vaikhak a, Topa’ biakinn kongkhak tumna-ah a hong sam hi. Kumpipa in kei kiangah, “Thu khat kong dong ding hi; bangmah hong im kei in,” hong ci hi.

Jeremiah 40:15

Tua ciangin Kareah’ tapa Johanan in Mizpah khua-a Gedaliah’ kiangah, “Nethaniah’ tapa Ishmael hong thatsak in. Kuamah in hong thei lo ding uh hi. Nang hong kithat leh nang a hong beel Jew mite kikhenthang ding a, Judah gamah mi a omlai sunteng in zong beilawh ding uh ahih manin bang hangin amah in nang hong that laizang ding ahi hiam?” ci-in a hopihsim hi.

Hosea 8:10

Tua bangin minam dangte a cial hangun keimah in amaute kaikhawmin gim ka pia veve ding hi. Assiria kumpipa’ bawlsiatna tawh a sawt loin gimna a ngah ding uh hi.

Amos 7:2

Kauphe in gam sung lopate a gaih khit ciangin, keimah in Topa tungah ka thum a, “Topa Pasian aw, na mihingte’ mawhna maisak in. Amaute minam tawm hi a, zawngkhal uh ahih manin bangci-in thuakzo ding ahi uh hiam?” ka ci hi.

Thu-hilhkikna 28:63

Topa in note tungah a hong bawlna le note tampi hong phaksakna-ah nuam a sak mah bangin, note tungah siatna tunsakna le note suksiatna-ah zong Topa in nuamsa ding a, a luah dingin na lutna uh leitang panin note hong kilakhia ding hi.

Late 119:170

Keima thumna in na kiang hong ban hen la, nangma thu omsa tawh kizui-in kei hong honkhia in.

Isaiah 42:20

Israel in na tampi mu a, ahih hangin tuate encian lo hi. Ama bilte vang a, ahih hangin amah in khua za lo hi,” a ci hi.

Jeremiah 2:27

Amaute in singtawng khat kiangah, ‘Nang pen ka pasian na hi hi,’ ci uh a, suangtum khat kiangah, ‘Ka pianna ka nu na hi hi,’ peuh a ci uh hi. Bang hang hiam cih leh amaute in kei hong nungngatin hong maingat lo uh hi. Ahih hangin haksatna a tuah uh ciangin, ‘Tho inla hong hon in,’ hong ci uh hi.